تقرير صيانة ال5000 لالنترا 2015 ومفاجأة

السلام عليكم
انا معايا النترا 2015 وامبارح عملت صيانة ال5000 وكانت عاملة بالظبط 4800 كيلو فى فترة تقريا 7 شهور ( لقلة الاستخدام )
المهم دخلت للمهندس فى فرع العبور وقولتله على الملاحظات اللى عندى واللى كان منها صوت دبدبه خفيف فى النقر واحيانا موجود واحيانا لا تانى حاجه كان فيه صوت فى الازاز اللى جنب السواق بيعمل صوت خفيف مع الطلوع والنزول وببيروح لو غسلت الباب بالمية وبيرجع لو على الازاز رمل
المهم دخلت الاول الهياكل علشان الازاز فالمهندس قالى الماكينة بتاعه الازاز بايظة وهاركبلك واحدة جديدة !!! طيب دا الصوت بيروح لو الازاز عليه ميه ونضيف فقالى مانت هاتكسب الماكينة الجديدة وتريح دماغك بس هى مش موجودة حاليا ولما تيجيى هاكلمك تيجيى تركبها
تانى حاجه بقى الصوت بتاع الدبدبة
بعد ما خلصت الصيانة خالص طلع المهندس وقالى انا جربت العربية بنفسى وفعلا فيها الصوت وهى محتاجة علبة دركسوين وقطمة دركسيون !!!!! وبرضه مش موجودين حاليا ولما ييجوا هانكلمك تيجى تركب الغريب بقولة وايه سبب انهم يبوظو فى عربية جديدة ووبمشي بيها قليل جدا فقالى عمرهم كدا واحنا هانغيرهم على حسابنا

طبعا خارج من التوكيل وانا عنيا بقت حولة :goofy:ومش فاهم حاجه ولا عارف ه اعمل ايه ازاى عربية جديدة ويكون فيها كدا وهى ماشية طبيعية مع العلم ان مجموع سعر القطع دى 24200 جنيه وطبعا كلهم ببلاش على الضمان

مش موضوع عمرهم كده , ما تقلقش , دى عيوب صناعه و معروف انه الالنترا فيها مشكلة علبة الدريكسيون دى .

لو عيوب صناعه يبقى مش مشكلة انما لو باظو من استخدامى يبقى دى فعلا المشكلة

الشئ العجيب ان الفورد فيها عيب الدريكسيون والفتيس ومشاكل جامده فيها
الرينو الفلوانس بتهرب زيت وعضو فاضل مكملش بيها 3000 ك وهغير موتور وكان الله في عونه
الالمانى حدث ولا حرج عن مشاكلل dsg وماصبحتش اعتمادية زى زمان لانه غلبوا الاوبشن علي حساب الاعتمادية ومشاكلها مقرفة

الخلاصة أن فاتك اليابانى اليابانى فعلا هو الكنج

اقتباس:

---

المشاركة الأصلية كتبت بواسطة crazy car

الشئ العجيب ان الفورد فيها عيب الدريكسيون والفتيس ومشاكل جامده فيها
الرينو الفلوانس بتهرب زيت وعضو فاضل مكملش بيها 3000 ك وهغير موتور وكان الله في عونه
الالمانى حدث ولا حرج عن مشاكلل dsg وماصبحتش اعتمادية زى زمان لانه غلبوا الاوبشن علي حساب الاعتمادية ومشاكلها مقرفة

الخلاصة أن فاتك اليابانى اليابانى فعلا هو الكنج

---

و فتيس الكورولا الجنوب افريقى اللى الناس لسه بتصوت مته لغاية النهارده و التوكيل ما جمعش العربيات اللى باعها زى ما عملوا بره . ايه اخباره :) ؟ مش يابانى برضه .

المشكله مش يابانى و لا المانى و لا فرنساوى . طالما فيه صناعه و تطوير هايكون فيه مشاكل و الا الدنيا هاتقف عند نقطه واحده . الاهم هو مشكلة تصرف التوكيلات هنا مع المستهلك . برغم مشاكل فتيس فولكس فاجن و اللى مسمعه فى العالم كله الا انها ما زالت من اعلى المبيعات . ليه ؟ لانه فى اى بلد غير مصر تغطيه فنيه للمشاكل 5 نجوم و تعويضات حاضره من غير مماطله و تغيير اجزاء بالكامل و من غير ما تطلب و من غير ما تعرف انه فيه مشكله . هو ده الفرق . الفرق مش فى اليابانى و لا فرنساوى او المانى .

اقتباس:

---

المشاركة الأصلية كتبت بواسطة yasser100

و فتيس الكورولا الجنوب افريقى اللى الناس لسه بتصوت مته لغاية النهارده و التوكيل ما جمعش العربيات اللى باعها زى ما عملوا بره . ايه اخباره :) ؟ مش يابانى برضه .

المشكله مش يابانى و لا المانى و لا فرنساوى . طالما فيه صناعه و تطوير هايكون فيه مشاكل و الا الدنيا هاتقف عند نقطه واحده . الاهم هو مشكلة تصرف التوكيلات هنا مع المستهلك . برغم مشاكل فتيس فولكس فاجن و اللى مسمعه فى العالم كله الا انها ما زالت من اعلى المبيعات . ليه ؟ لانه فى اى بلد غير مصر تغطيه فنيه للمشاكل 5 نجوم و تعويضات حاضره من غير مماطله و تغيير اجزاء بالكامل و من غير ما تطلب و من غير ما تعرف انه فيه مشكله . هو ده الفرق . الفرق مش فى اليابانى و لا فرنساوى او المانى .

---

مع احترامى حضرتك اتكلمت على مشكلة واحدة وعلى الاقل تم تلافيها وعلاجها فى الموديلات اللاحقة على خلاف الاصرار الغريب من مجموعة فولكس على فتيسها العقيم

المهم ان الواحد عرف قيمه العربيه الوكيل عن الخليجي والحمد لله
وانا مش ندمان اني جبت الانترا بس مستغرب من اللي حصل لاني محافظ عليها

اقتباس:

---

المشاركة الأصلية كتبت بواسطة crazy car

مع احترامى حضرتك اتكلمت على مشكلة واحدة وعلى الاقل تم تلافيها وعلاجها فى الموديلات اللاحقة على خلاف الاصرار الغريب من مجموعة فولكس على فتيسها العقيم

---

بغض النظر عن المشاكل اللى فى العربيات . انا كلامى اقصد اوضح به انه المشكله مش فى الشركات الكبيره . عادى . الخطأ الصناعى وارد . المشكله فى التوكيلات هنا و تعاملها مع الملاك كأنها بتدى العميل العربيه هبه او هديه و احمد ربنا اننا وافقنا تشتريها .

مشكله معتاده في الالنترا متشغلش بالك مادام هتغير في الضمان
انا الحمد لله مشتكتش منها لكن كتير غيروا في الضمان

اقتباس:

---

المشاركة الأصلية كتبت بواسطة ahmed asem

مشكله معتاده في الالنترا متشغلش بالك مادام هتغير في الضمان
انا الحمد لله مشتكتش منها لكن كتير غيروا في الضمان

---

مشكلة معتادة بس بسبب الاستخدام ولا عيب الصناعة

لا عيب صناعه

السلام عليكم
انا رايي اعذر غبور اتعمل عليه حمله كبيره هو و تويوتا بسبب سحب الدولار من السوق من خيري رمضان
طالما حيتغيرو في الضمان الحمد لله وربا يكفيك شرها وكويس انها علي اد كدا

المشكله سعر قطع الغيار في مصر 24000 دا كتير سعر العربيه دي في الخليج 75 الف جنيه يعني الاسعار غاليه الصراحه
يا تدفع جمرك علي العربيه يا تدفع جمرك علي قطع الغيار لكن ادفع الاتنين كتير يعني اللي بيصلح عربيه دا متضرر او شاريها مستعمله وشاريها غاليه وكمان قطع غيار نار
مثلا انا كنت بغير فوانيس ماركه ديبو بره مصر الاتنين ب 80 جنيه سالت عليهم في مصر 400 ازاي يعني نفس ماركه الفوانيس
عامتا انا انصح بقطع الغيار الاصليه حتفرق معاك اوي في الركوبه
واتضح ان فولكس وسكودا قطع الغيار الاصليه ارخص من الياباني والكوري كمان وعن تجربه
في حين ان قطع الغيار الهاي كوبي للكوري والياباني ارخص من فولكس و سكودا الكوبي

مشكله dsg مش فولكس بس لا دا فورد كمان و اودي و هونداي ازيرا يعني كل العربيات بتتجه ليه حتي بعد المشكله بالاضافه للعربيات العاليه في الماركات الكوري والياباني
او cvt دا الاختيار البديل للdsg انما الفتيس القديم دا بينقرض
المشكله لل dsg بره بتنحصر في انك في صيانه 50 او 60 الف بتسي العربيه 3 ايام بدل يوم واحد وشكرا علي كده
العيب ان احنا مش متعودين علي صيانه الوكيل ولا الوكيل ليه فروع في كل منطقه في مصر
رغم اني منكرش انه عيب في العربيه لكن له علاج وله مميزات في الاداء

علبة الدريكسيون مشكله مزمنه فى مجموعة كيا وهيونداى

اقتباس:

---

المشاركة الأصلية كتبت بواسطة crazy car

الشئ العجيب ان الفورد فيها عيب الدريكسيون والفتيس ومشاكل جامده فيها
الرينو الفلوانس بتهرب زيت وعضو فاضل مكملش بيها 3000 ك وهغير موتور وكان الله في عونه
الالمانى حدث ولا حرج عن مشاكلل dsg وماصبحتش اعتمادية زى زمان لانه غلبوا الاوبشن علي حساب الاعتمادية ومشاكلها مقرفة

الخلاصة أن فاتك اليابانى اليابانى فعلا هو الكنج

---

الكورولا الجديده فيها برضه عبوب صناعه وشائعه

مشكلة فرامل طنابير وتيل وفوانيس اماميه بتشرخ لوحدها وصوت طقطقه فى الصالون برضه !

حضرتك انا مش ملاحظ اى صوت فى العربية يدل على العيب الا نادرا بيكون فيه الصوت
واعتقد دا بيفسر ان فيه عربيات كتير جدا بتتباع كسر زيرو والعربية بحالتها