عرض للطباعة
السلام عليكم
دلوقتي معظم الشقق اللي في فيصل والهرم في عمارات غير مرخصة
وبالتالي سعرها ارخص حبتين من اللي معاه رخصه (فرق حدود 400 جنيه فالمتر)
السؤال بقي : الواحد لما يجي يشتري شقة في حاجه زي يتاكد من الارض مثلا بتاعت صاحب العمارة ازاي , وهل في حاجه تانيه تتعمل عشان الواحد بس يكون متطمن انه مش هيواجه اي مشكله
شكرا
بتاخد صورة من الرخصة و بتروح تستعلم عنها و هيبان كل حاجة
:3mla:اقتباس:
المشاركة الأصلية كتبت بواسطة dodo2000
العماره من غير رخصه
من رأيى بلاش يمكن تدخل فى اى قانون هدد مستقبلىاقتباس:
المشاركة الأصلية كتبت بواسطة mendo
كبيرك تاخد فى عماره مرخصه لغايه ثلاث ادوار والباقى حلوانى
المتر ب 2000 فى شوارع راقيه جدا فى الهرم
من غير رخصه خالص بكام
عادى هتطلب منه نسخه من تسلسل ملكيه الارض و فى الغالب هتبقى عباره عن شويه عقود عرفيه عليها صحه توقيع و بس و صدقنى هتدخل نفسك فى متاهه اثبات ملكيتك للشقه غير انك مش هتدخل اى خدمات باسمك فيها ايا كانت لا ميه و لا نور و لا غاز
من رأيي بلاش شراء عقارات في مباني مخالفه او من غير رخصه
هو في نقطه بس صغيره ان معظم الابراج في فيصل تقريبا مفيهاش رخص فيما عدا العمارات اللي عالشارع الرئيسي
يعني مثلا سعر المتر في العماره اللي على اي شارع رئيسي زي المريوطية او اللبيني في حدود 1900 جنيه وسعر المتر في العماره اللي بعديها علطول بيكون 1300 .... في فرق كبير جدا.
حتى ان معظم العماير اللي طالعه دور واحد او اتنين بيكون بايع كل الشقق اللي مدرجه فالرخصه 4 ادوار ... والعماره كلها بتكون 12 دور.
النغمه السايده عن الكل انهم مقدمين تصالح في الحي وفي الكهربا وشغالين في الاجراءات ... وانهم مش بيطلعوا رخصه لان عمره مهيبنى 4 ادوار بس وكده كده في الاخر بيتصالح ...انا مش فاهم المفروض لو في مصالحه وهيتوافق عليها هل هيدخلوا العدادات باسامي الناس ولا هتكون ممارسه.
المفترض انه لما اطلب منه صور تسلسل ملكيه الارض اسأل عليها فين او اتاكد ازاي؟
انا واخد شقة فى المريوطية اللبينى العمارة 12 دور وهو واخد رخصة 8 ومسجل الارض الافضل انك تدور فى حاجة زى كده على الاقل يبقى مرخص بناء لكن مخالف خالص بلاش
لا عادي اشتري
اانا عندي شقة في الزهراء و عادي
اهم حاجة اول ما تشتري تنقل فيها بأسرع و قت وخلاص و تسأل الجيران اللي اشترت من نفس الراجل و تشوف تسلسل الملكية و التقنين و الكلام ده
اقتباس:
المشاركة الأصلية كتبت بواسطة moustafapeace
المشكه انه فليل جدا ماتلاقي حد عنده رخصه
اقتباس:
المشاركة الأصلية كتبت بواسطة askanas
ممكن معلومات اكتر عن التاكد من تسلسل الملكية و التقنين؟
معلش يا شباب لو شقه فى شارع المطبعه بين الهرم وفيصل مساحتها 130 متر 3 غرف وحمام ومطبخ تعمل كام فلوس كاش طبعا متشطبه بس العماره مش جديده يعنى من اوال 1990 الشقه تعمل كام تقريبا
نصيحة .. بلاش
هتبقى عايش حاسس انك مهدد ان يحصل ازاله للعماره في اي وقت .. او عالاقل مش هتعرف تدخل كهربا ولا ميا ولا غاز
ده فيه ناس ممكن يبقو مخالفين في بلكونة ويطلع عينهم مابالك بعماره كامله
وحتى اللي ورقهم سليم ومرخصين ساعات بيقعو في مشاكل او يتنصب عليهم
خليك في السليم
هتلاقى اماكن فى المريوطية مرخصة بس قليلة اوى دور فى شارع المجزر الالى ورا اولاد رجب فى حاجات هناك مترخصه
فى عمارة فى شارع اللبينى الرئيسى فى المريوطية
العمارة بعد ماتبنت و اتشطبت جالها امر ازالة و حاليا بيهدوها عشان صاحبها بنى من غير رخصة و حضرتك ممكن تشوفها لو بتعدى من هناك
نصيحة ماترميش فلوسك فى الارض
فعلا انا شفت العماره اللي بتتهد عاللبيني
الواحد مش عارف والله يلاقي حاجه كويسه فين وبسعر معقول وتكون مضمونه
عالعموم هحاول انزل تاني واركز في موضوع الرخصه