استبيان رينو ام تويوتا

**madasedo** · 21-05-2015 06:46 PM

السلام عليكم :)

استبيان صغير بس
رينو فلوانس هاى لاين وﻻ تويوتا كورولا الفئة التانية ؟ ال 2 سعر قريب جدااا بس مين الافضل ف الاداء

**mazen56** · 21-05-2015 07:07 PM

تويوتا كورولا افضل

**mohbasyouni** · 21-05-2015 07:11 PM

تويوتا كورولا

**meemoo2104** · 21-05-2015 07:39 PM

الرينو فلوانس بكل المقاييس وعن تجربه

**hugan** · 21-05-2015 08:53 PM

كروﻻ من غير ماتسال

**volociximab** · 22-05-2015 11:44 AM

و عليكم السلام
لم اركب ايا منهما اختار تويوتا كورولا لاسباب
تاريخ هذه السيارة طويل
السيارات تويوتا موديلات ما قبل 2000 ما زالت تمشى بالشوارع الى الان
كورولا صنعت لمختلف اسواق العالم و ليس للاسواق النامية فقط
داخلية الكورولا افضل///مساحة القدمين فى الامام اقل فى الفلونس و الزجاج الامامى اضيق
ممكن تلاقي مواصفات اكثر فى الرينو بس هذا لا يهمنى///يهمنى جير محرك تكييف اعتمادية

**تامر.محمد** · 22-05-2015 12:27 PM

حسب عايز من العربية ايه
بصراحة انا عاتب على الناس اللي تقول لك العربية الفلانية و تسكت كأن عربية منهم متفوقة على التانية في كل حاجة و ده غير صحيح

عموما , الكورولا كأداء و سعر بيع و اعتمادية افضل
الفلوانس كرفاهية و اسعار قطع غيار و اوبشن افضل

حسب اولوياتك بقى

**Hany Saad** · 23-05-2015 03:48 PM

المشاركة الأصلية كتبت بواسطة amr gamal 01

انا سوقت الاثنين مسافات طويله وسرعات فوق ال 170 ولقيت الفلوانس افضل بالنسبه لي
1- ثبات الفلوانس افضل فعلا وده بعد اخد غرز و ملفات واخد غرزه في غرزه عكس بعض على سرعات فوق ال160 وعايز تكشف هندسه ثبات التويوتا افصل ال esp واجري بجد واعتمد على حرفتك في لم العربيه في الغرز الديقه هتلاقي الفلوانس سهل لمها بكتير عن التويوتا
2-الموتور في التجميع العادي يعني من غير كيكات الفلوانس افضل في الكيكات التويوتا افضل الفلوانس عربيه مفهاش كيك داون
3-صوت الموتور التويوتا اهدا و انعم من الفلوانس سواء داخل الصاللون او خارجه مش معنى كده ان جوه التويوتا غرفه معزوله ولا ان والفلوانس لادا في صوت الموتور جوه الصالون هي كلها فروق بسيطه
4-صوت عزل الهواء على السرعات الفلوانس افضل
5-الوسع الداخلي التويوتا اوسع بحاجه بسيطه جدا
6-سعر مقابل اوبشنز الفلوانس
7-فبر الابواب في التويوتا افضل وأنشف في الفلوانس طري شويه كان مفروض يكون انشف عشان يقاوم الخدوش يعني و انت قاعد في الفلوانس ورجلك خبطت جامد في الباب او حاكيت حكه جمده ممكن تسيب علامه فيه عايزه حظر يعني شويه
8-التكييف الاثنين نفس الاداء بس التويوتا مروحته اقوه يعني درجه المروحه 3.5 في الفلوانس تساوي 3 في الكورولا لاكن الاثنين ادأهم ممتاز
9-العفشه في الفلوانس انعم بكتير من التويوتا والقعده على الكنبه مريحه جدا ومفيش هبد في ظهرك
10-الكاسيت في الفلوانس صوته انقى بس في اتويوتا البيز اقوى واعمق
11-خامات التابلوه في الفلوانس افضل واقيم
12- اخترت الفلوانس عشان 3 حاجات الثبات و الاوبشنز و نعومه العفشه ممكن انت تختار التويوتا لاسباب تانيه غير اسبابي زي سعر اعاده الببع او انك بتحب التسارع العالي او ان بتحب الياباني كلها اراء محترمه واسف على الاطاله

نشكرك جداً أستاذ عمرو....و فعلاً أقيم رأى تاخده من حد ساق و جرب العربيتين
مفيش عربية حلوة فى المطلق زى ما حضرتك أشرت
كل أنسان له إحتياجات بتختلف عن التانى و ده اللى بيخلى فيه مميزات فى عربية بتشده عن التانية
الكورولا فيها مميزات زى إعادة البيع و الأعتمادية العالية
الفلوانس أنعم كعفشة و سعر شراء أفضل بكماليات أعلى و عربية أعلى عن الأرض
العربيتين قريبيين قوى من بعض و أفضل إختيار لسنة 2015 فى هذه الفئة السعرية و أختيار أى واحدة منهم هيكون ممتاز
باقى بعد النقط دى اللى عايز يشترى يشوف أيه بيناسب أسلوب قيادته و حياته و يتوكل على الله العربيتين ممتازين
النقط اللى حضرتها ذكرتها مظبوطة بالتمام و بتدل أن حضرتك ركيب و ليك إحساس ممتاز بالعربية اللى تحت رجلك

تحياتى

الموضوع: استبيان رينو ام تويوتا

LinkBack

أدوات الموضوع

عرض

-

-

-

-

المواضيع المتشابهه

رينو فلوانس 2010 ولا تويوتا mmt 2009

تويوتا ياريس ولا رينو فلوانس ؟ مين احسن؟

رينو فيلونس ولا تويوتا كرولا ولا ماذدا 3

مقابلة تويوتا و رينو معا أن شاء الله

تويوتا كرولا & رينو ميجان

الكلمات الدلالية لهذا الموضوع

المفضلات

المفضلات

ضوابط المشاركة