الشبكه الامامية للتويوتا كورولا طوست بعد شهرين استخدام

**icucono** · 27-05-2015 06:04 PM

هو ايه اللي عوامل جويه، هو حضرتك شاري توكتوك
ده بيمشيك من قدامه بس
يعني لو البويه لونها غير من الشمس بعد شهرين هايقولك عوامل جويه
وبعدين هي العوامل الجويه ديه عليك انت بس، ولا علي كل العربيات
ماهو يا اما حضرتك ماشي في الشمس ليل نهار او ممكن الناس التانيين مركبين شمسيه للشبكة عندهم
اللي قالك كده في الصيانه الزقه علي قفاه كف وقوله ده عيب صناعه، المفروض تتحمل الشمس طول مدة ضمان العربيه
والشركه لازم تعمل عربيه مطابقه لمواصفات الجو، حتى لو درجة الحراره تسعين يبقا يعملوها تستحمل التسعين

**samirz** · 27-05-2015 11:47 PM

الصورة مش باينة بس لو زي ما انا متصور ان في تجريح أو نقرات في الشبكة فده ممكن يكون بسبب القيادة السريعة في منطقة رملية زي طريق صحراوي مثلاً

**trzan** · 28-05-2015 03:47 AM

باشا لقيت حل لمشكلة الشبكه علشان انا عندى نفس المشكله

**JapRuleZ** · 28-05-2015 04:02 AM

انا شايف ان ده سببه زلط صغير و حبات رمله على طريق سريع زى التريلات الللى بتسقط رمل على العربيات فى الصحراوى
و الدائرى

**wwaeel** · 28-05-2015 10:54 AM

ده اسمه ان النيكل طوس بسبب عوامل الجو والي اعرفه انه بيتلمع عادي وبيرجع يلمع تاني بس مش فاكر الصراحه هما كانو بلمعوه بي ايه في التوكيل هما كانو بيدعكوه ببودره كده بتلمعه وترجعه جديد بس مش عارف ايه البودره دي

**smsm_cato** · 28-05-2015 12:20 PM

يا جماعة انا شوفت الفيديو ده من فترة فى توكيلات فى الامارات واكيد غيرها بيتغير كل حاجة فى العربية بقطع صينى
https://www.youtube.com/watch?v=TRnc...e_gdata_player

**Hany Saad** · 28-05-2015 02:12 PM

للتوضيح يا جماعة.....
الشبكة دى خامتها فبر و واخدة قشرة نيكل.....يعنى مش معدن متنكل فنقدر نلمعه...لأ الشبكة بلاستيك أو فبر وواخدة طلاء نيكل....إذاً التلميع بأى ملمع نيكل مهما كان نوعه سوف يؤذى الطلاء أكثر و ممكن يزيل أجزاء منه
الحل فى الإستبدال بواحدة جديدة أو فكها و إعادة طلاءها إن أمكن

تحياتى

**asdy97** · 29-05-2015 12:38 AM

السلام عليكم
البوية بتاعت العربية متاترتش و كمان لوحه الأرقام
انا روحت التوكيل و قالولي انها مش مشموله في الضمان علشان دي عوامل جوية و انا جاي هنا اسال هل دي ممكن تتصلح ولا الازم تتبدل لان العربية مكملتش 5000 كم فصعبان عليا اشتري عربية جديدة و يحصل فيها كدة انا معايا سكودا اوكتافيا 2008 لو شوفت الشبكه بتاعتها كنها لسة خارجه من الوكاله امبارح