الموضوع: مشكلة مع فيات بترا 2003 مدوخاني

الأعضاء الكرام:

أنا معايا فيات بترا مودبل 2003، العربية مدوخاني حرفيا
المشكلة:

العربية لما تمشي شوية، أجى في الزحمة أو علي المطبات لما بدوس دبرياش العربية بتوطي جامد وأجي أدوس بنزين العربية ما تستجيبش وتروح مبطلة خالص.
يعني في الزحمة لازم الدور العربية مع كل توقف، أو بعد كل مطب.
أما علي السرعة العالية لو الطريق مفتوح المشكلة دي ما بتبقاش موجودة، لكن بيكون فيه تنتيش خفيف.

طبعا مع المشكلة دى استهلاك العربية في البنزين عالي بشكل غير طبيعي حريقة بنزين!!!!

أنا غيرت بوابة بنزين وحساس الهواء ومافيش فايدة .. مش عارف أعمل ايه أو أروح لمين يظبطلي العربية.

شكرا مقدما علي المساعدة