السلام عليكم
الأخوة المقلقين
أولا ليكم حق تقلقوا بس بدون تهويل

أي توكيل لازم يعمل PDA
مش عز العرب بس
طيب بيعمل فحص لأيه
بيحط العربية على كمبيوتر لفحصه حالة المحرك و الكهرباء و فحص اللمبات في السيارة و دي تبقى الفحص الإلكتروني و دي مش محاتجة عباقرة علشان يعملوها

و التوكيل فيه مهندسين يقدروا يقرأوا المشاكل اللي بتظهر على شاشة الكمبيوتر

و بيعملوا فحص تاني على عفشة و يربطوها إذا كانت محتاجة تربيط أو ما شابه

و فحص داخلي سريع حتى يتم إكتشاف أي أخطاء في الداخل
و بأكد يا جماعة

مفيش توكيل في الدنيا بيبيع العربية من الميناء على المشتري على طول
لازم العربية يتعملها فحص لو كانت أيه !!! مرسيدس حتى

العربية ممكن تخرج من المصنع و تقعد شهور لغاية ما توصل للوكيل في البلد المحلي
لذلك وجب الفحص
و ده لتأكيد أن موضوع الفحص انه مش مرتبط بعز العرب أو بروتون.... لاءة دي أي ماركة كدا

طبعا أنا مع الأستاذ مينا أنه زعلان علشان حاجز من فترة و لسة ما أستلمش
بس أنا شايف أن تأخير الإستلام أفضل من استلام حاجة فيها مشكلة ... و لا أيه ؟؟

حاجة تانية أحب أقولها

عيوب الجين 2 بتنحصر في عيوب التقفيل البسيطة زي زرار معلق أو سلك فالت و كلام من ده

مفيش عيوب يا جماعة في العفشة و لا المحرك و لا الميكانيكا بتاعة العربية
و اللي ظهر معاه صوت طقطقة ( الأستاذ ابن حميدو ) ده ممكن يكون ناتج عن احتياج العفشة للتربيط أو حاجة بسيطة إن شاء الله

أرجوا بس ان الأخوة ميهولوش المشاكل البسيطة اللي بتظهر
يتكلموا عليها و يوقولواعليها و كل حاجة بس بدون تهويل علشان فيه ناس بتفتكر ان الحاجات دي فعلا كبيرة

بالنسبة للأستاذ ابن حميدو و الأستاذ ايهاب أحب اباركلهم على العربية و إن شاء الله تستمتعوا بيها و ربنا يباركلوكوا فيها إن شاء الله



بالمناسبة أنا مش بشتغل مع عز العرب ...... أنا زيي زيكم ...... بس بحب العربية جدا و بأنقل تجربتي للي عايز يشتري العربية و قلقان علشان العربية مش ياياني ( اليابان عملت سحر للناس ) نيههههههههههه