جمااااااعة عايز كل واااااحد عنده عربية موديل تسعينات او قديمة شوية يحش يكتب نوووووع الزيت اللى بيستخدمه عشااااان الفااااايدة تعم انا عن نعسى بستحدم شيل التقيل متنساش اسم العربية وتاريخ موديلها
جمااااااعة عايز كل واااااحد عنده عربية موديل تسعينات او قديمة شوية يحش يكتب نوووووع الزيت اللى بيستخدمه عشااااان الفااااايدة تعم انا عن نعسى بستحدم شيل التقيل متنساش اسم العربية وتاريخ موديلها
اوكتافيا a5 2007 .. شيل ألترا 5w 40
حالة الموتور هي اللي بتحكمك تستخدم زيت إيه.. مش الموديل ولا السنة..
ممكن عربية موديل تمانينات وحالتها ممتازة تستخدم زيت تخليقي خفيف عادي جدا..
وممكن عربية موديل ألفينات بس موتورها هلكان وتبقا مضطر تحط زيت معدني تقيل عشان لزوجته عالية..
اقرا الموضوع ده هاتفهم قصدي :)
http://www.nilemotors.net/Nile/466491-a.html
ايسوزو بيك اب موديل ٢٠١٤ سولار بستخدم زيت بيزول ٥٠-٢٠
تويوتا كارينا 1983 بعد العمرة ماشية 14.000
زيت بيزول سبيشيال معدني 15w-40
أكيد حالة الموتور بتفرق...
بس متهيألي لو كنا استخدمنا الزيت المناسب من أول ما العربية كانت زيرو مش هنبقى محتاجين كل الاختراعات دي.
دايما بقول إن الزيت المناسب هو المكتوب في الكتالوج. . بغض النظر عن تجارب أي شخص آخر... ﻷن مش كل الزيوت مناسبة لكل المواتير
والأكتر من كده... لو حضرتك اخترت زيت تقيل علشان الموتور حصل له تآكل بعد فترة من الزمن.. فالاختيار لازم يكون بردو من الموجود في الكتالوج.
ده طبعا بيودينا لمشكلة تانية .. إن كتالوج العربية مش بنعرف ناخده من اللي بيبيع العربية المستعملة .. وكإنه سر من الأسرار الحربية.. مع إن الكتالوج ده هو اللي فيه كل شيء عن كيفية تشغيل العربية بأفضل طريقة تحافظ عليها...
ليا رجاء من كل المشاركين..
ما تبصش لماركة الزيت قبل ما تبص على مواصفاته.. لإن المواصفات هي الأهم..
ولو لقيت زيت بمواصفات تناسب سيارتك مهما كانت ماركته .. اشتريه وحطه في الموتور وانت مطمن... حتى ولو كان زيت التعاون أو مصر للبترول.
الكلام ده طبعا بعد ما تتأكد من سلامة العبوة وعدم الغش.
...
دا حقيقى الإلتزام بالكتالوج هو الحل الأمثل فى الأمور كلها
مع أطيب تمنياتى