الموضوع: حد يعرف حاجة عن سلطنة عمان ؟

بلد رائعة قعدت فيها حوالي 3 شهور .. شعبها اكتر شعب عربي محترم و متواضع و خلوق تكلفة المعيشة فيها ارخص من الامارات و قطر بس اغلي من السعودية هيتبسط فيها ان شاء الله نظام تعليمي هو الافضل في الخليج، نظافة و نظام، طبيعة ساحرة، هواء نقي، هدوء وراحة بال فظيعة، مستوي معيشة مرتفع، قانون زي السيف يطبق علي الجميع يكفي اني اقولك ان عمان واخدة تالت احسن دولة علي مستوي العالم في جودة الطرق الاسفلت عندهم حريير لما بسوق هناك برجع مصر بتعب :) غرامة كسر اشارة هناك سجن القانون مستحيل حد يتعداه
مسقط هي العاصمة و طبعا ارقي وﻻية في الخدمات و سهولة المعيشة .. صلالة جنة علي الارض دور علي صور ليها علي النت الناس بيروحوا يزوروها من كل بلاد العالم فعلا جنة بس بعيدة عن العاصمة حوالي 1000 كم
متقفش في طريقه ان شاء الله هيتبسط جدا عمان اجمل من قطر و الامارات و السعودية لو زورتها هتقعد جنبه :)

اه و في ميزة غريبة العمانيين بيحبوا المصريين مش عارف ليه الصراحة !! :d كل اما اخش محل صاحبه عماني يفضلوا يرحبوا بيا و يقعدوا يكلموني عن مصر ده انا حبيت مصر منهم ! :)

بلد محترمة وبيحبوا المصريين جدا، واحد صاحبي هناك هو دكتور برضه ومبسوط جدا، هو هناك من 3 سنين وبيقول الدكاترة واخدين وضعهم هناك