صوت موتور ميجان 2007 بيعلى زى موتور الديزل على السلانسية

**Haytham Ahmed** · 22-05-2015 03:39 AM

السلام عليكم يا شباب
انا لسة شارى ميجان 2007 اوتوماتيك من شهر والعربية حالتها كويسة الحمد للة بس وانا باشتريها كان صوت الموتور عالى شوية ولما اتحطط على الجهاز الصوت راح وماطلعش حاجة بس الميكانيكى قال دة ترس ديفيزر.... بعد كدة الصوت رجع تانى سواء العربية باردة او سخنة وبدأ يبقى زى صوت مواتير الديزل لما العربية بتكون واقفه او على السلانسية مع رجة بسيطة بتزيد لما اشغل التكييف .بس مع السرعات مش بحس بيها والسحب كويس واستهلاك البنزين 9.3/100 الحمد للة.

الصوت قريب من الفيديو دة بس اهدى من كدة شويه
https://www.youtube.com/watch?v=36qS1dotWWM

لو حد عندة اى افادة دة ترس ديفيزر ولا كويلات ولا عامود كامة وهيحتاج وش سلندر ؟؟؟

وفى حاجة تانية خاصة بالنقلات ... لما اقرص على العربية واحاول اجيب الرابع واشيل رجلى من على البنزين قبل ما النقلة تكمل الrpm بيثبت لمدة ثانيتين على 3 وبعد كدة ينزل ببطىء.... بس لما امشى عادى النقلة بتبقى مرتاحة والفتيس بيبقى كويس جدا

لو حد عندة تفسير ياريت يفيدنا.

**Haytham Ahmed** · 22-05-2015 04:44 PM

يا جماعه محدش عندة اى تفسير ؟؟؟ ... طيب عايز ميكانيكى كويس ويكون فاهم اشوف عندة المشكلة دى .

**Haytham Ahmed** · 23-05-2015 10:37 AM

ناس كتير قالتلى المنتدى هايساعدك بس يظهر ان محدش مهتم !!!

**airfox** · 24-05-2015 11:24 AM

في طارق في الهرم ممكن تروحله هو ميكانيكي شاطر و فاهم كويس و ناس كتيره بتتعامل معاه هو قريب جدا من نزله الدائري بتاعت المريوطيه كلمه وهو هيفيدك ان شاء الله
01006241474
01284256862

**Haytham Ahmed** · 24-05-2015 04:11 PM

الف شكر يا باشا انت الوحيد اللى عبرنى فى المنتدى... انا خلاص حجزت فى التوكيل وان شاء اللة هاروح بكرة اشوف اية الموضوع.

**ahmed9adel** · 25-05-2015 12:59 PM

أنا عندى نفس مشكلة صوت الديزل على السلانسيه ده فى عربيتى ميجان 2007 برضه و قريت فى كذا حتة إن ده ترس الديفيزر و الكل بينصح إنك تجيبه جديد مش إستيراد. و كمان من علامات ترس الديفيزر إن الصبح و إنت بتدور بتسمع زى صوت تكسير من ناحية اليمين فى الموتور بيستمر ثانيتين و بيختفى. أنا إن شاء الله هغيره لما أفضى عند عادل اللى فى صقر قريش. أنا أعرف إن الترس تمنه جديد فى حدود 1300 جنيه من غير السيل و من غير المصنعية. و فى ناس كتير بتنصح إنك تغير معاه سير الكاتينة بالمرة لو معاده قرب.

**تامر.محمد** · 31-05-2015 10:32 AM

مبدئيا تغير ترس الديفيزور عشان الدنيا ما تعكش معاك في حاجة تاني بسببه

لما بيبدأ يبوظ بيعمل معاك صوت تكسير لما تبقى بتدور الصبح , و لما يموت خالص بيبقى عامل الصوت على طول

طبعا احتمالات الصوت اللي بتقول عليه كتير بس مبدئيا اعمل اللي تعرفه الأول