الموضوع: ابعدو عن فلوانس ،،،،، حماية المستهلك ....

ياجماعه معني ايه تصليح العربيه ،،،،

يعني تصليح موتور

يعني اسيبهم يفكو الموتور ويضغطوا كل بيستم لحد مايعرفوا المشكله فين

اعمل عمره للموتور في عربيه مكملتش ٦ شهور يعني ترجعلي العربيه بكفأه اقل ٣٠ %

انا جربت توكيل رينو والصيانه في ظبط طاره العربيه تاني يوم عطلت ومش عاوزه تدور كلمت التوكيل قالي البطاريه فضيت قولتله في ٣ شهور قالي عادي تحصل
جالي مهندس واكتشف ان سلك البطاريه الارضي من غير صاموله دور في عربيته علي صاموله علشان يثبت سلك البطاريه
بذمتكم ينفعوا يفكوا موتور

حمايه المستهلك ارفع قضيه اعمل محاضر مش هاسيب حقي

في عربيه وديتني للتوكيل اكتر ما كنت بروح لمكانيكي بعربيه موديل ٨٣

بصراحه الله يكون في عونك
و لما الواحد يبقى مشتري عربية زيرو و يحصل فيها كل ده ساعتها مش هتفرق معاه اذا كان عيب فردي او مشكله عامه لانها بقت مشكله لكل ما يملك .
بس عموما اللي حصل حصل ، و من وجهة نظري انهم لو غيرولك الموتور بالكامل بموتور جديد يبقى حل مرضي ، انا في 2012 كنت لسه جايب النترا زيروا و دخلت في جنط حديد كسرلي كارتيرة الزيت ، و التوكيل قال انه مش بيغير الكارتيره بس و الحل تغيير نص موتور بالكامل ، و بما اني في التأمين و بعد نصيحة ناس متخصصة غيرت نص الموتور بالفعل بعد مرور شهرين فقط على شرائي العربية ، و لحد ما اتسرقت مني في فبراير 2015 و العربية كانت شغاله تمام التمام و مفيش اي ملاحظة على ادائها و كنت عامل بيها اكتر من 70 الف كم
شوف معاهم كده و في الاول و الاخر القرار ليك و ربنا يعينك بجد .

فعلا الله يكون فى عونك ؟؟

المشكلة متكررة يشترى العميل السيارة زيرو بشقى عمره وبعدين لسوء حظه يكتشف عيب صناعة وضرورة تغيير السيارة باخرى ويستخدم الوكيل فى العادة سياسة تزهيق الزبون الذى يكون بين امرين احلاهما مر اما ان يقبل بالامر الواقع ويستخدم السيارة على عيبها اوان يقوم ببيعها لاخر ويخسر فيها مبلغ محترم وفى حالة اللجوء الى جماية المستهلك اجراءات كثيرة وتضييع وقت قد تكلل بالنجاح او لا وتتوالى مداخلات الاعضاء اما تطالبه بالصبر وان حظه كده او عليه باللجوء الى حماية المستهلك او ارسال ايميل الى الشركة المصنعة للسيارة وفى الحقيقة يظل المشترى واقفا لوحده يواجه الامر فانا اقترح لماذا لا نفكر فى وسيلة لمساعدة هذا الرجل فى محنته وتكون هذه خدمة ايجابية تضاف الى الخدمات التى يقدمها المنتدى لاعضائه مثل تكوين لجنة من المتخصصين فى المنتدى تتولى مساعدته فى عرض امره على الجهات المختصة وتذليل الصعاب التى يواجهها حتى يحصل على حقه ويشعر انه ليس بمفرده .

فعلا اشكر حضرتك ا عماد علي الفكره الممتازه لمساعدة كل من له حق
سواء العبد لله او غيري

ياجماعه لو في تصميم علي ان كل العربيات اللي فيها عيوب الصناعه يتم استرداد قيمتها بالكامل
نكون عقبه في كل توكيل بيحاول يماطل العميل وماشي بسياسه زهق العميل
ناخد حقنا ويبقوا توكيلات محترمه اسم وفعل مش محترمه علشان لسانها واسلوبها كويس

اقترحوا فكره عمل لجنه متخصصه تساعد و تخاطب كل الجهات
مش هاسيب حقي رافض تغير موتور ورافض السياره ومصمم علي فلوسي لازم ده يكون قرار كل اللي عنده عيوب صناعه

المشاركة الأصلية كتبت بواسطة m_m_sh_a

عادي بالنسبه لي..وبالنسبه لك برضه ..لإنك ببساطة ..في مصر ..يعني لا حماية مستهلك هتنصفك ..ولا قانون هيجيبلك حقك ..

لا حول و لاقوة الا بالله . . . . على الرغم من ان كلماتك جارحه . . الا اننى اعترف بانها صحيحه و تصف الواقع بدقه

ربنا يكون فى عونك

فعلا اشكر حضرتك ا عماد علي الفكره الممتازه لمساعدة كل من له حق
سواء العبد لله او غيري

ياجماعه لو في تصميم علي ان كل العربيات اللي فيها عيوب الصناعه يتم استرداد قيمتها بالكامل
نكون عقبه في كل توكيل بيحاول يماطل العميل وماشي بسياسه زهق العميل
ناخد حقنا ويبقوا توكيلات محترمه اسم وفعل مش محترمه علشان لسانها واسلوبها كويس

اقترحوا فكره عمل لجنه متخصصه تساعد و تخاطب كل الجهات
مش هاسيب حقي رافض تغير موتور ورافض السياره ومصمم علي فلوسي لازم ده يكون قرار كل اللي عنده عيوب صناعه