الفنتازيا اسهل عربية بتتقلب

**AHMEDJUDDY** · 12-05-2015 07:57 PM

بسم الله الرحمن الرحيم وبه نستعين
في شم النسيم اللي قبل اللي فات كنت رايح شرم الشيخ بالفنتازيا ودي كانت اول مره اروح بالعربيه
دايما بركب اوتوبيس رحلات او طيران وكانت هذه الرحله ممتعه جدا بالفنتازيا وكنت ماشي 160 الي 180 كم/س والرحله اخدت تقريبا خمس ساعات و نصف بدون توقف عدا اني احط بنزين كل لما تنزل ربع لاني اول مره امشي علي الطريق والمسافه طويله ومكونتش اعرف مكان المحطات فين . فقولت اخليني في الامان.
طبعا ناس كتير منكم عارفين طريق شرم عامل ازاي و خصوصا لما تقرب من شرم الطرق اللي بين الجبال اللي واخده لفات و دورانات . وكانت معايا زوجتي و اولادي واتعودت شويه علي الملفات وانا ماشي اني اخودها بسرعتي 160 الي 180 و اذ فجأه قابلت ملف عادي وكنت فاكره عادي لكن طلع ملف ضيق بميل الي الاسفل وعرفت كل المعلومات دي او لاحظتها علي بعد 5 او 7 متر من المصيبه دي وطبعا انتو عارفين ان الطريق بين الجبال ضيق حبتين وفرده واحده رايح جاي . المهم دخلت علي الملف ورجلي علي الفرامل لاني مطلوب مني في لحظه من الزمن اني اخد الملف ده بسرعتي 160 الي 180 علي الضيق في ملف بمنزل بين جبلين وحاره ضيقه والعربيات جايه في المقابل بدون فواصل او رصيف . اتشاهدت في سري وكانت عائلتي معايا ... طبعا كان هيغمي عليهم ... ودخلت اونا رجلي علي الفرامل و اخدت الملف الضيف بدوان و منزل وحسيت ان فرده الكاوتش الخلفيه ناحيه الراكب اللي جنبي اترفعت من علي الارض ...
تعليقي علي العربيه ..... بصوا هو كل شئ في الاول و الاخر بتاع ربنا بس اقسم بالله انا اعتقد انه اللي حصل ده لو كنت راكب عربيه كوري كنت اتقلبت او دخلت علي الحاره اللي في المقابل .. والله العظيم العربيه اتزانها ملهوش حل .. ثابته زي الظلطه علي الارض في اي سرعه .. بقيت بتعمد اخد بيها ملفات علي سرعات مختلفه و الله عمرها ما كسفتني ... المصيبه الوحيده فيها انها لو تحتها تراب او رمله هتتزحلق وكل العربيات في الوضع ده هتتزحلق المرسيدس و البي ام حتتزحلق ... والله العظيم انا بفكر جديا في البيجو 508 او الفولفو ال s60 بس خايف اني ابيع الفنتازيا و اركب حاجه من الاثنين دول و محسش بفرق لاني هكمل علي حقها وغير كدا انا عشري شويتين فوالله صعبانه عليا ابيعها لان صاجها كمان واكصداماتها كمان اعتقد مفيش منها دلوتي ... واسف علي الاطاله .

**moaaz** · 13-05-2015 01:30 AM

انا جبت فانتازيا بعد كروز ...الكروز ثباتها فعلا تححفة ..الفانتازيا بقا ف الملفات اثبت مع فرق رهييييب ف القرامل لصالح الفانتازيا ..عيبها سحبها تقيل شويتين بس بس متعة ماشاء الله

**طارق _عبد السلام** · 13-05-2015 03:16 AM

من امتى الكلام ده

اعمل غرز صعبه وانت ماشى 160 ولو حسيت بالخوف بس تبقى العربيه دى تعبانه........ الفانتازيا مكلبشه فى الارض على السرعات العاليه وعن تجارب انا عمرى محسيت بالخوف وانا ماشى باى سرعه بالعربيه لان استجابتها عاليه..وثبات رائع......... معايا كارينز لو مشيت بيها 140 بحس بالخوف ودا مش منى لا لان العربيه مش مطمنانى بسبب فرق الثبات

**dr.amr** · 13-05-2015 09:56 AM

المشاركة الأصلية كتبت بواسطة ahmedjuddy

بسم الله الرحمن الرحيم وبه نستعين
في شم النسيم اللي قبل اللي فات كنت رايح شرم الشيخ بالفنتازيا ودي كانت اول مره اروح بالعربيه
دايما بركب اوتوبيس رحلات او طيران وكانت هذه الرحله ممتعه جدا بالفنتازيا وكنت ماشي 160 الي 180 كم/س والرحله اخدت تقريبا خمس ساعات و نصف بدون توقف عدا اني احط بنزين كل لما تنزل ربع لاني اول مره امشي علي الطريق والمسافه طويله ومكونتش اعرف مكان المحطات فين . فقولت اخليني في الامان.
طبعا ناس كتير منكم عارفين طريق شرم عامل ازاي و خصوصا لما تقرب من شرم الطرق اللي بين الجبال اللي واخده لفات و دورانات . وكانت معايا زوجتي و اولادي واتعودت شويه علي الملفات وانا ماشي اني اخودها بسرعتي 160 الي 180 و اذ فجأه قابلت ملف عادي وكنت فاكره عادي لكن طلع ملف ضيق بميل الي الاسفل وعرفت كل المعلومات دي او لاحظتها علي بعد 5 او 7 متر من المصيبه دي وطبعا انتو عارفين ان الطريق بين الجبال ضيق حبتين وفرده واحده رايح جاي . المهم دخلت علي الملف ورجلي علي الفرامل لاني مطلوب مني في لحظه من الزمن اني اخد الملف ده بسرعتي 160 الي 180 علي الضيق في ملف بمنزل بين جبلين وحاره ضيقه والعربيات جايه في المقابل بدون فواصل او رصيف . اتشاهدت في سري وكانت عائلتي معايا ... طبعا كان هيغمي عليهم ... ودخلت اونا رجلي علي الفرامل و اخدت الملف الضيف بدوان و منزل وحسيت ان فرده الكاوتش الخلفيه ناحيه الراكب اللي جنبي اترفعت من علي الارض ...
تعليقي علي العربيه ..... بصوا هو كل شئ في الاول و الاخر بتاع ربنا بس اقسم بالله انا اعتقد انه اللي حصل ده لو كنت راكب عربيه كوري كنت اتقلبت او دخلت علي الحاره اللي في المقابل .. والله العظيم العربيه اتزانها ملهوش حل .. ثابته زي الظلطه علي الارض في اي سرعه .. بقيت بتعمد اخد بيها ملفات علي سرعات مختلفه و الله عمرها ما كسفتني ... المصيبه الوحيده فيها انها لو تحتها تراب او رمله هتتزحلق وكل العربيات في الوضع ده هتتزحلق المرسيدس و البي ام حتتزحلق ... والله العظيم انا بفكر جديا في البيجو 508 او الفولفو ال s60 بس خايف اني ابيع الفنتازيا و اركب حاجه من الاثنين دول و محسش بفرق لاني هكمل علي حقها وغير كدا انا عشري شويتين فوالله صعبانه عليا ابيعها لان صاجها كمان واكصداماتها كمان اعتقد مفيش منها دلوتي ... واسف علي الاطاله .

فعلا لو تحتها تراب الاية بس اس بيشتغل
بس معرفش لية بتتزحلق برضة
هل ليها حل

**swimmer25** · 13-05-2015 11:48 AM

سؤال صغير..هي العربية دي الأوكتافيا صح؟ فانتازيا دي موديل سنة منها؟
ياريت كمان تعرفوني عفشتها الخلفية نوعها إيه عشان تدي الثبات ده كله
أنا قريت إنها: Compound link crank - axle
بيحاوا عن طريقه يوصلوا لثبات ال multi-link
معنى كده إن العربيات اللي فيها عفشة مالتي هتكون أثبت كمان من الفانتازيا..زي اللانسر والفوكاس والسيفيك والبيجو 508
صح كده؟

**mody1221** · 13-05-2015 04:06 PM

بصراحة يا جماعة انا اتقلبت بالعربية الفانتازيا مرتين قبل كدة ومستنى اتقلب تالت مرة
اصلى حبيتش الموضوع اوى

فانتازيا مين اللى بتتقلب انا لما بنزل من عربيتى اللانسر واركبها بحس انى كنت قاعد ف لعبة
وبعدين العربية دى فيها انظمة ثبات واتزان وفرامل زى البى ام والمرسيدس بالظبط

**miam0502788391** · 13-05-2015 08:20 PM

مرة واحد كان رايح الغردقة ومعاه عربية بى ام 320 ومش عارف كان ماشى على سرعة كام والعربية اتقلبت منه تقريبا بسبب مطب هوا رفع العربية من تحت
والبى ام طبعا غنية عن التعريف فى موضوع الثبات
يعنى كل قلبة وليها ظروفها
لكن لما كل الناس تقول ان الفانتازيا ثابتة والاخ بتاع الفديو يقول بتتلقب
تبقى دعاية مضادة
واحد قريبى معاه a4 بيشكر جدا فى فراملها وثباتها , بيقولى تفرمل مثلا وانت على 180 العربية لاتروح يمين ولا شمال ( وطبعا مفيش فيها ا بى اس )
لما الفانتازيا تتقلب
امال الكورى يعمل ايه
بيزحف على ظهره مثلا

**ahmedfair** · 13-06-2015 08:41 PM

أظن الي قال كده كان علي الa7 الجديدة , القديمة لحد 2013 محدش يقدر يتكلم عليه , كان فيه صورة مشهوؤة لa7 مقلوبة عند المطب الي كانوا عملوه جديد في شارع جوزيف تيتو والفتيس منفصل عن العربية ، لو حد عنده تفسير منطقي يقول لأني من ساعت ما شوفت الصورة ده وانا مقلق من الموديل ده تحديدا

-

الموضوع: الفنتازيا اسهل عربية بتتقلب

LinkBack

أدوات الموضوع

عرض

-

-

-

-

المواضيع المتشابهه

مدة ضمان الفنتازيا

هوندا بتتقلب بسبب كروز لمالكى الكروز كويس انكم مجتوش هوندا

الي مالكي الفنتازيا

ضمان الفنتازيا ؟؟؟؟

بى إم بتتقلب وهى بتفرك .. غريب جدا

الكلمات الدلالية لهذا الموضوع

المفضلات

المفضلات

ضوابط المشاركة