عرض للطباعة
أنا طبيب نفسى ومتخصص فى علاج الآدمان فى السعودية دلوقت وراجع مصر انشاءالله بعد شهر
عاوز أشوف أراء الشباب اللى فى المنتدى فى الطب النفسى و الاطباء النفسانيين و ايه الاسئلة اللى بتخطر على بالكو لما بتسمعوا مصطلح الطب النفسى
منتظر اراؤكم وتساؤلاتكم:wacko::k20:
ايه يا شباب 60 واحد و محدش عاوز يقول حتى السلام عليكم؟؟؟؟؟؟؟
عزيزى د. عمر
احنا كشعب عندنا بعض التحفظ من مناقشة هذا الموضوع على الملأ :005:
بمعنى انى لو حروح لدكتور نفسانى :sifone:
لازم اكون ملفوف بملايه عشان محدش يشوفنى !! :original:
يا دكتور السؤال محرج جدا .اقتباس:
المشاركة الأصلية كتبت بواسطة omar906
للأسف الناس بتبص على الدكتور النفساني كما تصوره السينما . و دايما بيطلع هوه اللي عايز حد يعالجه .
فاكر الدكتور خشبه في فيلم مطار الحب بتاع فؤاد المهندس آهي الناس فكرتها كده .
يا دكتور السؤال محرج جدا .اقتباس:
المشاركة الأصلية كتبت بواسطة omar906
للأسف الناس بتبص على الدكتور النفساني كما تصوره السينما . و دايما بيطلع هوه اللي عايز حد يعالجه .
فاكر الدكتور خشبه في فيلم مطار الحب بتاع فؤاد المهندس آهي الناس فكرتها كده .
ايه يا جماعة كم الاحراج ده دى مناقشة حرة بدون الدخول فى تفاصيل شخصية و على فكرة كأطباء نفسانيين ملاحظين ان الحرج زال الى حد كبير فى السنوات الاخيرة و الدليل عدد المترددين على أى عيادة أو مستشفى نفسى
واللى عاوز يستفسر عن شىء يتفضل
أعتقد ان الزيادة فى عدد المترددين على العيادات النفسية :biggrinjester:اقتباس:
المشاركة الأصلية كتبت بواسطة omar906
سببه زيادة الضغط على المواطن المصرى :036:
و ليس بالضرورة زيادة الوعى ... :flowers:
ده اذا كنا بنتكلم عن الامراض النفسية بس فيه كمان الامراض العقلية و الادمان الموضوع فيه عوامل كتير و متداخلة
بالنسبة يا دكتور للحاجات اللي بنسمع عنها زي المس الشيطاني فيه علماء بتنكره و بيقولوا دي هلاوس سمعية و بصرية و محتاجة طبيب نفسي و في علماء بيقروها و بيقولوا ان دا محتاج علاج ديني و لا دخل للطب فيه . ممكن توضح لنا هل فعلا الكلام ده لا يعدو كونه هلاوس و ازاي تتعالج ؟.
شوف يا سيدى
احنا هانحسبها بالمنطق اللى مايختلفش عليه حد
نفترض مجازا ان الرأيين صح يبقى نسأل الاسئلة دى و نحاول نجاوبها مع بعض
س1 الوقت المطلوب لبدء العلاج مين محتاجه اكتر؟
ج1 الطبيب النفسى طبعا لآن الحالة لو اتأخرت فى بدء العلاج بتتحول لحالة مزمنة يعنى علاج يستمر مدى الحياة بدل ما كانت هاتكون حالة حادة لها كورس علاج و ينتهى بعد فترة محددة بالشفا انشاءالله
انما عمرنا ما سمعنا ان شيخ قال القران ما بقاش ينفع فى العلاج لان الحالة اتأخرت
س2 هانخسر ايه لما نبدأ بالطب بدل ما نعكس الآية؟
ج2 مش هانخسر حاجة بالعكس العلاج هايبدأ فى الوقت المناسب بس نروح لمتخصص مش أى تخصص ونتلكك ان العلاج ما نفعش
س3 لو المعالج الشعبى عك أى عكة واللا خالف الاداب العامة هاتقدر تعمله ايه؟
والا حاجة انما الطبيب مجاز من مكان معروف و هو الجامعة ومعاه ترخيص مزاولة مهنة وممكن تسأل عنه فى المستشفى الرسمى اللى بيشتغل فيه أوتتأكد من نقابة الاطباء لو شاكك فيه و لو ارتكب أى مخالفة تقدر تشتكيه و تاخد حقك انما التانى هاتجيبه منين
س4 ليه الازهر أعرق جامعة أسلامية فى العالم لا يدرس العلاج بالقران أو الرقية الشرعية ممكن تكون الحكاية دى اتنست على مدار عمر الازهر اكتر من ألف سنة؟
لان الكلام ده ليس عليه سند شرعى و بالعكس الطب النفسى يدرس فى كليات الطب التابعة لجامعة الازهر
س5 فيه دليل من كلام أحد العلماء على عدم شرعية العلاج من المس و السحر؟
ج5 طبعا الشيخ محمد الغزالى رحمة الله عليه فى اخر ندوة عقدها فى مجلة الشباب قبل وفاته قال ان القران يروى على لسان ابليس لأتباعه (و ما كان لى عليكم من سلطان الا ان دعوتكم فاستجبتم لى فلا تلومونى ولوموا أنفسكم)
و هذا ينفى أقل قدر من السلطان على الانسان
و يقول تعالى (وننزل من القرأن ما هو شفاء و رحمة) و الشفاء يختلف عن العلاج و الشفاء هنا يعنى السكينة و الطمأنينة و الكلام للشيخ الغزالى أيضا
و شكرا
شكرا لك يا دكتور
أنا مقتنع جدا بكلامك . بس باسأل علشان شفت امس برنامج على ال بي سي كان بيتكلم عن الموضوع ده و رأي علماء الأزهر زي ما قلت انته كده .
أشكرك على التقدير الغالى ده و نفسى الناس تبص لقدام و تشغل المنطق
لان فى الاسلام مناط التكليف هو العقل
يعنى لولا العقل مكناش هانبقى مكلفين أصلا يبقى ازاى نعطله و نبقى محاسبين و مش فاهمين
و علشان المأسى اللى شفتها لناس ضاعت حياتها ومستقبلها علشان المعتقدات الخاطئة دى و تحولوا لمرضى معوقين عبء على غيرهم لاخر العمر
شوف يا دكتور
الطب النفسي له أصول ودراسة متأنية وعلم معقد جداً ومحتاج لدكتور شاطر
في مصر الطب بصفة عامة بقى تجارة وليس علم
بلاحظ ان الدكتور لما الواحد يروحله الدتور ميدهوش اي معلومات مفيدة ويكتبله دوا في خمس دقائق ويخش على اللي بعده
وانا في اعتقادي ده راجع لعدة اسباب محتمله:
الدكاترة بشكل عام بقولك المريض جاهل ولو شرحتهله هضيع وقت عالفاضي لانه كده كده مش هيفهم وانا عندي وراه 20 حاله
اصبح عندنا عدم ثقة في الطب المصري بعد الحوادث الخطيرة اللي حصلت بسبب التخدير وعمليات التجميل الفاشلة وخلافه
أما بالنسبة للطب النفسي بشكل خاص فمعظم الناس عندهم اعتقاد انه بتاع المجانين وبس وان اي دكتور نفسي حتروحله سيجلسك على شزلونج ويقولك كلمني عن طفولتك المعذبة وفي الآخر يكتبلك أدوية مهدئة ومضادة للاكتئاب توؤدي بدورها الى الإدمان ومن ثمة الى الوفاة :svengo:في مستشفى العباسية .
طبعا ببالغ حبتين بس الطب النفسي لسه مش مفهوم لدينا في مصر والمترددين على عيادات الطب النفسي مش كثره زي بقية التخصصات.
بس يمكن لو طبيب كون سمعة طيبة يكون له حظ اوفر ويقدر يقنع الناس بغير المفهوم الخاطئ عن الطب النفسي.
ربنا يوفقك الى ما فيه الخير...
أنا معاك فى كتير من الكلام اللى بتقوله و لكن يا أخى ما لا يدرك كله لايترك كله
و اذا رفضنا القضية بالجملة و قلبنا الترابيزة ايه البدائل؟؟؟؟؟؟ما فيش مجموعة من البشر كلهم ملائكة بس البقعة السوداء بتبان أوى فى التوب الابيض و نقاشنا ده لو بيساهم بخطوة بسيطة ليه مانخطيهاش
كلنا عاوزين بلدنا أحسن بلد فى الدنيا و احنا جوانا خير كتير كشعب بس الاحساس الدائم بالعجز بيتولد من نفوسنا و يطلع يكتفنا
لازم تغير ثقافة الناس وده مش حيحصل الا إذا الناس اتعلمت كويس من البداية وهم نشئ صغير ومع الأسف لسه في ناس تؤمن بالدجل والشعوذه وعندهم استعداد يصرفوا كل مدخراتهم على (العمل) و(الزار) و تحضير الجان وليس لديهم استعداد يحضروا جلسة علاج نفسي واحدةاقتباس:
المشاركة الأصلية كتبت بواسطة omar906
أنا واحد من الناس بشوف أد ايه النفسانيين مهمين عند الغرب وأصبح شيء أساسي في حياتهم لنهم فاهمين كويس تبعات العلة النفسية من نقص انتاج وضعف موارد
احنا هنا (يا عم مشي حالك) (يا عم طريها ومتكلكعهاش) (يا عم كبر الجمجمة) هي الكلمات السحرية لحل أي مشكلة....
ربنا يصلح حالك يا مصر ... اللهم آمين...
كلام حضرتك ده أكبر دليل على ان فيه خير كتير جوانا أو شعلة نور محتاجين ناخد منها حتة و نحطها قدامنا تتدينا تفاؤل و تنور لنا الطريق لان ما فيش بديل تانى قدامنا علشان نبقى أحسن من الدول دى كمان و لازم ده يكون طموحنا
السلام عليكم انا احمد 19 سنة في جامعة المنصورة قسم علم النفس سنة تالته لازم نهتم بالموضوع دة و نتكلم فية بالصراحة بس ....وشكرا
أعتقد ان نقطة البداية الصح تكون أنكم تفهموا الناس يعني ايه طب نفسي بوضوح وببساطة من غير ماتخوفوهم وليه هم محتاجينه في حياتهم والنتائج اللي ممكن يوصلوا ليها...
يعني مش كله حياخد جلسات كهربا يا جماعة ههههه :Lighten: متخافوش
تمام يا عم أحمد الموضوع ده حيوى جدا مش ترفيهى ولا ثقافى نظرى مالوش علاقة بالواقعاقتباس:
المشاركة الأصلية كتبت بواسطة ahmed_badr
اذا جاز لى ان أعرف الطب النفسى فهو فرع الطب المختص بتشخيص الاضطرابات النفسية و العقلية و السلوكية التى تطرأ على الانسان و علاجهااقتباس:
المشاركة الأصلية كتبت بواسطة shankosi
و على فكرة فيه مذاهب كتير فى العلاج و كلها صح و علشان أطمنك أكتر الطفرات اللى حصلت فى العلاج الدوائى فى السنين الاخيرة مذهلة و زى السحر فى مفعولها ولسة موجود بردة معانا جلسات ضبط ايقاع الدماغ الكهربية اللى تعتبر أفضل علاج نفسى على الاطلاق بل من أنجح العلاجات فى تاريخ الطب كله و لا يشعر معها بأى احساس بالآلم على الاطلاق
أوعدك إنك اما تيجي مصر أبقي أول زبون و مش هتكسف أقول إني بجيلك انا محتاج فعلاَ طبيب نفسي عشان انا خلاص هتجنن من اللي بيحصل ده ..
أنا محتاااااااج أروح لدكتور نفسى ... مشاكل كتير جوايا بتركها من غير حل .. و خايف تتراكم و تعملى عقدة بعيد عنكم
مش بهزر أنا مؤمن إن زيارة طبيب نفسى مرة كل 6 شهور أو عند وجود مشاكل مهم جداً ... لكن للأسف حتى الآن لم أتابع مع أى دكتور ... لكن قريب إن شاء الله هلاقى حد و أواظب معاه.
يا جماعة متستهونوش بالموضوع ....
أولاً لازم تعرفوا إن أكتر مرض منتشر فى مصر هو إرتفاع ضغط الدم .. أكتر من أى مرض تانى ... و مشاكله خطيرة و أى دكتور عارفها لأنه بيأثر على كل أعضاء الجسم دون إستثناء ...و بيقتل الإنسان ببطء على مدار السنين .. كأنه بيخلص عليه بدم بارد.
فتخيلوا كمية التوتر العصبى و الشد اللى عايشين فيه .... تفتكروا مش محتاجين حد يساعدنا نتأقلم على كده؟ ... خاصة الناس العصبيين.
فكروا تانى فى موضوع الأطباء النفسيين ده ... لأن المرض موجود عند معظمنا بس خفيف و مش ظاهر لكن خلوا بالكم إنه مزمن و خطير.
انا زيك يا ميزا و الله .. بفكر أروح العيادة لدكتورة بتدرسلي سيكولوجي في الجامعة بعد ما التيرم يخلص لا تفتكرني برشيها .. هي شخصية ظريفة .اقتباس:
المشاركة الأصلية كتبت بواسطة meza
same here my friend :smartass:اقتباس:
المشاركة الأصلية كتبت بواسطة MoToRiZeR
عندى دكتور كان بيدينى سيكولوجى السنة اللى قبل اللى فاتت ... الكارت بتاعة لسه فى المحفظة مكانه من ساعتها ... و إتبهدل خالص ... بس العنوان و التليفون لسه باينيين ... ;)
شفت الحلقة دى ..... و فكرتنى على طول برد للأستاذ فادى كان كتبه هنا فى موضوع مسبق.اقتباس:
المشاركة الأصلية كتبت بواسطة waled369
تقريباً كلامه ينطبق تماماً على موضوع الحلقة.
الرد كان بيقول إن أيام الحملة الفرنسية كان المصريين بيفسروا القنابل اللى بتترمى عليهم إنها من الجن .... و ده كان أسهل تفسير جاهز قدامهم.
كذلك الحالات النفسية دى ... ما إدناش فرصة لنفسنا نستعمل العلم عشان نفك لغز الحاجات دى و لصقناها على طول فى الجن و المس الشيطانى و معرفش إيه ... مش نفكر فيها الأول و نستخدم عقلنا و بعد كده نبقى ننسبها للعفاريت !؟
أدى الرد بتاع الأستاذ فادى ...... لا زلت أتذكره حتى اللحظة و عاجبنى جداً .....
تحياتى أستاذ فادى ,,,اقتباس:
زمان عندما جاء الفرنسيس الى مصر, استخدموا البارود و قذائف اللهب لدك المدن المصرية, فكان المصريون يعتقدون أن الفرنسيون قد سخروا الجن لخدمتهم, و لم يكن الفرنسيس يعرفون الجن, بل كان الجن وقتها يعشش فى عقول المصريون,
لقد كان المدفع الذى يطلق منه الفرنسيون قذائف اللهب غريبا على المصريين, و لم يتعب المصريون أنفسهم للعثور على سر هذا المدفع, مادام التفسير سهلا و جاهزا أمامهم, انها الجن بلا شك!!
الأن يعرف معظم المصريون أن هناك شيئا اسمه البارود له طاقة تفجيرية عالية, لكن بعضهم مازال يردد انها الجن, و للأسف هؤلاء لا يعيشون فى الريف أو المناطق العشوائية, بل فى أرقى أحياء المحروسة, و يالسخرية القدر, بعضهم يقوم بتأليف الكتب أيضا!!
طييب يا دكتور عمر ما تنتهز الفرصة وتعرفنا إيه الفرق بين المرض النفسى و المرض العقلى ، لأن الفرق مش واضح بالنسبة لى على الأقل ، عشان إحنا ثقافتنا محدودة فى المجال ده ، ولو ماعندكش مانع ممكن تبقا تفتح موضوع جديد فى الإجتماعى تخصصه لمناقشة الإدمان من وجهة نظر الطب النفسى ، وهلى الإرتباط بيه نفسى ولا عضوى ، أو بمعنى تانى هل هو عادة ولا فعلاً الجسم بيحتاج المخدر ، ونفس الشئ بالنسبة للتدخين لأنه منتشر أكتر ، فنستفيد كلنا من الفرصة الطيبة دى وهى وجود حضرتك معانا ، وتستفيد حضرتك ثواب عند ربنا لو كلامك ساعد حد يبطل تدخين مثلاً
أولا أنا فى غاية السعادة بأن الموضوع بدأ يشارك فيه ناس كتير
ثانيا مبسوط اكتر لان الناس عاوزه تعرف
احب أوضح الفرق بين الطب النفسى و علم النفس
ببساطة الطبيب النفسى خريج كلية طب و ممكن يستخدم وسائل كتير فى العلاج من أول جلسات العلاج النفسى الفردى و الجماعى وحتى العلاجات الدوائية و جلسات ضبط ايقاع الدماغ الكهربائية
أما الاخصائى النفسى فهو خريج كلية أداب قسم علم نفس و ده ممكن يستخدم الجلسات النفسية فقط أو يقوم بعمل اختبارات الذكاء أو اختبارات السمات الشخصية و ذلك لمعاونة الطبيب النفسى فى التشخيص باعتباره عضو فى الفريق العلاجى
أما عن الفرق بين الامراض النفسية و العقلية
فالامراض النفسية مثل القلق المخاوف المرضية (الفوبيا) و اضطراب الشخصية يعنى الامراض اللى يكون فيها المريض مسئول عن افعاله بس عنده معاناة نفسية
الامراض العقلية زى الفصام مثلا و دى بيكون المريض فيها غير مسئول عن افعاله نظرا لانه تحت تأثير الشكوك والضلالات المرضية و الهلاوس السمعية و البصرية و ده علاجه الاساسى دوائى
ملحوظة المعلومات دى مبسطة جدا علشان التبسيط للناس
إسمحلى يعنى إيه تحت تأثير الشكوك والهلاوس ، مش دى حاجة نابعة منه ، يعنى كدة مسئول عن تصرفاته ويبقا نفسى مش عقلى ؟اقتباس:
المشاركة الأصلية كتبت بواسطة omar906
أنا توقعت أمراض عضوية زى الصرع مثلاً
الصرع ده خلل فى النشاط الكهربى للمخ ينتج عنه غياب عن الوعى و تشنجات عنيفة فى الجسماقتباس:
المشاركة الأصلية كتبت بواسطة Sameh
اما الضلالات والهلاوس بتنشأ من خلل فى نسب بعض المواد الكيماوية التى تفرز فى المخ(الموصلات العصبية) فيحصل خلط بين الواقع والوهم يعنى الافكار و الالاصوات و الصور اللى احنا بنشوفها و احنا بنحلم المريض بيشوفها و هو صاحى فمايبقاش عنده حدود فاصلة بين الواقع والخيال