بروتون بيرسونا vs سانديرو ستيب واي

**أبو آسر** · 23-05-2015 12:57 AM

السلام عليكم
محتار بين بروتون بيرسونا اوتوماتيك كاملة ورينو سانديرو ستيب واي اوتوماتيك كاملة
مع العلم ان معايا لوجان ٢٠١٣ اوتوماتيك وموتورها تاعبني لانه بيبقى في خنقة احيانا عند الطلعات والفتيس تجميعه بطيء برده عند الطلعات وانا سواقتي رياضية سريعة فخايف اجيب الستيب واي ويكون نفس الموتور بنفس المشاكل بس عاجبني اوي الكماليات اللي فيها ومش موجودة في البيرسونا زي التاتش سكرين والجي بي اس والبلوتوث وشكلها الكروس اوفر وارتفاعها عن الارض
تنصحوني بايه

**ENG.MaRk** · 23-05-2015 08:37 AM

سانديرو ستيب واي كمالياتها ممتازة و سحبها معقول و البيرسونا شبابي و تنفع في الشد و الحرق بس هل سواقة حضرتك دائماً جري ولا أحياناً بتبقي عايز تجري و أحياناً لا ؟!
لو الإجابة "دائماً" يبقي خليك في البيرسونا و لو "أحياناً" يبقي خليك في السانديرو

**hanyyacot** · 23-05-2015 08:49 AM

البيرسونا سحبها ممتاز وكمان ثبات هايل وده فرق رئيسى بينها وبين الستيب واى , شوف ثبات اللوجان معاك عامل ازاى وهتلاقيه هو ثبات الستيب واى ان لم يكن اقل عشان عالية , ولو على الشاشة والبلوتوث والحاجات دى انت مكن تجيبلك كاسيت دبل دين فىه كل الكلام ده وخلاص

**أبو آسر** · 23-05-2015 07:52 PM

المشاركة الأصلية كتبت بواسطة eng f3lix

ازاي ياباشا اللوجان الاوتو مش حلوة؟؟

العربية طلعتها خفيفة اوي واسرع من الجين2 او البرسونا والسحب كويس جداً جايز في مشكلة عند حضرتك بس هيا كاسحب في الاول كويس جداً

بالعكس سحبها وحش جدا وطلعتها بطيئة وبعد بكرة ان شاء الله عندي صيانة ال30 ألف هحاول أشوف الموضوع ده هل هو عيب فردي عندي ولا هي كلها كده

المشاركة الأصلية كتبت بواسطة eng.mark

سانديرو ستيب واي كمالياتها ممتازة و سحبها معقول و البيرسونا شبابي و تنفع في الشد و الحرق بس هل سواقة حضرتك دائماً جري ولا أحياناً بتبقي عايز تجري و أحياناً لا ؟!
لو الإجابة "دائماً" يبقي خليك في البيرسونا و لو "أحياناً" يبقي خليك في السانديرو

بجري دايما طول ما الطريق مفتوح ومعظم مشاويري في طرق مفتوحة وأحيانا بمشي على 150 - 160 على طريق زي طريق السويس مثلا بس المشكلة مش في السرعات العالية بالعكس العربية كويسة مع السرعات العالية المشكلة عند الطلعات بعد المطبات مثلا أو في الزحمة بتبقى عاملة زي البطة البلدي

المشاركة الأصلية كتبت بواسطة hanyyacot

البيرسونا سحبها ممتاز وكمان ثبات هايل وده فرق رئيسى بينها وبين الستيب واى , شوف ثبات اللوجان معاك عامل ازاى وهتلاقيه هو ثبات الستيب واى ان لم يكن اقل عشان عالية , ولو على الشاشة والبلوتوث والحاجات دى انت مكن تجيبلك كاسيت دبل دين فىه كل الكلام ده وخلاص

اللوجان العادية ثباتها كويس جدا بالرغم من ارتفاعها عن الأرض لكن معرفش ظروف الستيب واي ايه
وكلامك صح بخصوص الكماليات أنا فكرت فعلا أبقى أجيب شاشة تاتش وكاركيت أنا أهم عندي دلوقتي الموتور والسحب

**أبو آسر** · 23-05-2015 07:56 PM

في مشكلة كمان في الستيب واي أنا سمعت إنها مش متوفرة غير بأوفر برايس بيصل إلى 12 ألف جنيه أو انتظار 4 - 7 شهور !!! وده كله أوفر أوي بصراحة
فياترى أخبار البرسونا ايه في التوكيل هستلم فوري ولا هنتظر برده أو أوفر برايس وشغل النصب ده ؟

**أبو آسر** · 23-05-2015 08:02 PM

المشاركة الأصلية كتبت بواسطة eng f3lix

غريبة جداً ياباشا موضوع السحب ده

الموتور ده حلو عالميجان مابالك باللوجان الاخف وزن ...

الموتور أساسا من 2006 يعني تكنولوجيا قديمة فمش عارف إيه حبهم فيه يفضلوا يجددوه في اللوجان والستيب واي حتى مع نزول الشكل الجديد ؟!
عموما هروح التوكيل وأقولهم على الموضوع ده ممكن يكون في حاجة هي اللي عاملة المشكلة دي

الموضوع: بروتون بيرسونا vs سانديرو ستيب واي

LinkBack

أدوات الموضوع

عرض

بروتون بيرسونا vs سانديرو ستيب واي - انشر الموضوع فى :

-

-

-

المواضيع المتشابهه

سانديرو ستيب واي 2015 vs بروتون جين 2

رينو سانديرو و سانديرو ستيب واى 2015 اوتوماتيك

سانديرو ستيب واى بالتفصيل

سانديرو ستيب واى

سانديرو ستيب واى ولا .................

الكلمات الدلالية لهذا الموضوع

المفضلات

المفضلات

ضوابط المشاركة