الموضوع: رجالة اسكندرية .. حد يفيدنا بمكان كويس

السلام عليكم
عايز أقضي أنا والأولاد 3 أو 4 أيام في اسكندرية في مكان يكون هادي ونضيف وراقي بعيد عن أي مناطق شعبية أو قلق وزحمة بس حاجة تكون بتطل على البحر مباشرة ويكون قريب منها خدمات وأماكن حلوة للخروج والفسح
مع العلم إني مش حابب الساحل أنا عايز حاجة في قلب اسكندرية ومليش في نزول البحر أهم حاجة الفيو وأماكن للفسحة (مطاعم - سينيمات - كافيهات عائلية ...)
الميزانية بحد أقصى 500 ج لليلة الواحدة إقامة بس وبفضل شقة مفروشة عن الفندق بس مش شرط
حد يقدر يفيدنا في الطلبات العجيبة دي ؟

المشاركة الأصلية كتبت بواسطة مُصْطٓفٓى

عموما الإسكندرية مدينة صغيرة يعني لو الكورنيش مش زحمة ممكن تاخدها من اولها لأخرها في ربع ساعة إن شاء الله

ميامي تعتبر اخر الكورنيش جغرافيا وبعدها المنتزة
اللي اقصده انك تدور على شقة كويسة ومكان هادي مش مزدحم عشان ركنة العربية
ومش مهم المنطقة تماما خصوصا لو معاك عربية

في النهاية منصحكش تيجي الاسكندرية وتطلع على مطروح افضل واريح لو بتدور على راحة وهدوء اكثر من الاسكندرية

مرسى مطروح جميلة لكن مشوار علقة لكن أنا فعلا بدأت أفكر جديا في رأس البر وأطنش اسكندرية بسبب موضوع الزحام والكلام ده خاصة رأس البر تعتبر مصيف بس والموسم لسة مبدأش فغالبا هتكون رايقة اليومين دول وحلوة كخروجات وفسح ومطاعم ويكفيني منظر اللسان متعة الدنيا وتأمل عميق وممتع لصنع الخالق سبحانه
شكرا لكل من أفاد ولو حد عنده إضافة تانية ميبخلش برده ممكن حد تاني يستفيد منها