سؤال عن صيانة 80 ألف لكورولا 2012

**moudyman** · 12-05-2015 12:41 PM

شباب أنا بعمل صيانة ال-80,000 لكورولا 2012 المهندس بيقولي إن حيتغير كل حاجة المهم أنا مش مقتنع بتغير زيت الفتيس....هي اتوماتيك عادي 4 نقلات فهل فعلاً بيتغير عل 80 ؟ وهو ليه فلتر ولا لأ ؟ وهو زيت الفتيس ولا زيت الدفرنس ؟

**منعم** · 14-05-2015 10:19 PM

دفرنس اية واية انتة المفروض كنت غيرتة على 45الف انتة مستنى علية كل دة مش خايف الفتيس يبوظ وبعدين مفيش فلتر فى الفتيس هينزل الزيت ويحط زيت جديد 3كيلو ب200جنية بس انا عربيتى 2013 غيرتة على 45الف لان الزيت دة روح الفتيس انتة كدة بتحافظ علية وبعدين زيت الفتيس بتاع 2012 و2013 مختلف عن اى زيت تانى لازم تغير فى التوكيل وشكراا

**alalfi** · 15-05-2015 12:36 AM

صيانة ال 80 الف من الصيانات الكبيرة

هتغير فيها فلاتر الهواء والتكييف والبنزين وهتغير زيت محرك مع الفلتر

وهتغير البوجيهات وزيت الفتيس وزيت الفرامل والسيور ومياه التبريد ... وتعمل مراجعة على العفشة والطنابير وتيل الفرامل

**mario_9111** · 16-05-2015 12:04 AM

مع احترامي للاخوه الافاضل زيت الفتيس الاوتو تقريبا لحد 60 الف ويفضل قبل كده وبعدين فيه فلتر او ناس بتقول عليه مصفي في الفتيس للزيت معظم الناس بتغيره بعد تاني مره يعني ياخد غيراتين سعره 350 بيتنظف اول مره وتركبه تاني والفتيس بياخد 4 كيلو صفيحه زيت فتيس تويوتا ب 350 علي بعضها ولازم تغير الزيت علشان الفتيس يظبط معاك ومتقلقش من تاخير الزيت حاجات التويوتا كلها والله مابتبوظش وهتغير البيوجيهات 390 فلتر بنزين نوع 450 ونوع 550 فلتر هوا ممكن مش اصلي 75 ياباني وفوم تنظيف الموتور وسبراي تنظيف البوابه دا كله اساسي أما فلتر التكييف وتيل الفرامل والطنابير واي حاجه في العفشه حسب الحالة وعلى فكره ممكن تخرط الطنابير الاصليه ومتقلقش خالص خد كلامي ثقه لاني متمرس جدا في الكورولا الشكل ده والله الموفق و المستعان