الموضوع: كاسيت الفلوانس مش شغال

السلام عليكم . الكاسيت عندي فصل ومش شغال نتيجة اني غيرت الموبايل فاحذفت الموبايل القديم من القائمه وسيفت الموبايل الجديد عشان اشغل خاصية البلوتوث ونزلت برنامج Bluetooth Phonebook عشان اظهار الاسماء وكان شغال مع الموبايل القديم. المهم برنامج البلوتوث فون بوك ما ظهرش الاسماء وحاولت مرتين طفيت الكاسيت وشغلته تاني عشان يظهر الاسماء لكن في تاني مره طفيت الكاسيت ما اشتغلش تاني فصل طفيت العربيه وشغلتها برضه الكاسيت فاصل حتى ما بتظهرش درجة الحراره مكان شاشة الكاسيت ظاهر لي كلمة رينو كأن العربيه مطفيه . ياريت حد يقوللي اعمل ايه . ثانيا لظروف سفري العربيه فات سنه ومشيت حوالي 6 الاف كيلو ولمبة الصيانه منوره هل ضروري الصيانه ولا ممكن اكمل ال 10 الاف كيلو .

بالنسبه لظهور الاسماء استاذ ياسر لا ما ظهرتش عندي الا لما حملت البرنامج ده وكان اللي نصحني بيه على ما اتذكر المهندس هاني. اما بالنسبه للكاسيت يا باشمهندس هاني فانا مش حاطط فيه فلاشه او موصله بأي شيء خارجي هو اللي حصل ان البلوتوث هنج يعني افصله من الموبايل والاقيه لسه مديني اشاره ع الكاسيت فا طفيت الكاسيت وشغلته وما اشتغلش تاني . عموما انا ها اخد بنصيحتك واروح اعمل الصيانه (العربيه موديل 2011 وخرجت من الضمان خلاص ) وبالمره اكشف ع الكاسيت .تحياتي للجميع