طلب من الإخوه البورسعيديه ضرورى

**semsem78** · 12-11-2008 10:16 PM

السلام عليكم
انا عندى سيفيك si 92 بس المشكله إن العفشه عندى متدمره لو غيرت العفشه و جبت قطع غيار جديده هاتكلفنى كتير جدا عشان كده عايز حد من الإخوه البورسعيديه يشوفلى ميكانيكى محترم يغيرلى العفشه بواحده استيراد على أساس إنى هاستلم منه عند بتاع ضبط الزوايا و يقوللى العمليه دى هاتتكلف كام و يكون الكلام ده فى يوم واحد من أول النهار عشان هاجى من القاهره انا على فكره بتكلم على عفشه كامله قدام وورا و أطمه الدركسيون و جزاكم الله خيرا

**Khalid Shalabi** · 14-11-2008 01:42 AM

مبدئيا مفيش حد هيقدر يقولك تكلفة مبدئية لان العفشة بالذات لازم تتحل و بعدين تشوف و ممكن ماتكونش مدمرة زي ما انت فاكر ممكن تكون حاجة بايظة و هي اللي عاملة الهيصة دي و ممكن الحاجة دي تتصلح و متطرش تغيرها و في حاجات احسن تيجي استيراد و حاجات تيجي جديد و غالبا جدا لو الموضوع كبير مش هتخلص في نفس اليوم

في ناس كتير رشحولي واحد انا ماجربتوش بس من كلامة واضح انوا فاهم - ان عندي الاسكترا عايزة تتغير بس قاللي مفيش حد في بورسعيد عنده سكترا نضيفة استنى امشي بيها شوية لحد ما بضاعة جديدة تيجي من برة

المهم ممكن اجبلك اسمه و رقمة و كدا كدا في دا و في غيره كتير شاطرين و قطع الغيار موجودة - توكل على الله و تعال يوم بدري و هتتظبط و شقتي تحت امرك لو عايز تبات فيها و هي فاضية اصلا

**semsem78** · 15-11-2008 10:40 AM

جزاك اله خير يا خالد و متشكر جدا على كرمك ده انا رايح النهارده عند واحد فى الحرفيين اسمه مسعد هايبص على العربيه و بيقولو انه احسن ميكانيكى هوندا فى الحرفيين و ربنا يسهل ان شاء الله

**marsguy** · 15-11-2008 10:55 AM

إبقى قولنا عملت إيه عند مسعد

**Khalid Shalabi** · 15-11-2008 01:04 PM

هو مسعد دا في القاهرة ولا بورسعيد؟

**marsguy** · 15-11-2008 03:35 PM

المشاركة الأصلية كتبت بواسطة Khalid Shalabi

هو مسعد دا في القاهرة ولا بورسعيد؟

مسعد في القاهره

**semsem78** · 17-11-2008 04:48 PM

السلام عليكم هاقولكم على اللى حصل عند الأسطى مسعد
الاول هو كشف على العفشه قدام وورا وقاللى العربيه محتاجه الحاجات دى
أولا العفشه الخلفيه
2 جلبه ركبه خلفى 290 جنيه
2 شداد علوى 200 جنيه
4 جلب سفلى 240 جنيه
2 مساعد استيراد 400 جنيه

ثانيا الفشه الأماميه
2 قاعدة فتيس علويه و سفليه إستيراد 250 جنيه
2 بيضه شمعدان سفلى 115 جنيه
بيض 115 جنيه
بارات 115 جنيه
كاوتشه علبه دركسيون 45 جنيه
طقم إصلاح علبه دركسيون 255 جنيه
2 أويل سيل كوبلن فتيس 100 جنيه
2 مساعد أمامى إستيراد 400 جنيه
طقم تيل 85 جنيه
2 طنبوره 300 جنيه
أويل سيل ماستر عجل 40 جنيه

إجمالى التكلفه هايبقى 2950 جنيه

+ مصنعيه 300 جنيه

يبقى الإجمالى 3250 جنيه

طبعا انا لسه معملتش حاجه عشان مصدوم و بفكر أركب 128 و ابيع الهوندا