وبعدين معاك يا عز وحواراتك الي مابتخلصش
يا جماعة انا لسا راجع من فرع السابع احب اوضح بس حاجة الاول انا اول واحد حاجز هناك قبل ابن حميدو و استاذ ايهاب و لكن هما استلموا وانا لسا طبعا كنت متضايق جدا وكنت رايح اشتم بصراحة وعامل حسابي علي الاستلام ولكن اشكر الله اني ماستلمتش عربية من الاثنين دول و وواضح اني محدش هايستلم تاني قبل اسبوع للاسباب الاتية
اول مادخلت التوكيل قالولي مافيش جين2 2009 خالص في الفرع وللاسف ا.وجدي مكانش موجود فماعرفتش في ايه ولقيت الفرع مقلوب كده وكل مايجي حد يسال يقولوا مفيش جين2 ,,,شوية وجالي واحد اسمه هاني و قالي انت حاجز مع مين قلتله استاذ وجدي قالي ده العربيات مش جاية قبل الاسبوع الي جاي قالي معرفش في ايه المهم قلتله معلش اتصرف وهاتلي ا.وجدي فكلمهولي وكان الحوار كالاتي
.ايه يا استاذ وجدي الموضوع انا جاي عامل حسابي استلم
.قال لا ده مفيش عربيات جت
قلتله نعم ازاي يعني (طبعا كان نفس اشتمه اوي في اللحظة دي) ده في 4 عربيات اتسلموا انبارح(بصيع طبعا انا عارف انهم 2*
قال لا ده هي واحدة مانيوال وواحدة اتوماتيك وللاسف
قلتله للاسف ايه قالي انت اكيد عرفت ان العربيتين جت فيهم مشاكل كتير قوي
(طبعا واضح انهم كانوا عارفين عيوبها وحبوا يتخلصوا منها لاول حد يجي وحتة ان انا اكيد عرفت واضح انه فاهم ان الناس دي كتبت علي النت موضوع العيوب وخلاهم يقلقوا اكتر )
قلتله كلامك ده مش مريحني يعني ايه
قالي بصراحة هاقولك علي حوار كده بس متقولش لصاحب التليفون عليه الي هو هاني
قلتله قول هو في مشاكل ولا ايه
قالي لا اصل الناس الي حجزت معايا رجعت كل عربياتها التوكيل تاني في حاجة عندهم اسمها الpdi (طبعا ان مش عارف يعني ايه بس فهمت انها حاجة تبع الجودة) قالي كل العريبات هايتعملها كشف والي مش مظبوط مش هاخده ولو في حاجة خفيفة تتعمل بالمرة
قلتله يعني هي دي نقطة كويسة بس كده هاستلم امتي
قالي علي اخر الاسبوع الي جاي
قلتله طيب و شكرا جدا وسلام
بصراحة بعد حوار العيوب ده انا ابتديت اقلق جدا مش عارف اكمل و اشتري ولا ايه وياريت ابن حميدو واستاذ ايهاب يكشفوا علي العربية كاملة في مركز صيانة ولا حاجة ولو فيها حاجة ترجع اصل مش فلوس بتترمي في الارض يعني
------------------[ Pdi ]---------------
اقتباس:
قالي لا اصل الناس الي حجزت معايا رجعت كل عربياتها التوكيل تاني في حاجة عندهم اسمها الpdi (طبعا ان مش عارف يعني ايه بس فهمت انها حاجة تبع الجودة) قالي كل العريبات هايتعملها كشف والي مش مظبوط مش هاخده ولو في حاجة خفيفة تتعمل بالمرة
PDI دي معناها Pre Delivery Inspection.
يعني أن يقوم التوكيل بإصلاح الأشياء التي لم ينجزها المصنع بشكل سليم.:ANSmile23:
الطبيعي إن الخبر دا يكون خبر حلو لكن كلنا عارفين إن ورشة الصيانة في عز العرب لا تملك من الامكانيات و الأجهزة ما يمكنها من هذا بشكل سليم و ربنا يستر على العربيات إللي هاتتطلع من تحت إيدين الصنايعية هناك :funny34d:
محدش عندة فكرة إزاي نوصل إستيائنا للمسئولين في التوكيل التحفة دا إما يفوق أو مش هانشتري.