عربية ولدي اتسرقت

**J A G U A R** · 17-05-2015 03:16 PM

ربنا يردله ضالته

**ENG.MaRk** · 17-05-2015 10:15 PM

المشاركة الأصلية كتبت بواسطة م أحمد

الحرامية نوعين

واحد له صلة بأصحاب الورش و التانى قاطع طريق

بالنسبة للنوع الاول لو ما دفعتش بيتصرف فى العربية و يقطعها كقع غيار

و دا نوع خبيث ممكن ياخد العربية و الفلوس كمان

صدقني الموضوع حصل كدة بالظبط و يمكن ده رزق الراجل

**accord** · 18-05-2015 12:51 AM

ربنا يرد ضالتك

**HeRo_LaNCeR** · 18-05-2015 01:56 AM

المشاركة الأصلية كتبت بواسطة graffittiii

ربنا يرجعالكم إن شاء الله

حاول تحط صورة للعربية وتقول علي كام علامة مميزة فيها ..
اللون والموديل مش كفاية .

للأسف الصور اللي عندي مش موضحا شكلها بظبط
العلامه المميزه فيها الفانوس الامامي شمال متفرقة عن الجزء اللي في الاشاره
والإكصدام الخلفي ملحوم من الناحية اليمين مكان اللحام الفيبر فيها

**HeRo_LaNCeR** · 18-05-2015 02:03 AM

المشاركة الأصلية كتبت بواسطة eng.mark

والد واحد صاحب ابني اتسرقت عربيته النترا 2012 و اللي سرقوها كلموه يساوموه عليها و طلبوا 50000 و العربية كانت لسة زيرو و كلمني ياخد رأيي قولتله اللي بيسرقوا العربيات مش هاممهم العربية نفسها لكن عايزين فلوس ف اصبر و هترجعلك إن شاء الله و الحرامية يكلموه يقولهم مش لزماني أنا هأنزل أجيب واحدة غيرها الأسبوع الجاي و لما اتأكدوا إن العربية ملهاش لزمة معاهم بقوا هم اللي بيتحايلوا عليه يديهم اللي فيه النصيب و يرجعوهاله قولتله خليك علي وضعك رحت أنا كلمتهم قولتلهم العربية بعد ما أدفعلها المبلغ المطلوب (وصل ل 5000 بس) هترجعلي متنفضة و متاخد منها كل حاجة راحوا قالوا هنسيبها في المكان الفلاني و تعاينها بنفسك و لو مش تمام ماتدفعش حاجة رحت كلمتله واحد صاحبي عقيد بعت معاه بوكس و هو بيعاين راح لقي العربية تمام جابها و رجع و الحرامية لما لقوا الداخلية اتدخلت ماعملوش حاجة و ماخدوش مليم :) بس الموضوع و المفاوضات أخدت 19 يوم و الراجل كان قلقان ... الغرض من الموقف اللي حكيته ده إني أقولك كدة كدة مع احترامي لوالد حضرتك لكن مازدا 323 ملهاش أي قيمة و المفروض ماكنش دفع حاجة و كان اكتفي بعمل محضر بس ... خليه يكلمهم بقلب جامد و يفهمهم إنها مش فارقة معاه و هيجيب غيرها بدل مايدفعلهم و هتلاقيهم بيكلموه يرجعوهاله إن شاء الله أو هيسيبوها في أي مكان و يتبلغ عنها و برضه هترجعله

انا فاهم قصد حضرتك هي فعلا ملهاش أي قيمه بس هو حس أنها اتخدت منوا غصب عنوا وده كان سبب انوا اصر انوا يدفع عشان ترجعلوا