الموضوع: ادخل اسم الزيت اللى بتستحدمه ونوع عربيتك وموديل سنة كااااام

المشاركة الأصلية كتبت بواسطة salamonti

حالة الموتور هي اللي بتحكمك تستخدم زيت إيه.. مش الموديل ولا السنة..

ممكن عربية موديل تمانينات وحالتها ممتازة تستخدم زيت تخليقي خفيف عادي جدا..
وممكن عربية موديل ألفينات بس موتورها هلكان وتبقا مضطر تحط زيت معدني تقيل عشان لزوجته عالية..

اقرا الموضوع ده هاتفهم قصدي :)

http://www.nilemotors.net/nile/466491-a.html

أكيد حالة الموتور بتفرق...

بس متهيألي لو كنا استخدمنا الزيت المناسب من أول ما العربية كانت زيرو مش هنبقى محتاجين كل الاختراعات دي.

دايما بقول إن الزيت المناسب هو المكتوب في الكتالوج. . بغض النظر عن تجارب أي شخص آخر... ﻷن مش كل الزيوت مناسبة لكل المواتير

والأكتر من كده... لو حضرتك اخترت زيت تقيل علشان الموتور حصل له تآكل بعد فترة من الزمن.. فالاختيار لازم يكون بردو من الموجود في الكتالوج.

ده طبعا بيودينا لمشكلة تانية .. إن كتالوج العربية مش بنعرف ناخده من اللي بيبيع العربية المستعملة .. وكإنه سر من الأسرار الحربية.. مع إن الكتالوج ده هو اللي فيه كل شيء عن كيفية تشغيل العربية بأفضل طريقة تحافظ عليها...

ليا رجاء من كل المشاركين..

ما تبصش لماركة الزيت قبل ما تبص على مواصفاته.. لإن المواصفات هي الأهم..

ولو لقيت زيت بمواصفات تناسب سيارتك مهما كانت ماركته .. اشتريه وحطه في الموتور وانت مطمن... حتى ولو كان زيت التعاون أو مصر للبترول.

الكلام ده طبعا بعد ما تتأكد من سلامة العبوة وعدم الغش.


...