هاى يا جماعة ادخلووووووووو بسرعة

**hamasatgirl** · 13-11-2008 07:19 AM

انا عربيتى فولكس جيتا 2009 هاى لاين لسة جديدة عاملة بيها لحد انهارضة 2000 كيلو بس حصلها انهارضة حاجة ومش عارفة اعمل اية عندى فردة جابت عالى وواطى ومش عارفة دى مشكلة والا عادى امشى بيها اصل انا عندى عجلة من الى ورا وقعت فى طرف مطب على هيئة حفرة من عميقة من حفر بلدنا العزيزة بس اطرافها حادة وحسيت بالحديد بتاع العجلة من ورا بيخبط فيها وبعدين فوجأت بعالى وواطى على هيئة انتفاخات فى الكاوتش بس دة قدام فى الفردة الى قدام مش ورا مع العلم ان الخبطة ورا وفى حاجة كمان مش فاهماها لما خبطت من تحت عند الفردة ظهر عندى فى الشاشة صورة عربية اكنها ماشية على طريق او شبة كدة يعنى لمدة ثوانى واختفى ممكن حد يعرفنى هوة اية دة و فى اية انا بتوع الكاوتش خوفونى وانا جيت اطلع الاستبن اركبة اصلهم قالولى ممكن تفرقع لقيتة 16 والى فى العربية 17 فنقلت الفردة من قدام لورا والعكس فى الى قدام

**waled369** · 13-11-2008 07:59 AM

آسف مش فاهم أوي الوصف اللي حضرتك قلته بس عامة لو الانتفاخ اللي في الكاوتش على شكل بيضة أو بالونة مثلا يبقى الكاوتش لازم يتغير فورا و على حد علمي ان الانتفاخ ده بيدل ان الكاوتش اللي راكب في العربية قديم أو نوعيته تعبانة . و الحفرة متعملش الانتفاخ ده .

**hamasatgirl** · 13-11-2008 08:04 AM

لا العربية لسة جديدة والكاوتش جديد عامل 2000 كيبو بس هوة على ما اعتقد يعتبر عيب كاوتش بس الصورة الى ظهرت عندى دى لثوانى معناها اية و هوة فعلا على شكل بالونة كدة او زى ما يكون حتة وارمة بس صغيرة مش كبيرة هما حتتين فى فردة واحدة يعنى انا اقدر امشى اد اية بالوضع دة واية الاخطار الى ممكن تحصل انا على حد علمى ان التيوبلس مبيفرقعش

**waled369** · 13-11-2008 08:11 AM

يبقى ده عيب كاوتش و لازم يتغير بأسرع وقت و مش مهم كبيرة أو صغيرة المهم تغيريه بسرعة.

أما التيوبلس مين قال انه مش بيفرقع ؟ بيفرقع طبعا مع احترمي لأي كلام لأني من حوالي شهر فرقع معايا الكاوتش الخلفي ( تيوبلس ) و كنت ماشي بسرعة عالية و الحمد لله انه الخلفي و ربنا سترها .

بالنسبة للصورة اللي ظهرت عندك ثواني بصراحة مش قادر أفيدك فيها بس طالما ظهرت على كمبيوتر العربية يبقى لازم تسألي التوكيل .

**waled369** · 13-11-2008 08:12 AM

و كمان انتي ليه كاتبة الموضوع ده مرتين ؟ خليه موضوع واحد أفضل .

**hamasatgirl** · 13-11-2008 08:16 AM

مش عارفة اصل الموضوع دة بجد مخوفنى اوى بس على رائيك انزل بكرة اغيرها وامرى لله شكررررررررررررررررررررررر رررررررررررررررررا

**waled369** · 13-11-2008 08:23 AM

قدر الله و ما شاء فعل . احمدي ربنا أنك خدتي بالك م الموضوع ده . المهم مش تجري بسرعة لغاية ما تغيرها . و كمان ممكن تمشي بيها كم يوم بس رأيي تغيريها بسرعة أفضل .

ربنا يعوضك خير . خدت العين معاها و الحمد لله انها جت على فردة كاوتش.

**hamasatgirl** · 13-11-2008 08:39 AM

الحمد لله قدر الله وما شاء فعل

**أبومعاذ** · 13-11-2008 08:51 AM

لو البالونة اللي في الكاوتش في جنب العجلة يعني مش في الحتة اللي عليها النقشة ممكن تمشي عليها كام شهر بس يفضل انك تغيريها اما لو البالونة دي ظهرت في الحتة اللي فيها النقشة يبقى لازم تغيريها فورا
انا كان عندي بالونة في الكاوتش من حفرة برضو في العربية القديمة و مشيت بالكاوتش 8 شهور من غير ما يحصل اي حاجة بعد ما كنت سالت كام واحد بتاع كاوتش امناء و قالولي امشي عادي بس يفضل تغيريها