المشاركة الأصلية كتبت بواسطة ahmedwagdy03
إنت بتتريق و لا فاكر المنتدى فانوس سحرى و لا رايح إسكندرية تحقق أحلامك
مكان هادى و جميل !!!!!!!!!!و فى قلب إسكندرية !!!!!و على البحر و خدمات و فيو و مافيش زحمة الكورنيش
يا عزيزى إسكندرية من أربع سنين تحولت لسوق شعبى عشوائى و مولد ليس له صاحب . إنها المحافظة الوحيدة المنكوبة فى خدماتها و محافظيها . أنا فى أحسن الأحوال فى الشتاء أستغرق 45 دقيقه من المنتزة لبحرى ( من 10 سنين كنت أخدها فى 20 دقيقة أو أقل على سرعة 70 بسيارة سيات)
مافيش خرم إبرة فى إسكندرية إلا وفيه عمارة مخالفة طالعة و قافلين الطريق .
أرجوك لو لقيت المكان اللى بتحلم بيه تقولى علشان أبيع شقتى و أسكن فيه . والأحسن من كل ده إطلع على الغردقة أو شرم أو السخنة
من الآخر إطلع على الساحل