العربية بتسخن لما امشي بالراحة (اكسنت ار بي 2012)

**Abo_Mazen** · 26-05-2015 09:29 AM

المشاركة الأصلية كتبت بواسطة zeeka

انا هحاول احط مية تاني عشان اشوف التسريب منين بس سؤال ممكن يكون غبي شوية هو انا ممكن احط مية عادية بس لغرض اشوف التسريب جاي منين

بالعكس ..ده حضرتك لازم تحط مياه ملونة عشان تعرف التسريب جاي منين ..المياه الملونة وخصوصا الخضراء لما بتسرب هيبان مكان تسريبها ..إبقى إتأكد من ثرموستات الكوع بالمره

**amagroup** · 26-05-2015 11:36 AM

خد نصحتي عربيتك جديدة متبخلش عاليها حتي لو خلصت اكثر من جركن مياة خضراء عشان تحدد العيب فين

**MOHAMED BAUOMY** · 26-05-2015 11:47 AM

المياة مش مشكلة قد ما تعرف التسريب منين وممكن يكون من الفبرة ال فيها غطا الردادير بيكون فيها فى الجنب شرخ وانت مش واخد بالك منة بس المهم العربية لما بتسخن منك اكيد بتحس بالحركة انها تقيلة بالذات فى السحب فمن الاحسن انك تروح لورشة ريداتير وتحلة خالص وتجربة برة وبيعمل علىية الاختبارات الازمة ال حيطلعلك المشكلة فين ويا ريت متمسيش بالسيارة كدة علشان متجبش جوان ريح دماغك احسن

**SAMEH_FOUAD** · 26-05-2015 01:22 PM

راجع على طلمبة المياة , طالما العربية وهية ماشية بترفع حرارة , واول لما بتمشى بترجع تانى

ودية بتكون اعراض طلمبة مياة

نقص المياة بص من ناحيتها هل فية اثار تسريب مياة

**Hacker5** · 29-05-2015 09:11 AM

ألمشكلة دى حصلت معايا فى الالنترا و طلع ترموستات الكوعة كان قافش و ماكنش بيفتح
اكشف عليه و برضو اكشف على حساس الحرارة

**Abo_Mazen** · 29-05-2015 04:16 PM

المشاركة الأصلية كتبت بواسطة hacker5

ألمشكلة دى حصلت معايا فى الالنترا و طلع ترموستات الكوعة كان قافش و ماكنش بيفتح
اكشف عليه و برضو اكشف على حساس الحرارة

أنا قلت والله ثرموستات كوع ..بس هو برضه يدي الريداتير غسله

**tasaka** · 29-05-2015 04:43 PM

كأختبار سريع .. و العربيه بارده الصبح

يمسك الخرطوم الكاوتش قبل ثرموستات الكوع مباشره .. المفروض يكون بارد و الموتور بارد طبعا

مع الوقت الموتور حيسخن .. و المفروض يفتح ثرموستات الكوع .. يعنى نفس الخرطوم اللى كان بارد المفروض انه يسخن شويه .. كده تتأكد ان الثرموستات بيفتح ( لكن طبعا موش ضمان لان الثرموستات بيفتح فتح كامل على الاخر.. انما اختبار سريع يبين لو كان الثرموستات قافش مقفول 100% )