الرجاء المساعده

**هيما المصري** · 10-05-2015 02:37 AM

سلام عليكم انا جديد في المنتده وبصارحه اجمل منتده من حيث خدمه الاعضاء المهم انا محتار قدامي عربتين الاولي سوزوكي سويفت 92 هتشا باك جنوط مش راشه دواخل المتور بحاله جيده عفشه كويسه كاست بلتوث تكيف يحتاج اصلاح وفيها قطعه برومه في السطح عند الباب اللي وراء صغيره ودي اول يد من الزيروا متور 1300 والسعر 21 الفالثانيه سكودا فيفوريت 94مش فبريكه دواخل بالكامل متور حاله ممتازهفرش بلدها وموكت بلادها جنوط اسبوركوتش تبلوس عده صوت يباني زجاج كهرباء تكيف هاف باور السعر 18 ودي متورها 1300 تنصحوني باي وحده فيهم

**Omar Sarray** · 10-05-2015 08:48 AM

خليك مع سكودا 94 والتأكد من حاله الموتور والعربيه وماشية كام ومتصلحه قبل كده وله لا وإلى مكتوب قسمه ونصيب

**Abo_Mazen** · 10-05-2015 09:20 AM

من قبل ما كمل قراية بقيت كلامك كنت هقولك خليك على السويفت ..تقريبا عيبها الوحيد إنها هاتش مش سيدان ..غير كده قطع غيارها متوفره وبكتره كمان ..وبعدين العربيه دي اللي هي موديل 92 دي ياباني ياباني يعني ..مش مصري ولا حاجه تانيه ..بالنسبه للبارومه تتصلح عادي ..بس حاول تقدر تكلفة عملها وتخصمه من تمن العربيه أو تقسم تكلفة عمل البارومه دي ما بينك وما بين البايع ويتخصم برضه من تمنها ..بالنسبه للفيفوريت فأنا ما ركبتهاش ..بس بشوف هنا مشاركات لناس وخصوصا في الصيف بخصوص الحرارة ..ما هي الفيفوريت من عائلة الفليشيا وإن كانت هي قبل الفليشيا علطول ..وما نزلتش غير سنة واحده بس اللي هي 94 دي ..بالنسبه لقطع غيار الفيفوريت فاللي راكبها أدرى بيها ..وعارف حاجتها بتيجي منين ومن عند مين ..وإن كانت طبعا السويفت تتفوق عليها في إنتشار قطع غيارها وسهولة الحصول عليها ..الكلام اللي أنا قلته ده رأي شخصي ليا يحتمل الخلاف عادي جدا