علامة استفهام كبيرة عن مؤشر السخان الكهربا

**الفجر** · 23-05-2015 08:21 PM

عندى استفسار غريب ممكن حد يوضحة لية

مؤشر سخان الكهرباء وصل الى قمة ....... تمام؟؟ جربت اعمل حاجة غريبة بعد ما المؤشر وصل الى قمة سخونة روحت قافل المحبس المياة الباردة اللى بيغذى السخان وبعدين حاولت اشغل حنفية المياة السخنة لاقيت المياة السخنة وقف تماما !!!

رجعت فتتحت محبس المياة الباردة اللى تغذى السخان الكهرباء راحت المياة سخنة نزلت ن الحنفية

طيب السوال هو مش مؤشر سخان الكهربا يدل على ان االمياة الباردة الى مخزنة من قبل جوة حلة سخان الكهربا وصلت الى حرارة عالية وان السخان مليان مياة ساخنة حتى لو قفلت المياة الباردة اللى بتغذى السخان ولا انا فاهم العملية غلط

ياريت حد يفهم قصدى من سوال ويجاوبنى ؟

**mk3** · 23-05-2015 09:33 PM

طبيعى تفغل متلاقيش

**بحار** · 23-05-2015 09:37 PM

اكيد الميه السخنه قاطعه عمومى من المنطقه !!!!!!!!!!!

**ahmed_eng2001** · 23-05-2015 10:24 PM

ده طبيعى علشان المياه الباردة الى بتدخل هى الى بتدفع المياه الساخنة للخروج

لو حضرتك قفلت محبس المياه الباردة ... المياه الساخنة حتعمل فاكيوم و مش حترضى تنزل من السخان

المياه المخزنة بالداخل ساخنة بالفعل ... بس مفيش امدادات مياه للخزان ده .. و هو مقفول ... فالطبيعى ان المياه الساخنة متنزلش

**مُصْطٓفٓى** · 23-05-2015 11:11 PM

لازم عشان المياه الساخنة تنزل تستبدلها بمياه اخرى او بالهواء

**dedi** · 24-05-2015 01:06 AM

دة طبيعى حضرتك فى السخان الكهربائى ولكن فى السخانات الشمسية العكس تماما بمعنى انة الخزان ملئ بالمياة الساخنة وهى تنزل حتى لو مافيش مياة باردة

**د.محمود صلاح** · 24-05-2015 02:26 AM

اظبط حرارة الماء بالتيرموستات اللي في السخان عشان مايسخنش المياه لدرجة مالهاش استخدام عندك

**طارق _عبد السلام** · 24-05-2015 02:44 AM

طبيعى جدا اعتبر خرطوم المياه البارده وخرطوم المياه الساخنه كأنهم خرطوم واحد وبينهم تانك السخان كأنه جزء من الخرطوم ... لو حضرتك جبت خرطوم وملئته بالمياه وقمت بسد طرف منه باصبعك وتركت الطرف الاخر الخرطوم سيظل محتفظ بالماء داخله ولو فتحت الطرف المسدود باصبعك سيفرغ الخرطوم من المياه

الموضوع طبيعى