-
طب ارتفع بأمارة ايه ؟
بأمارة إقتراض الحكومة اليومي من البنوك الحكومية إجبارياً لسد عجز الموازنة
ولا بأمارة أذون الخزانة اللي صدرت من اول السنة لحد دلوقتي بالمليارات
مش عارف انت عايش معانا ولا في المريخ
ولا بأمارة الإستقرار والهنا اللي متمرمغين فيه
وترجعوا تزعلوا لما نتريق
وطبعاً كل اللي رد على الأخ كاتب الموضوع برد مش على الهوى اكيد حيبقى عايز يخرب البلد ويدمرها
مرار طافح..:dumb:
-
يا جماعة انتم مضايقين ليه بس
الناس اللي شغالين فى مؤسسة ستاندرد أند بورز دول مش بيفهموا في الاقتصاد ولا في احوال البلاد , دول شويه عيال سيساوية قاعدين يطبلوا للسيسي وللحكومة
طبعا انتم اكتر خبره منهم في الاقتصاد والتحليلات المالية .
انا سمعت ان في واحد داخل المؤسسة بياخد 20 جنية علشان يكتب التقارير دي لصالح الحكومة المصرية :)
-
هههههه بأمارة مذبحة البورصة المصرية
وهنا يحضرني مقولة فؤاد المهندس "على يدي"
-
يمكن اترفع التصنيف كحافز لمصر عشان حتعدم الاخوان
-
يعني خلاص الاستثمارات هتزيد و هنلعب بالفلوس لعب ؟؟؟ طيب -_-
-
لى مبدأ مختلف شويه عن بعض الاعضاء
بدلا من التهكم على المعلومه او الدفاع عنها
احاول اشوف اصلها ايه
و ممكن انى لا افهم او لا اجيد قراءتها
و لكن يكفينى انى حاولت النظر فيها و السؤال عنها فربما اكتسب معلومه جديده من ورائها
على العموم اللينكات الخاصه بالتصنيف هاحطها و لكن اعذرونى لست اقتصادى علشان اشرحهها
انا لسه هاحاول افهمها و افهم ماذا تعنيه
و على فكره من سؤال لصديق يعمل بهذا المجال حول اهميه التصنيف (بغض النظر عن الدوله)
ذكر لى ان التصنيف يساعد الدوله عالميا
بمعنى انه يعطى مؤشرات ايجابيه او سلبيه لمن يريد التعامل مع تلك الدوله
يعنى دوله تصنيفها واقع و عاوزه تستلف
اللى هايسلفها يا اما هايرفض او يعطيها بفوائد عاليه حتى يغطى مخاطره ان فلوسه كلها تروح
غير لما تكون دوله مستقره و تصنيفها مرتفع فمعروف ان الفلوس اللى داخله لها مضمونه او بالبلدى سمعتها زى البرلانت
S&P | Ratings Sovereigns Rating List | Americas
Egypt | Economic Indicators
-
Mtak
اشكرك بشدة انك اجتهدت و بحثت عن المعلومة قبل ما تعلق على موضوع بعيد عن تخصصك.
-
مبدأيا انا مش متخصص يعنى كل كلامى مبنى على قراءات وشويه بحث فاللى شايف فى خطأ فى كلامى يا ريت يصححهوللى
الاول ايه هو التصنيف الائتمانى هو قدره الدول على سد التزاماتها بمعنى قدرتها على سد ديونها والوفاء بالتزاماتها النقديه والتعاقديه
طيب ايه اللى خلى مصر تصنيفها ينخفض اصلا اللى خلى ده يحصل هو انهيار الاقتصاد فى الفتره السابقه وتوجه الدوله بعد ثوره يناير لارضاء متطلبات الشعب بغض النظر عن توفير مصادر للمتطلبات دى بمعنى كل الزيادات فى المرتبات والدعم والتعويضات اللى اتدفعت اتدفعت من فلوس مفترض كانت موجهه لسد حاجات تانيه وبالتالى زاد العجز فى الميزانيه وبما ان الاستثمارات كانت هربت من البلد وموارد الدخل قلت والاحتياطى اتصرف على سد الاحتياجات الاساسيه فبقيت زى واحد مديون ومبيسدش الديون القديمه وعايز تستلف تانى وكمان مصاريفك زادت وطبعا طالما مصروفك زاد فانت مش حتقدر تسدد الديون القديمه ولا الجديده لانك بالعافيه مكفى نفسك فالمؤسسات دي بتقول لاى حد ناوى يسلفك انه ينسي الفلوس دى واى حد عايز يستثمر عندك انك اساسا احتمال كبير متقدرش توفى باى التزام حتعمله لانك بتنهار اصلا .
طيب ايه اللى حصل وهل هو منطقى دلوقتى اقولك اه منطقى جدا حتقوللى دى الدنيا بايظه والاسعار بتزيد والدعم بيتشال والحكومه عماله تلم فلوس من اليمين والشمال اقولك مهو علشان كده التصنيف زاد ازاى اقولك مهى الدوله دلوقتى عايزه تثبت ان هى بتقلل مصاريفها علشان تقدر تسد اللى عليها وكمان بتسد عجز الموازنه بتقليل مصروفاتها وزياده ايراداتها ومن غير سلف كتير وعلشان كده مؤسسات التصنيف بتقول للناس الدوله دى طالما عملت كده وبتعمل كده وحتعمل كده يبقى هى حتقدر تسدد لاى حد ديونه فى معادها وكل مستثمر حتتعاقد معاه حتقدر توفى التزاماتها معاه وكل ده بناء على الارقام بغض النظر عن الارقام دى جت منين وبغض النظر عن احوال مواطنين الدول دى
وعلى فكره التصنيف ده اللى برضه بيستفيد منه جميع المستوردين والمصدرين ازاى بالنسبه للمستورد فكل الشركات بره علشان تعرف قدرات اى شخص اعتبارى على السداد بتبص على تصنيف الدوله اللى هو جى منها واللى حيسوق بضاعته فيها بالظبط زى ماى مواطن يروح ياخد كريدت ائتمان من اى بنك فى مصر ويتعمل عليه بحث فى البنك المركزى علشان يعرفوا سوابقك الائتمانيه ولو طلعت بلاك ليست او تاريخك سئ بيرفض يديك كريدت ائتمانى ضمان لحقه فالشركه بره لو لقت البلد تصنيفها سئ اما بتطلب فلوسها كاش او بتطلب فوائد عاليه جدا كضمان لمخاطرتها
اما المصدرين فالشركات بره برضه ملهاش دعوه بيه هى بتبص على تصنيف بلده كدليل على قدرته على الوفاء بالتزاماته ولو تصنيف البلد سئ اما بتغيره او بتحط شروط قاسيه كضمان لحقها
طيب احنا كمواطنين طالع عنينا يوميا وبندفع تمن ده حنستفيد ايه بالنسبالى هى مش استفاده اكتر ما هى دليل على ان الدوله مش بتحصل الفلوس دى وتتبخر كلها فى جيوب البعض "بالرغم ثقتى ان فى جزء بشكل او باخر بيتبخر" ولكن الدوله بتوجه الضغط اللى علينا فى مكان صح وهو سداد التزاماتنا بدون وضع التزامات جديده "بشكل كبير" وبالتالى بعد فتره حنلاقى عجز ميزاننا اتظبط وبالتالى تقدر الدوله توجه جزء من الفلوس دى لتطوير البلد اقتصاديا وكمان اظن التصنيف ده حيزود الاستثمار الخارجى الهربان ويشجعه على الرجوع للبلد
المطلوب بقى من الدوله ايه حاليا اظن مهم اثبات حسن النوايا للشعب بتخفيف الضغط عليه جزئيا وبرضه توضيح حجم الاستثمار الحقيقي للحكم على نتائج قراراتهم على الاقل لزياده تفائل الناس وتقليل التشكك الحالى "اللى عندى شخصيا" من اى حكومه حاليه او قادمه .
تحياتى.
-
ربنا ينصر مصر ان شاء الله ويهدي كل محبط وهدام
-
بصراحه موضوع مهم زي ماتفضلت ناس هنا و شرحته و ده معناه ان فيه نظره ايجابيه لمصر من الدول الخارجيه
و الاهم من كده ان فيه ناس بتحاول اثبات فشل مستقبلي...بالتوفيق للجميع
Content Relevant URLs by
vBSEO 3.6.0 PL2