لو عندك القدرة المالية ، وهتشتري سيارة في الوقت الحالي هل هتشتري سيارة يابانية ام أوروبية أم أمريكية الصنع ولماذا ؟
عرض للطباعة
لو عندك القدرة المالية ، وهتشتري سيارة في الوقت الحالي هل هتشتري سيارة يابانية ام أوروبية أم أمريكية الصنع ولماذا ؟
سؤال حضرتك واسع جدا ..... اى عربية يابانية ؟؟! و انى عربية اوربية ؟؟!! و انهى عربية امريكية ؟؟!! و فى اى فئة ؟!!
لو عندى المقدرة المادية .... مرسيدس
الأوروبي .. الياباني .. الأمريكي دا بالنسبه للسوق المصري
عموما انا بفضل الأوروبي عشان جوده الخامات والشياكه و الثبات
السؤال ده ماينفعش لأنه غير محدد و لازم تحدد فئة معينة و تبقي more specific بس أنا رأيي الشخصي
-لو عايز عربية muscle و عزم كتير و تفضل تشد و تحرق و العربية تقولك اديني أكتر يبقي أكيد أمريكي
-لو عايز حاجة Gran Tourismo أو Grand Touring و المقصود بيها إنك تقطع مسافات كبيرة دون الشعور بالتعب يبقي أكيد أوروبي بس مادام حددت إنك هيبقي عندك قدرة مالية يبقي أكيد لازم تجيب حاجة D-segment فما فوقه
-لو عايز حاجة اعتماديتها عالية و معمرة و تخش بيها الجبل تطلع تقولك خدني كمان لفة يعني بصريح العبارة "حمارة شغل" يبقي انت أكيد بتدور علي حاجة ياباني
الجزأ الاول : اجابة سؤال حضرتك اليابانى و لو معى امكانيات هتكون تحديدا تيويوتا لاند كروز بس طبعا مقدرش
الجزأ الثانى : هو سؤال لحضارتكم و له علاقة بالموضوع "" أنا عاوز سيارة مريحة فى السفر لفردين , متكونش تربو و يكون بنزينها المعتمد 92 و بيها مثبت سرعة و اموبليزر و فيها عوامل امان و أتزان ثبات على الارض , ميهمنيش التسارع و السرعة الشديدة ( أخرى 110 ك/س) مش مهم طارة متعددة الوظائف مش مهم بلو توث مش مهم الحاجات اللى بيعتبرها البعض بقت ضرورية , بس عاوز عربية اعتمادية و تخدم كويس لأن حتى تغير الاستبن مشكلة بالنسبة لى, و طبعا مركز صيانه محترم و الميزانية لحد 250 الف.
متكونش تيربو صعب فى كل الموديﻻت الجديدة
اﻻختيارات: بيجو 508 - سوبارو xv - اوبل انسجينيا - باسات b7 - اوكتافيا الفئة التانية - هيونداى ix 35 - كيا سبورتاج - لو مستعمل يبقى bmw x1 موديل 2012 ماشية مش اكتر من 30 الف كيلو بس خد بالك انها 2000 cc وكل الى قبلها 1600
حضرتك البيجو 508 يفضل بنزين 95 و السوبارو بها مشكلة فعلا فى توافر قطع الغيار ( المعلومة دى اتأكدت منها بنفسى) , اوبل انسجينيا مشاكلها لا حصر لها و كل ما يحلوا مشكلة تطلع وحدة تانيه, باسات و الاوكتافيا بها مشاكل بالفتيس _ يمكن فاضل - هيونداى 35 xi و دى اللى بفكر فيها _ و لى جار عزيز قال لى اسقها و اجربها و ده اللى هعمله. معلش استحملنى شوية انا مش ضليع فى موضوع السيارات و كل معلوماتى من قرائتى فى المنتدى و قراءة مشاركات الاعضاء و حضرتك مذكرتش الفلوينس ليه ؟
كان امامى العربيتين واخترت الباسات عشان اوسع سنة ومريحة اكتر و سواقتى هادية ومشويرى مش كتير والتبترونيك بتاعها ممتع وطالما انت ماشى تيبترونيك فى السواقة البطيئة داخا المدن ودة بيطول عمر الفتيس الى الكﻻم الكتير علية هز نسبة انتشار العربية فى مصر . والفرنسيين بيقولو فى المقارنة بين السيارتين الفخامة الفرنسية فى مواجهة التكنولوجيا اﻻلمانية.. العربيات الفرنساوى ميكانيكتها صعبة برة التوكيل وقطع غيارها اتوقع انها اغلى من اﻻلمانى بس مش متأكد من دى ..البيجو ممكن تحصلها مشاكل للكونتروﻻت ووحدة الكمببوتر فى الحر الشديد بس الموديل دة بالذات ثابت نفسة والشكل الجديد منة فخم.. الباسات سوقها رائج فى اوروبا بالرغم من انك ممكن تحتاج تغير وحدة ميكاترونيكس اول 30 الف كيلو لكن الضمان بيغطيها ولو احتجت تغير حاجة وانت خارج الضمان هتﻻقى قطع غيارها اﻻصلية فى مصر الجديدة ش دمشق وبعدين لما تفتح الكبود بتﻻقى اﻻجزاء الميكانيكية بعيدة عن بعضها وسهل التعامل معاه انا لما جبتها كان عن قناعة ان الفرنسيين مش اذكى من اﻻلمان دة غير ان زمايلى من الفرنسيين فى الشغل بيقولولى وش كدة احنا بنركب اﻻلمانى ونفضلة على الفرنسى وعلى فكرة البيجو ملهاش تواجد ملموس فى فرنسا ومستحيل تﻻقى متﻻ البيجوا 301 بتجرى فشوارع هناك بس احنا هنا فى مصر لنا مقاييس تانية غير الى العالم ماشى بيها ولك حرية اﻻختيار بينن ما اقتنع بة غالبية المصريين وما اقتنع بة غالبية اﻻوروبيين..بقى نقطة اخيرة وهى ان الباسات الموجودة فى مصر جاية من مصنع المانيا وضمانها 3 سنوات او 100 الف كم بينما الموجودة فى دول الخليج جاية من مصنع امريكا فوانيسها الخلفية شكلها مش جذاب زى مصنع المانيا كما انها اقل فى بعض التجهيزات التكنولوجية زى الريموت الذكى وفرامل اليد اﻻلكترونية وضمانها 3 سنوات او 35 الف كم فقط
تصحيح معلومات :
الباسات ابعدوا عنها ﻷن ال dsg بيبوظ ودا حصل كتيييير وتمنه 70 ألف
الأوكتافيا مفهاش مشكله فتيس أصلا ﻷنه تيبترونك 6 سرعات
ال 508 بتمشي ببنزين 92 عادي جدا بدون قلق
فكر فالمازدا الجديده.
فيها اعلي اوبشنز و اعتمادية الياباني.
ابتدت تنتشر و قطع الغيار هتبقي اسهل من السوبارو.
أنا عايش معظم حياتي برة مصر و مش بأنزل مصر كتير غير لظروف خارجة عن إرادتي و عارف كل الكلام ده بس أنا حبيت أبقي في الsafe side لأن المبلغ اللي هيتغير بيه وحدة الميكاترونيك مش قليل و كمان لقيت كل ملاك ال508 بيشكروا فيها و مع ذلك أنا مقتنع اقتناع تام إن ال508 تتميز عن الباسات في مصر و أضف لمعلوماتك إن الdominant في فرنسا هو رينو و سيتروين ... عموماً أحييك علي اختيارك و ربنا يديك خيرها و يكفيك شرها ... الطريقة اللي انت بتسوق بيها الDSG هي الأنسب و أنا كنت كاتب في موضوع قبل كدة تركيبه و أحسن طريقة يتساق بيها لو حابب تزود معلوماتك عن الفتيس الجبار ده دوَر في المواضيع الrelated للDSG ... تحياتي :)
هشتري ياباني حتي لو معايا مليارات,اي ياباني ,راحة بال واعتماديه ومش هتغدر بيك .ومصاريفها معقوله فلاتر وزيت وتيل ودمتم ,حساسات وكهارب توب التوب .بعد الياباني اركب مريكاني شديد ومتين واعتمادي , الاوروبي زبله ملوش عهد ,كهارب وحساسات عره ,اعطال بالجمله مصممينها شوية عيال هُطل بتوع فساتين,عاوزه متخصص يشتغل فيها وتجر الوكيل وراك لو عبرك اصلا .الاوروبي عربيات للفشخره والمنجهة لكن تحميل يومي ولا تسوي قشرة ياباني .الفيصل الطريق واسواق العالم
بصفة عامة…
الاوروبي عيوبه… صيانه مكلفة ، تكنولوجيا معقدة ، مفيش صنايعية يفهموا فيه ..
مميزاته ، مواصفات قياسية عالية ، تغيير ابموديلات بيكون علي فترة من 7 الي 10 سنوات..
الامريكي عيوبه حجم ضخم ، استهلاك بنزين عالي جدا ..
مميزاته ، فخامه ، الصيانة متوسطة التكاليف .. عملي .
الياباني عيوبه حجم متوسط الي صغير ، الشكل بيتغير كل 4 سنوات في الغالب ..
مميزاته ،الصيانه رخيصة ، الورش كتير بتشتغل فيه ، عملي جدا ..
لو معايا فلوس كويسة هشتري امريكي جي ام سي او دودج .. او هروح للياباني و مازدا 6 او سي اكس 9 بالتحديد .. لكن اوروبي مش وارد ابدا ليا ..
عشان ده استطلاع
فيه فى قائمة ادوات الموضوع .. اشتراك فى هذا الموضوع .. حيفتح لك قائمة تختار منها انك مشارك فى الموضوع ... ده بيعمل تحديث لأخر مشاركة بالرغم من انها مشاركة قديمة
مشاهدة صفحة طباعة الموضوع مشاهدة صفحة طباعة الموضوع
أرسل هذا الموضوع إلى صديق أرسل هذا الموضوع إلى صديق
الاشتراك إلغاء اشتراكك من هذا الموضوع
دول اللي بيظهروا عندي لما افتح ادوات الموضوع ,مفهمش تحديث للاشتراك
يا جماعه اي حد بيشارك في اختيارات الاستطلاع بدون حتى ما يعمل مشاركه الموضوع بيترفع
معتقدش خالص لو اخترت مشاركه في الموضوع ممكن يترفع الا لو حصل مشاركه سواء ببوست او اختيار في الاستطلاع
برده ماهما قلت سؤالك عام انت تقصد اى امريكى الشيفروليه ولا الدودج لان فرق السما والارض
الاوروبى قصدك المانى ده فى جنب لوحده ولا فرنسى تختلف فرق السما والارض
اليابانى لا خلاف عليه اليابان مبتعملش حاجه وحشه
الأوروبي
لو فى فلوس يبقى الامريكانى طبعا فكر كدة فى كاديلاك cts ولا انفنتى g37 ولا حتى فورد كراون فكتوريا ننزل بقى للواقع المصرى فى مصر يابانى رقم واحد معلش يعنى قطع غيار و اعتمادية و جرى برضة و حمالة اسية و متوقفكس على الطريق ان شاء الله اما بقى الالمانى مش كل الالمانى معلش يعنى يعنى مثلا حتة بورش كدة تضرب الى فات دة كلة حتة x6 يالطيف اللطف يارب .......... ياسلام بقى لو تكون من اصحاب الزوق العالى ولاد الناس volvo xc60 لا لا لا انا مش قادر اكمل .........
انت قارنت كلهم ماعدها الاسيوى مستبعده ليه من المقارنات يعنى