الموضوع: سؤال لأهل الخبرة في تعلية مازدا 2008

سلام عليكم
دي اول مشاركة ليا في المنتدي المحترم دا و انا فعلان بستفيد منكو جدا ,,, انا بقا عندي سؤال مهم جدا ومصيري بالنسبالي ,,, انا معايا مازدا 3 2008 و الكاوتش 15 مش جنط وعاوز اعاليها عشان انا زعلان جدا من الموضوع دا وسمعت كلااااااااااام كتييير بس اكتر حاجات سمعتها وحاسسها صح و عاوز اخد رأيكم فيها :
1) الي بيقولي حط علايا 3 او 5 سم ,,, حاجة تافه جدا بس هتحس انتا بالفرق دا في مطبات بلدنا الي متصممة انها تجيب اجل العربية والمواطن مع بعض
2) الي بيقولي في حاجة كدا زي الكاوتش في السوستة بتاعت المساعد طولها لايتجاوز ال 2 سم ,, اشيلها و اغيرها بواحدة تانية 5 سم ,,, بردو هتفرق في المطبات
3) الي بيقولي اعمل حاجه كدا في الياي ( انا اصلان معرفش ايه الياي دا ولا اعرف وظيفتة )
4) الي بيقولي جنط 16 ,,, بس انا عارف ان في ال 15 عرض الكاوتش 65 انما في 16 ف العرض 55 ,,, مش كدا المفروض من الارقام دي ان ال 15 هيخلي العربية اعلى من ال 16 ؟؟ طب انا لو جنطت 16 و خليت الكاوتش 60 هيحك معايا ؟؟ ولو مش هيحك ايه اضرارة ؟؟
مع العلم اني عاوز اعلي العربية من قدام و ورا مش من ورا بس عشان الانسيابية وكدا يعني ... و مع العلم كنت راكب اوبترا قبلها وعارف ان الاوبترا اعلي بس انا مش عاوز اخلي المازدا بعلو الاوبترا ,,, انا مش عاوزها تحك في المطبات بس !!!!!
و اسف فعلان علي الاطالة ونفسي بجد حد يرد عليا

اسوأ حاجتين في المازدا من وجهة نظري:
1- بتحك في كل المطبات الصناعية الأسفلت
2- الفبر أو الجلد الأمامي الموجود أسفل الزجاج الأمامي من الجانبين بيقفع من الشمس وبيخلي شكل العربية وحش جدا
هل في حد عنده حل للمشكلتين