ليا واحد صاحبي هيتجوز وهو مسافر برة فهو هيتجوز وياخد زوجته معاه
فأهل العروسة مقلقين شوية
فهو قالهم ممكن أكتب شيك مثلا لحد ما يرجع من السفر لمصر وبعدين يكتب قايمة عادي ؟؟
قإي حكم الشرع ف كدة ؟
ليا واحد صاحبي هيتجوز وهو مسافر برة فهو هيتجوز وياخد زوجته معاه
فأهل العروسة مقلقين شوية
فهو قالهم ممكن أكتب شيك مثلا لحد ما يرجع من السفر لمصر وبعدين يكتب قايمة عادي ؟؟
قإي حكم الشرع ف كدة ؟
اه وبالمره يمضوه علي كمبيالات و يمضوه علي بيته وعلي بياض
انا شايف ان الحوار دا غريب فزمن غريب .. يعني الشيك هو اللي هيطمنهم علي بنتهم ؟!!!
رحمتك يا الله
ههههههههههه
قال يعنى
ا/محمود اخبارك ايه
اظن الموضوع مش محتاج شيك لضمان حق بنتهم اذا كانوا شايفين فيه انسان يصلح لبنتهم فملهوش لازمه الشيك ولا غيره ولما ينزل مصر يبقى يحلها ربنا اما لو خايفين منه يبقى بلاش الموضوع من اساسه
واظن هو لو كتب شيك على نفسه علشان يتجوز عمره محيكون مرتاح فى بيته وهو حاسس ان حد مداينه او انه واخد حاجه وسايب رهن مكانها علشان يرجعها سليمه فحيحس ان الموضوع مادى بحت "اخد حاجه ودفع مكانها" وموضوع الجواز اساسه تفاهم وموده فكده الاساس اللى هو حيتجوز بيه حيكون غلط وبالتالى حيبنى على الغلط ده باقى حياته .
شرعا مش عارف بس اجتماعيا شايف الموضوع مينفعش
تحياتى.
لا يمضوه على بياض احسن
ياجماعة هو مش فارق الأمر أوي معاه !
بس اللي فارق حكم الشرع
فياريت اللي يدخل يقول حكم الشرع أو لو ميعرفش بلاش يدخل ف مواضيع وآراء تانية !!
اسلام باشا ازيك معلش مكملناش كلامنا لأن الموب فصل شحن قريب لينا اتصال تاني ان شاء الله
طب مهي القايمة اللي كلكم متجوزين بيها تعتبر شيك يعني !
ولآ هي أي تريقة ف أي حتة !
أنا ضد الموضوع ده تماما وعمري ما هعمله بس هي عقليات وأفكار !!
بلاش فزلكة الله يخليكم وكل واحد يبص لنفسه أفضل
أغلب اللي بيتريقوا مجوزين بناتهم بقايمة أصلا ويرجع يقول تخلف !!
حكم الشرع لو محدش يعرفه ميردش الله يخليكم !؟
تشرفنى يا باشا انا عرفت لانى كلمتك بعدها لقيت التيلفون فصل فعرفت انه فصل شحن ههههههه.
وعلى فكره حابب اقولك فى الموضوع ده ان الناس اللى ردت علقت كده لان القايمه بتكون حاجات الزوج استلمها وماضى لانه مفترض يسلمها لو حصل انفصال "لا قدر الله" فده بيعتبر فى كتير من الاوقات حق مشروع انما الشيك هو بيمضي على ايه او مقابل ايه
رجاء تقبل خروجى عن الرأى الشرعي "لانى معرفوش " بس وجب التوضيح.
تحياتى.
يعني اهل البنت مأمنين علي بنتهم مع صاحبك بس مش مأمنين صاحبك علي شويه فلوس ؟؟؟
لا وجهه نظر برضه -_-
القايمه مش تخلف علي فكره .. و السؤال بتاعك مفهوش علاقه بالشرع .. هو صاحبك بس استغرب انهم يكتبوا شيك عليه كضمانه !! ويتمني انه حرام شرعا
بس هو مش حرام .. دي الأجابه
واحنا غلطانين اننا كنا بننصح صاحبك .. احنا اسفين
بس المهم يقطع الشيك لما يرجع و يكتب القايمه
شوف حضرتك مبدئيا نتفق ان الشيك بديل عن القائمة لحد الرجوع من السفر وبالتالی ينطبق عليه ماينطبق علی القائمة.
أنا يمكن كنت من فترة متضايق من موضوع القائمة وإن ده يعتبر إقلال من كرامة الزوج لكن بعد ما بحثت ودورت اكتشفت إنی غلط ولقيت إن الموضوع مش زی ما احنا متصورين اكتشفت القائمة هی بديل للمهر اللی ما بيدفعش اصلا نظرا للحالة المعيشية فی مصر واللی المفترض يتم شرعا ان الزوج هو المتكفل بالزواج كليا حتی بملابس زوجته وده موجود فی دول كتير ومع ذلك أيضا بيدفع مهر وعلی فكرة المهر ده شرط من شروط الزواج
وبالتالی ده يعتبر مهر مؤجل السداد ولو حصل انفصال _لا قدر الله_بيقی العفش من حق الزوجة لانه مادفعش مهر من الأساس وموضوع ان احنا شباب واحنا بنكافح وكده مش لازم يعمينا عن الحق يكفی يا أخی إن الزوجة بتشارك معاك فی منزلك ومعظمنا لو حد اتقدم لأخته أو بنته وهو مش حابب الأمر برضه هيخليه يكتب قائمة حفظا لحقها يبقی بلاش ننظر للموضوع من زاوية واحدة
ونسأل نفسنا سؤال هل لو حد اتقدم لأختك وجه ساعة الموضوع ده ورفض حتی لو هو مين هتعترض وتقول ده مش شاريها و....الخ
أما موضوع الشيك برضه فهو كده يعتبر بدل القائمة اللی هی اساسا المهر وهو حل مناسب جدا ومفيهوش تخوين أو حاجة ده بنت لا حول لها ولا قوة ومع راجل غريب فی بلد غريبة ومفيش ولی أمر للمسلمين يبقی مفيش مشكلة وأنا لو مكانه هأعمل كده ولو مكان ولی أمرها هاطلب منه كده والأمر ده راجع للعرف والعرف إذا لم يخالف الشرع فلا مانع من العمل به وطالما الأمر يتم بالرضا والمعروف.
.*سئلت اللجنة الدائمة :.ما حكم الإسلام في ما يسمى بـ (القائمة) وهي عندنا: أن تكتب في وثيقة الزواج وهي تتكون من المنقولات التي أحضرها العريس أو التي لم يحضرها العريس، ويقال: إنها من المصالح المرسلة لخراب الذمم، قياسا بوثيقة الزواج؟ فأجابت : "إذا كان الأمر كما ذكر، فلا مانع من ذكرها في وثيقة الزواج، والتوقيع من كل من الزوجين عليها حتى إذا حصل خلاف يوجب الخلع يكون ما دفعه الزوج واضحا لا لبس فيه. وبالله التوفيق" فتاوى اللجنة الدائمة - المجموعة الأولى - (19 / 39)
وبالتالی الأمر مفيهوش مشكلة بل هو الأصلح فی هذه الظروف
شرعاً يعتبر الشيك ده بديل المهر
لغاية ما يرجع ويجهز شقته اللي هي بديل المهر برضه وياخد شيكه
القائمة أو القايمة ما هي إلا بديل عن المهر
الرجالة اللي زعلانه من القايمة
بلاش قايمة خالص
بس إدفع مهر وجهز شقتك
مفيش يبقى قايمة
إلا إذا أهل العروسة مش عايزين قايمة فدي حاجة ترجعلهم
ISLAMIC AHMED1981: قائمة المنقولات الزوجية ( نموذج لقائمة المنقولات بصيغة وورد في نهاية الموضوع )
ـ
أزيدك من الشعر بيت
في ناس بدل موضوع الشيك بيطلبوا دهب بمبلغ كبير يغطي القايمة وفرش الشقة وووو
ولما بيرجع بيبيعوا الدهب وبيجهز بالفلوس شقته
وهي بتجهز الجزء المتفق عليه
وبرضه بيكتبوا قايمة
شرعا مش عارف
عرفا انا مش شايف فيها مشاكل و لا اهانه مانت بتمضى على القايمة و احيانا بيحطوا فى القايمة حاجات زيادة زى دهبها و ناقص يحطوا هدومها
بس كما هم يحتاطون هو كمان يحتاط و ميمضيش على بياض
و يشوف حكم الشرع طبعا
شرعا زى ما الاعضاء قالوا عن القائمة
بس الحق انها تكتب بقيمة اللى الزوجة جابته بس
مش حاجات الزوج جابها كمان
تانى نقطة صاحبك غفل عنها
ان القائمة لو حصلت مشكلة بتاخد الزوجة الاثاث اللى فيها
او هو من حقه يعرضه قانونا عليهم لاجبارهم على استلامه ويبقى خالى الذمة
لكن الشيك بكل سهولة من تانى يوم بقى سيف عليه
وممكن يجبروه على اى حاجة بيه
يكتب شقة ولا يديها دهب ولا يعمل اى حاجة
على اعتبار انه مأجر عربية
قرف ..... الجواز في مصر بقى transaction
خطأ يا سيدی الفاضل
الحق مش انها تكتب بقيمة اللی الزوجة جابته فقط ولكن الحق انها تتكتب بقيمة كل شيء لأن الزوج لم يدفع مهرا وبالتالی قيمة ما احضرته هو حقها كلمة واحدة اما ما أحضره هو فإنه بمثابة مهر لم يدفعه الزوج نقدا وهو واجب ولكنه تنازل لها عنه والناس اللی متضايقة من الموضوع خد الموضوع ببساطة لانها مش بيعة وشروة ولكن دين فی عنقك ولتفادی الامر تماما حضرتك جهز شقتك بالكامل والزوجة تيجی تقعد معززة مكرمة وتدفع مهر ليها وهو ده حكم الشرع .
طبعا هتصدم بالعجز وضيق ذات اليد وانت لسه فی بداية حياتك هقولك العيب مش فی الشرع لان النظام ده موجود من آلاف السنين حتی فی الجاهلية ولكن العيب فی النظر للناس والمجتمع النمطی المشلول وشراء ما لا يحتاج إليه فقط لأن فلان جاب كذا يكفی ان حضرتك تجهز بيتك بنفسك حتی لو حصير ولا تسمع كلمة جارحة من زوجتك او حماتك او ای شخص .والحق أحق أن يقال.
موضوع الشيك انا مش شايفة مشكلة طالما الأسرة طيبة والبنت كويسة وطالما احنا فی زمن فاسد انعدم فيه الضمير ومن حق والدها انه يطمن عليها وممكن تقدر قيمة قائمة حد من القرايب والمعارف ويكتب الشيك بقيمتها حتی العدول الی الوضع الطبيعی.
الاصل ان الزوج يأسس مسكن الزوجية على نفقته
بدون مشاركة منها
هنا لا فيه قائمة ولا شيء
ولكن القائمة لان المهر والاثاث اللى الزوج احضرهم ناقصين بقيمة ما اشترته هى
لذا فالقائمة بدلا عما اشترته هى مش عن المهر كامل
كلام حضرتك فى حالة ان الاتفاق فيه مهر نقدى
هو ليه الشرع ممكن يعارض ان واحد يكتب شيك على نفسه؟
--
بس بصراحه موضوع القايمه والشيكات ده قلة ادب..طب مانا ايه يضمنلى ان مراتى مش هتسرق الفلوس اللى ف البيت او تبيع العفش وانا ف الشغل؟امضيها على شيكات انا كمان
بعيدا عن شرع الله الذى لا اعرفه جيدا ولا اتكلم فيه خوفا منى ان اخطئ لكن الشيك فى حد ذاته اهانه للشخص نفسه واقلال من شخصيته ودى ذاويه مهمه جدا
يعني مآمنني على لحمه و دمه و خايف على شوية فلوس
ده تخلف
الأصل إن الزوج يأسس بيت الزوجية بالكامل على نفقته
بدون مشاركة منها
ويدفع مهر كمـــــــــــــــــــــــ ـــــــــــــــــــــان
هو ده الشرع والأصل
وبالتالي القائمة بديل المهر وإثبات ما إشترته من مالها أو مال أبوها
المهر من شروط الزواج
مفيش حد مبيتفقش على مهر
الكل بيتفق على مهر لكن بصور مختلفة
مهر في شكل جزء من العفش والقائمة
أو مهر كاش
ـ
على فكرة
القايمة اللي بيتقال عليها إنها قلة أدب اخترعوها الناس لمساعدة الرجالة على الزواج بدون مهر
بدل دفع مهر بتدي الزوجة ورقة الزوجة تبلها وتشرب ميتها ولا بتستفيد منها أي حاجه إلا أحياناً لو حصل طلاق أو بعد موت الزوج
=
سيبك من القايمة اللي مضايقاك دي خالص ونرجع للأصل
إيه الأصل
الزوج مطلوب منه بيت مجهز على قد ظروفه
ومطلوب منه يدفع مهر مالي للزوجة
والزوجة شرعاً غير مكلفة بأي مليم أحمر
=
حل من إتنين
يا ناخد بالقايمة
يا نرجع للأصل قبل إختراع القايمة
ـ
اعرف واحد مضي على شيك بدل القايمة لضمان حق البنت
حصل خلاف بينهم وبردوا كانت مسافرة معاه
البت رجعت .. ابو البنت نفخه بسبب حوار الشيك دا
الكلام ده تقوله أيام زمان..ايام ماكان ممكن اجيب واحده تتجوز ف بيت ايجار او اجيب بيت ف مكان شعبى..انما اللى حاصل دلوقت انك لازم تجيب شقة تمليك ف مكان كويس..زمان مكنتش الست بتشتغل الا بموافقه جوزها,قالها سيبى الشغل تسيب الشغل..هل ده حاصل دلوقت؟
عموما انا موافق اجيب بيت على قدى واشطبه على قدى وافرشه على قدى وشبكه على قدى"وهو ده المهر" بس في المقابل محدش يطالبنى بهدايا فتره الخطوبه ولا حد يكتبنى مؤخر كبير كضمان انى مطلقش,ولا حد يقولى الشقة صغيره او مكانها مش قد كده او عاوز فرح يليق بعيلتنا وستان العروسة عليك و شهر عسل ف أوروبا وهو احنا هنفرح كام مره...
طالما الكلام ده موجود متجيش تقولى انا عاوز شيك ولا قايمه عشان انا مش مستأمنك..يا اخى احمس
مين فينا اللى يامن للتانى ..جايبلها شقة "تباه من حقها لو حصل انفصال"ومشطبها على اعلى مستوى وجايب هدايا وشبكه وتقولى امضيلى شيكات؟لا ده كده كتير جدا وفعلا قلة ادب..
نفترض ان العفش من صميم حقها زى مانت بتقول..تمضينى على شيكات؟طب انا ايه يضمنلى انك متصرفش الشيك او تسجننى بدون سبب؟ايه يضمنلى انها متبيعش العفش وتتهمنى انى انا اللى بعته؟ايه يضمنلى انها متخوننيش وتاخد العيال وتمشى وتصرف الشيك بتاعى كمان؟ياعم الكلام ده عيب جدا في حق الراجل
شيك - أكيد حضرتك بتهزر - شيك ايه يا راجل
أحب أقولك انكم لازم تكتبوه شيك على بياض بالاضافه للقايمه
ويكتب تعهد على نفسه فى حالة وفاته ان كل أعضاء جسمه متبرع بيها لأهل مراته ومراته - برضو لازم ندور على حق البنت
وأوعوا تنسوا انه لازم يكتب الشقه بأسم البنت (الاحتياط واجب برضو)
أما بخصوص الشرع - بص يا سيدى - الشرع بيقول ان الزوج مسئول عن تأسيس وتأثيث منزل الزوجيه على حسب امكانياته (يعنى انتوا عايزين بنتكم تدخل بعفش ودولاب فضيه ونيش زى بنت خالتها يبقى تدفعوا وانتوا ساكتين)- فى حالة الطلاق اذا الزوج اهدى للزوجه حاجه لا يحق له بإسترجاعها ويجب عليه دفع المؤخر والنفقه وما شابه - واذا كان الطلاق بناءا على طلب الزوجه (خلع) يجب على الزوجه رد كل ما دفعه الزوج لها
الله طيب والقايمه !!!!!!!!!!!!!!!!!
يمين عظيم ديه تأليفه مصريه - وبما اننا بنمشى بالشرع والعرف فبقت تعامل معاملة وصل الامانه بما انها عرف مصرى اصيل
وقبل ما اى حد يقول لى كلمتين من بتوع ما هو لو اختك أو بنتك مكنتش عملت كده
أختى اتكتب لها قائمة منقولات ملهاش اى 30 لازمه
بنت عمتى اتجوزت من غير قايمه اساسا
اغلب البنات المحترمه أوى وولاد الناس اوى بيتجوزوا من غير قايمه
ربنا يسامحنى على الكلمه - كل واحده عارفه نفسها - الشمال هيه واهلها بيجروا على القايمه والمؤخر بشكل هيستيرى ونهاية الموضوع بيبقى فى المحاكم
بنت الاصول بتدور بس على الزوج المحترم الصالح
يا رب نفسى لما موضوع زى ده يتطرح مردش عليه
ده يرجع للحالة اللي إتعرضت هنا
الراجل صاحب الموضوع موضحش إنه جاب أي حاجه أو ده اللي أنا فهمته
ففي المقابل هياخدوا منه مهر بدل كل حاجه عبارة عن شيك
أنا شايف إن ده حل بالتراضي بينهم مقبول
منين بقى إنت بتقول إنه جاب شقة ووضبها وشبكة وفرش ؟=إسمحلي أوضح رأيي في الموضوع تاني :ـلو الراجل هيتجوز بنتهم ويسافر بدون شقة أو أي مهرلابد يكون في مهر أو بديل للمهرلو إتفقوا إنه يكون شيكخلاصإتفقوا يبقى دهبخلاصإتفقوا ميحصلش جواز إلا لما يجيب شقة ويجهزهاخلاصإتفقوا يبقى مبلغ كاش وبسخلاص..والمسلمون على شروطهمالموضوع إتفاق وتراضيحاجه مقابل حاجه===أنا مش من دعاة القايمةأنا شايف أفضل طريقة :ــــــــــــــــــــــــالراجل يجيب شقه حسب ظروفه إيجار أو تمليك حسب ظروفهيجهزها ويفرشها حسب ظروفه برضه وقدرته الماديةيقدم شبكة مناسبة حسب ظروفه برضهيدفع مهر مقدم بدون مغالاة ويتكتب مؤخر بدون مغالاة برضهبس كده======الطريقة دي مش هيوافق عليها الناسيبقى نشوف بدائل من غير زعل
ـ
هو انا فعلاً مش قادر افهم وجهة نظرك
واحد بيخطب بنتكبس هوا مسافر وهيتجوز هناكيعني هيا هتسافرله على هناكأو يتجوز هنا في فندق ويسافر وهيا تحصلهمعندوش شقة في مصرمش هيجهز لأن مفيش شقةهناك في بلد الهجرة المؤقتة هيأجر شقة ويجيب عفش على قده على ما يرجع مصر=تمام=إنت هتعمل معاه إيه أو هتتفق على إيه لبنتك ؟
ـ
لو مش ضامنه اساسا مش هاجوزهاله و مش شيك و لا قايمة اللي هيطمنوني على اغلى ما املك (بنتي)
انا اختي اتجوزت كدة فعلا..
الراجل كان دافع مقدم شقه.. جاب شبكه واتفقنا علي مهر نص عفش الشقه لما يستلمها.. عمل شهر عسل ودفع النص في الفرح
وضامنينا طبعا والا مكناش قبلناه.. والحمدلله مش ندمانين
انما اقبل واحد يباه جزء من العيله واخد منه ايصالات وكمبيالاتوالشغل ده يباه انا مش شايفه راجل اصلا
حضراتكم دلوقتی فی نقطتين فی الموضوع :نقطة الاستحقاق ونقطة الكتابة
انا مش عارف هل الخلاف فی النقطتين ولا فی الثانية فقط اعتقد ان الاولی مفيهاش خلاف وفقا للشرع اللی ألزم الزوج بتجهيز بيت الزوجية بما يطيق ودفع مهر يسير عليه من غير ما اثقال وان اللی حاصل فی بلدنا من مشاركة الزوجة ده امر مستحدث للتيسير علی الشباب وكذلك الزوج مطالب بالانفاق علی زوجته حتی ولو فرض انها تعمل فمالها خاص بيها يبقی حضرتك دلوقتی مدين للزوجة لانها شاركت معاك فی التجهيز ودين آخر وهو انك مدفعتش مهر لوليها وبالتالی بتكبتلها الدين بما احضرت هی ودين المهر بتكتبلها بيه ما احضرته انت كبدل اما الشيك فهو بيكتب لانك ما دفعتش مهر وما جهزتش شقة وممكن بعد ما يرجع من السفر يخلف وعده ويقعدها عند والدته وده مش حاجة وحشة لكنه خلف الاتفاق او بدل ميجيب شقة فی المدينة اللی احنا اتفقنا عليها يجيب شقة فی آخر الدنبا ويكلف الناس مشقة او يقول مش جايب شبكة وده برضة مش عيب ولكن خلاف الاتفاق او او او واحنا فی زمن خراب الذمم فالموضوع تقنين للشروط ووضعها فی الحيز السليم ليس اكثر فلنفترض جدلا ان احنا سلمنا بالنقطة الاولی والمشكلة دلوقتی ان احنا نكتب ولا ده تخوين وعدم ثقة وبالتالی ننتقل للنقطة التانية واهی امر الكتابة للدين.
ولازم نستشهد فی هذا الموضع بسورة البقرة
: ( يَا أَيُّهَا الَّذِينَ آمَنُوا إِذَا تَدَايَنتُمْ بِدَيْنٍ إِلَى أَجَلٍ مُسَمًّى فَاكْتُبُوهُ وَلْيَكْتُبْ بَيْنَكُمْ كَاتِبٌ بِالْعَدْلِ وَلا يَأْبَ كَاتِبٌ أَنْ يَكْتُبَ كَمَا عَلَّمَهُ اللَّهُ فَلْيَكْتُبْ وَلْيُمْلِلْ الَّذِي عَلَيْهِ الْحَقُّ وَلْيَتَّقِ اللَّهَ رَبَّهُ وَلَا يَبْخَسْ مِنْهُ شَيْئًا فَإِنْ كَانَ الَّذِي عَلَيْهِ الْحَقُّ سَفِيهًا أَوْ ضَعِيفًا أَوْ لا يَسْتَطِيعُ أَنْ يُمِلَّ هُوَ فَلْيُمْلِلْ وَلِيُّهُ بِالْعَدْلِ وَاسْتَشْهِدُوا شَهِيدَيْنِ مِنْ رِجَالِكُمْ فَإِنْ لَمْ يَكُونَا رَجُلَيْنِ فَرَجُلٌ وَامْرَأَتَانِ مِمَّنْ تَرْضَوْنَ مِنْ الشُّهَدَاءِ أَنْ تَضِلَّ إِحْدَاهُمَا فَتُذَكِّرَ إِحْدَاهُمَا الْأُخْرَى وَلَا يَأْبَ الشُّهَدَاءُ إِذَا مَا دُعُوا وَلَا تَسْأَمُوا أَنْ تَكْتُبُوهُ صَغِيرًا أَوْ كَبِيرًا إِلَى أَجَلِهِ ذَلِكُمْ أَقْسَطُ عِنْدَ اللَّهِ وَأَقْوَمُ لِلشَّهَادَةِ وَأَدْنَى أَلَّا تَرْتَابُوا إِلَّا أَنْ تَكُونَ تِجَارَةً حَاضِرَةً تُدِيرُونَهَا بَيْنَكُمْ فَلَيْسَ عَلَيْكُمْ جُنَاحٌ أَلَّا تَكْتُبُوهَا وَأَشْهِدُوا إِذَا تَبَايَعْتُمْ وَلا يُضَارَّ كَاتِبٌ وَلَا شَهِيدٌ وَإِنْ تَفْعَلُوا فَإِنَّهُ فُسُوقٌ بِكُمْ وَاتَّقُوا اللَّهَ وَيُعَلِّمُكُمْ اللَّهُ وَاللَّهُ بِكُلِّ شَيْءٍ عَلِيمٌ (282) وَإِنْ كُنتُمْ عَلَى سَفَرٍ وَلَمْ تجِدُوا كَاتِبًا فَرِهَانٌ مَقْبُوضَةٌ فَإِنْ أَمِنَ بَعْضُكُمْ بَعْضًا فَلْيُؤَدِّ الَّذِي اؤْتُمِنَ أَمَانَتَهُ وَلْيَتَّقِ اللَّهَ رَبَّهُ وَلَا تَكْتُمُوا الشَّهَادَةَ وَمَنْ يَكْتُمْهَا فَإِنَّهُ آثِمٌ قَلْبُهُ وَاللَّهُ بِمَا تَعْمَلُونَ عَلِيمٌ) البقرة/282-283 .
فمن الواضح انه يندب او يستحب الكتابة ولا تجب الا ان بعض العلماء أوجبها للفظ فاكتبوه.
زی مثلا لما اخويا يقترض منی مبلغا من المال هل لما انا اكتبه يبقی انا قليل الاصل ومش شايفه راجل يقدر يلتزم بعهده لا طبعا والا مكنتش اسلفه من البداية طالما شايفا مش اهل للسداد والوفاء بالعهد وهل يبقی كده انا مخون اخويا اللی مأمنه علی بناتی وهو محرم ليهم لا خالص ده حفظ للحق وضمان عدم ضياعه وأظن الاخ مش جزء من العائلة زی النسيب ولكنه صلب العائلة نفسها اما لو حضرتك مش عايز تكتب ده براحتك وشیء يرجعلك ومحدش يلومك فيه لكنه خلاف الاصلح
وإليك بعض الأقوال:
فإذا لم تكتب الدين ولم تشهد عليه ولم تأخذ رهنا فلا تأثم بذلك ، والآية نفسها تدل على هذا ( فَإِنْ أَمِنَ بَعْضُكُمْ بَعْضًا فَلْيُؤَدِّ الَّذِي اؤْتُمِنَ أَمَانَتَهُ وَلْيَتَّقِ اللَّهَ رَبَّهُ ) والائتمان يكون بعدم توثيق الدين بالكتابة أو الشهود أو الرهن . ولكن في هذه الحال يُحتاج إلى التقوى والخوف من الله ، ولهذا أمر الله في هذه الحال من عليه الحق أن يتقي الله ويؤدي أمانته ( فَلْيُؤَدِّ الَّذِي اؤْتُمِنَ أَمَانَتَهُ وَلْيَتَّقِ اللَّهَ رَبَّهُ ) . انظر : تفسير السعدي ص : 168-172 .
وإذا لم يُكتب الدين ثم أنكره المدين أو ماطل بسداده ، فلا يلومَنَّ الدائنُ إلا نفسَه لأنه هو الذي عَرَّض حقه للضياع ، وقد ورد عن النبي صلى الله عليه وسلم أن الدين إذا لم يُكتب ، فإنه لا يقبل دعاء الدائن على المدين إذا ماطله أو أنكر الدين . فقال صلى الله عليه وسلم : ( ثلاثة يدعون الله فلا يستجاب لهم . . . وذكر منهم : ورجلٌ كان له على رجل مال فلم يُشهد عليه ) صحيح الجامع (3075) .
.وامرأتين .
والنقطة القادمة ده مهمة جدا فی سياق الموضوع :للدائن أن يطالب المدين بتوثيق الدين برهن يقبضه الدائن ، والفائدة من الرهن أنه إذا جاء موعد سداد الدين وامتنع المدين من الوفاء ، فإن الرهن يباع ويُستوفى منه الدين ، ثم إن بقي من ثمنه شيء رُدَّ لصاحبه وهو المدين .
موضوع القايمه والشيكات ديه اختراعات غريبه
سببه ان الناس بقيت بتغالى فى طلباتها يعنى يطلبو حاجات اعلى من امكانيات الشباب وبعدين يساهموا معاهم وفى الاخر يقولى اكتب قايمه عشان انا جبتلك حاجات كانت عليك اصلا
على فكره الشرع اجبر ان الزوج انه يتحمل تكاليف الزواج بس مأجبروش انه لازم يشترى شقه بنص مليون جنيه وتكون 3 اوض وريسيبشن وكلهم مفروشين احسن حاجه ووو ......
اللى عاوز يساعد اهلا وسهلا بس ميلزمنيش بوصلات امانه اللى مش عاوز ومش عجبه اللى عنده اهلا وسهلا برضه هوه حر
خلاصه الكلام لا يكتب قايمه او شيك قبلو بظروفك كده اهلا وسهلا مقبلوش يفكس الجوازه ديه اصلا
ده لو انا مكانه حعمل كده و انا فعلا لما كنت بتقدم لحد ويطلب الطلبات الغريبه ديه بسيبه وامشى
أنا مش شايف إنه زي وضع أختك...إنت بتقول أختك إتجوزت كدهولم تقل إن جوزها خدها وسافر قبل أي حاجه من الكلام دهوفي النهاية برضه رغم إنه مش مسافر على فهمي من ردكأخدته منه شبكهومهر نصف العفشوعمل شهر عسلوعمل فرحطيب ليه بتتقبل شروطك ديورافض شروط الناس التانية اللي الراجل مسافر وأبيض !!!!!!!!!!!!!
-
الأمر هنا يتوقف على قيمة الشبكة وهل متفق على كونها كامل المهر
إذا أتفق على كونها كامل المهر
فلا حاجة لأي شيء آخر
فقد تم إستيفاء شروط الزواجـفي حال كونها شبكة رمزية لا تقوم مقام مهر المثلأو لم يتفق على كونها كامل المهر لرمزيتها وبساطتهاوقتها يتم عمل قائمة بجزء من العفش فقطهذا الجزء يماثل مهر المثلوفي هذه الحالة تدخل الشبكة في القائمة
أو
يكتب في عقد الزواج قيمة تلك الشبكة مهراً ومن ثم لا تكتب في القائمة=مهر المثلهو ما يطلق على المهر السائد لمماثلة تلك الفتاه من مجتمعها القريب
بمعنى أنه في بلدة كذا المهر سواء كان قائمة منقولات أو كاش هو في حدود 30 ألف جنيه
عندها يسمى مهر المثل 30 ألف جنيه
ـ