اكيد طبعا حضرتك سباق بالتجارب بالنسبه لمحرك السياره نوصل لاعلى نسبه هيدروجين للتشغيل لاكن مع بنزين ومنوصلش التشغيل 100% لاعتقادى ان المحرك غير مصمم عمليا للهيدروجين وان الموضوع حياثر على السحب والكفائه والقدره الحصانيه يعنى لو وصلنا لنسبه 80% هيدروجين بدون التاثر على السحب والقدره الحصانيه اكيد حيكون انجاز(ده راى شخصى ولا يدعمه غير التجربه للوصول للمطلوباقتباس:
كلام مظبوط انك تعمل خلية لمولد كهربي ولو الخلية من 21 او 31 شريحة مساحة سطح الخلية كمقاس ممتاز ايضا 15×20 سنتمتر ..وممكن المولد يشتغل مباشرة من غير بنزين ..و دخول الغاز طبعا من فتحة الهوا لان قدرة محرك المولد ال220 فولت حوالي 100 او 150 cc ..ولا تهمل الحمل بمعني ان المولد البنزين عندما يشغل لمبة 200 وات غير لما تحمل عليه لمبات اجمالي الاحمال 1000 وات بمعني المولد علي الحمل يستهلك وقود اكتر شوية..(تمام يعنى من خبرتك التزم بالابعاد دى31 شريحه بمقاسات 15*20سنتى حتكون كافيه تماما للمولد)
بس انك تعمل خلية 220 مباشر دي عايزة خلية كبيرة عدد خلايها لا يقل 61 شريحة و عدد النوترال 9 الي 13 شريحة مثلا هتبدأ كالاتي شريحة رقم 1 سالب و 13 او 9 خلية نوترال + خلية موجب +13 خلية نوترال ........ وهكذا(الافضل التزم بال12 فولت عشان لما انقل التجارب للعربيه مبدئش من الاول)
-nnnnnnnnnnnnn+nnnnnnnnnnnnn- و هكذا ....... الخ و ممكن تكون مساحة سطح الشريح 15×15 سنتيمتر
و نظام التشغيل ممكن يكون مباشرة بالغاز بس لو تم تشغيل المولد لمدة دقيقة لغاية ما يسخن ثم تحول للغاز يكون افضل في حالة ان الخلية صغيرة مثلا 21 شريحة ل 31 شريحة و شغلها علي 12 فولت من بطارية خارجية او باور سبلاي 12 فولت 20 امبير او دينمو 12 فولت بامبير كافي زي ما حضرتك ذكرت(فعلا البور سبلاى حيكون مناسب فى التجارب الاوليه للتبسيط لاكن عند الوصول لافضل نتيجه يفضل مولد صغير 12 فولت عشان فى فقد فى الطاقه عند التحويل)
و الفكرة هتكون كالاتي مصدر كهربة الخلية من البطارية و يتم توصيل شاحن من المولد البنزين ال220 لشحن البطارية لتعويض الفارق الزمني ....او ممكن تشغل المولد ال220 بالبنزين و تاخد منه لباور سبلاي 12 فولت 20 امبير لتغذية الخلية و عندما الخلية تبدا انتاج الغاز لكاربتير المولد ال 220 تقفل محبس البنزين و يبدا المولد يشتغل ذاتي بدورة مغلقة (مولد 220 يغذي الخلية عن طريق محول 12 فولت dc و الخلية تغذي المولد ال220 بالغاز و هكذا )صح الصح
بالنسبة لي موضوع الغاز اتحسم بلا ريب و لا عندي اي شك ....ليه؟
لاني حسمت الموضوع الاسبوع دة ... بعدما عملت الخلية كبيرة 61 شريحة وشغلتها علي 20 فولت و 23 امبير وعملت عليها التجارب زي ( كمية الغاز ،درجة الحرارة ،الامبير،الفولت) و يوم الاثنين اللي عدي اشتريت عربية متسوبيشي لانسر 1300 سي سي انجكشن موديل 97 ب200 يورو كفار تجارب وتم ادخال الغاز من فحة هوا الموتور....وكانت النتايج بالنسبالي ممتازة و مشجعة مبدئيا ... تمام اوى بس ال20 فولت حتجيبهم من بطاريه العربيه ازاى
اول ملاحظة السيارة لما اسخنها و اقفل البنزين عنها تشتغل بالغاز تلاتات يعني ب rpm بطيئ او زي متكون شغاله ب3 سلندر لما افتح بوابة هوا المحرك تبطل نهائيا...و لما ارجع اشغلها فقط بالغاز تدور طبيعي لمدة 2 ثانية طبيعي و تبطل ...و تاني يوم الصبح جربت ان اشغلها و هي باردة بردو نفس الموضوع تدور عادي لمدة 2 ثانية و تبطل ...حاليا ساعيد حسباتي تاني لتعديل النظام لكى يكون قادر لتشغيل المحرك كليا بدون اضرار جانبية ....لان الغاز غير كافي لتشغيل المحرك كليا......و نتائج التجربة كالاتي
1. الخلية بلا ريب قادرة تشغل محرك بشكل طبيعي لو محرك 700 الي 800 cc
2.الخلية يعتبر قد شغلت 40% الي 50% من قدرة المحرك 1300 cc
3.لو هذة الخلية استخدمت لتوفير فقط البنزين علي محرك 1300 ستوفر بلا شك 50% +- تقريبا
وحاليا بفكر اشتري سيارة بنزين للاستخدام الشخصي بدلا من سيارتي الديزل لان كفاءة الغاز مع البزين افضل بكتير من الديزل
ولو اي تطورات معاك ابقي بلغنا
و ياريت تقولي رأيك في آخر التطورات اللي حصلت معايا
بالتوفيق