فعلا نصابين انهم يطلبوا السعر المهول ده اعتقد طلبوا 1900 دولار على ما اتذكر فى جهاز ممكن تنفذه فى بيتك باقل من 100 جنيه ( بطريقه مبسطه )
شوف يا اخي انا هوضح ليك و للاخوة المتابعين.... كل الخلايا اللي عملتها بنفسي منها اللي معطنيش النتايج اللي عايزها و منها اللي نجح وفي منهم خلية بالنسبة لكل الخلايا اللي شوفتها عاليوتيوب و اللي عملتها بنفسي الي حدما كويسة لانها مابتسحبش امبير ولا تسخن و بتدي حوالي 1.5 لتر في الدقيقة و مكنونه من 21 شريحة 15×15 ولذلك ركبتها عالعربيةو نظرا لان عربيتي ديزل و مشاويري الاسبوعية معروفة و حاسب العربية بتاكل كام لتر ديزل بالظبط لان سعر اللتر هنا غالي 1.20 يورو ....قبل الخلية كانت تاكل في المدينة 9 لتر في 100كيلو و الطريق الدولي 5.5 ..بعد تركيب الخلية اول شئ لاحظته دخان العام تقريبا مفيش صوت المتور انعم و الشدة زادت فقررت افوول 50 لتر و صفرت العداد عشان اتابع النتايج والنتيجة ال50 لتر عملو 1000 كيلو داخل و خارج المدينة...بالنسبالي في تحسن ملحوظ ...
و فعلا الناس هنا بيعملوها بنفسهم لاغراض كتير ومش مكلفة ولا اختراع ولا حاجة كل ما فيها روحت لورشة استناليس و طلب المقاس و عدد الشرايح و اشتريتهم جاهزين و متر gasket وابتديت اخرم و اقطع الكاوتشوك و شوية اكسسورات وعملتها و هكذا.....
وحاليا بعمل وحدة اكبر ان شاء الله هتكون اكبر وهجربها علي عربية بنزين تحت التجارب للاستفادة باكبر قدر ممكن
بالتوفيق
و ايه رأيك فى الفيديو ده .. ميه فقط بدون اى وقود
معنديش فكره يناسب الديزل او لا
[youtube]https://www.youtube.com/watch?v=yjqkHhWUKOU[/youtube]
ايه المخاطر لاستعمال هذه الخليه .. و كيف يمكن التحكم فى التفاعل و الحراره .. هل عندك فكره لاضافات للخليه لايقافها اتوماتيكيا عند الخطر ؟؟
tasaka
لسة والله من شوية نزلت الرابط دة لواحد كان بيهاجمني عشان اثبتله الفرق بين اللي هو يقصده و بين اللي احنا بنتناقش فيه
و هكرر مرارا و تكرارا اني كتبت الموضوع دة خصيصا للهواة ولمن يهمه الأمر ولا اقصد اي هدف مادي لاني الحمدلله مش محتاج وكلامي واضح من بداية الموضوع... احب اوضح ان هناك فرق بين الخلية فيول سيل ودي حاليا كبار شركات العالم للسيارات في تنافس لتصنيع السيارة الهيدروجينة لكنها باههظة التمن هي خلية مولده للتيار بتقنة عالية و بين خليتنا المتواضعة الا و هي hho drycell التي تولد فقط غاز الهيدروجين و الاوكسجين و لا تدمجهما لتوليد فرق جهد و تستخدم فقط كغاز مساعد او كغاز بديل للقود و حسب كمية الغاز يكون ناتج التوفير .تمام كدة؟ طيب في سؤال هنا ..ممكن العربية تشتغل كليا بالغاز؟ الاجابة نعم لان قوة اللهب الناتج من غاز الهيدروجين ضعفين الوقود العادي لكن عيبه انه في بصورة غازية و ليس سائل..
سؤال تاني كم لتر في الدقيقة نحتاج لتشغيل عربية بنزين كليا بمحرك مثلا 1400cc ؟ مش اقل من 15 لتر في الدقيقة كحد ادني ...طيب...
كيف احصل علي الاقل الحد الادني اللي هو 15 لتر؟
هنا بقا موضوعنا و حوارنا .....لان الخلايا زي ما شايف فيها معادلة و محتاجه ميزان لانك لو كترت من عدد الشرايح مثلا 41 شريحة في الخلية هتحتاج اما فولت مثلا 110 فولت بامبير اقل مثلا 8amp وغاز كتيير حوالي 40 لتر في الدقيقة مع زيادة في حرارة الخلية مما يؤدي لتبخر الماء بسرعة لاما زيادة في الامبير حوالي 120 امبير بفولت كحد ادنيي 43 فولت وغاز حسب التجارب اللي عملتها حوالي 30 لتر/دقيقة و زيادة في حرارة الخلية
مال ليه بقول دايما تحت التجارب لغاية ان شاء الله ما نوصل لخلية مثالية مستقرة يمكن تنفيذها بدون اعراض جانبية
ومعظم الفيديوهات دي شوفتها اكتر من مرة وحفظهم وعلي فكرة الفيديوهات احسن طريقة ممكن تتعلم منها و تتعلم من اخطاء الاخرين
بالنسبة لمحركات الديزل لا يمكن تشتغل كليا علي الغاز فقط غاز مساعد
يا صاحبي ركز في اللي بكتبه
اولا الغاز ايا كانت الخلية صغير بتولد غاز زي عاز البوتوجاز بس ملهوش ريحة يجب التعامل معاه بحذر وطالما الوصلات و الخراطيم تمام مفيش مشاكل لان في الاول و في الاخر دائرة الخلية دايرة مفتوحة يعني مفيش تخزين للغاز و خرطوم الخرج مباشر علي فتحة هوا المحرك
بالنسبة لعملية التحكم لابد من فيوز 30A و راليه 70A و الحقيقة في مفتاح اتوماتيك صغير لكن مادورتش عليه و ممكن تستعمل مفتاح اتوماتيك 25A من عند اي محل ادوات كهربية لو انت عايز تطور الخليه فيما بعد فيه قطعة الكترونية اسمهاPWM انا اشتريتها من Ebay لتحكم في شدة التيار و الفولت بس اعتقد مش هتلزمك طالما هتبني خلية صغيرة ..واحذر انك تزود هيدروكسيد بوتاسيوم و اتفكر انه هزود الغاز هو فعلا هيزود شوية لكن هيزيد الامبير و هيحرق الفيوز باستمرار
واحذر من هيدروكسيد البوتاسيوم koh يعني ما تلمسش بايدك لانه بيأثر علي الجلد
محدش يسمع كلام الراجل ده لانه ......
مفيش حاجه اسمها استخدام هيدروجين لتحسين كفاءة سيارة تسير ببنزين او ديزل
هوه فين المشرفين على القسم علشان يقفلو الموضوع ويمنعو النصاب ده انه يضحك على الناس ويبعلهم الوهم
لا يوجد ما يدعوا لهذا الوصف ، فالعضوا لم يعرض سلعة للبيع أو أجبر أحد على فعل تجاربه
برجاء التزام الهدوء واداب الحوار وعرض وجهات النظر المختلفة بدون مخالفة لقواعد المنتدى
م.ع 7