الموضوع: مقارنة بين سيارتين هاتش باك مستعمل فى حدود 85000

برجاء المساعدة فى الاختيار بين سيارة اوبل استرا هاتش باك 2007 , 2008
وسيارة نيسان تيدا هاتش باك 2007 حتى 2009
رينج السعر واحد تقريبا هو 85000
نقاط المقارنة كل حاجة , يعنى كل اللى يعرف حاجة يقولها من اول المشاكل مع انواع البنزين لو فية لحد توافر قطع الغيار واسعارها واعتماديتها وابعاد السيارة وارتفاعها عن الارض والوسع الداخلى والاريح فى القعدة فيها (مهم جدا )وطبعا مش مهم اعادة البيع
وشكرا

المشاركة الأصلية كتبت بواسطة graffittiii

طيب ليه حضرتك تدفع 85 فـ عربية بقالها 7 أو 8 سنيين
متهيألي حطهم في سانديرو أو جراند i10 هتشباك والباقي هيبقي كلام فاضي
أو لو هتعرف تزود شوف Rio هتشباك .

شكرا لحضرتك
اولا انا عايز انزل من عربية اكبر(كارينز) فيها abs abd air bags وفرق الفلوس محتاجة فى شغلانة كدا
فمينفعش اركب بيكانتو او اى 10 علشان صغيرين ومافهمش وسائل امان (من الاخر الناس هتدحك عليا)
والستيب واى جميلة بس 7شهور انتظار
وكان ممكن ادخل معاهم ماتركس 2009 فى نفس الرينج بس برضة مافهاش وسائل امان وكورى
من الاخر انا عايز واحدة من الاتنين دول علشان على الاقل اعرف اقول انى طلعت من كورى ليابانى او المانى (اى نعم موديل سنة اقل بس مبلوعة عن الماتركس والبيكانتو )و لحد ماربنا يفرجها واجيب هاجة اعلى