محتارة بين نيسان صنى وبيجو301 2015

**scientist9508** · 27-05-2015 11:18 PM

أعلم أن إجابتى خارج الموضوع ولكن ربما تفيدك . . . . فكرى فى البروتون بيرسونا و السوزوكى سياز

**ابو هنا** · 27-05-2015 11:22 PM

المشاركة الأصلية كتبت بواسطة hugan

لو المقارنه بين بيجو وصني
الصني افضل

غيرت رايك ليه . من سنه ونص قلتلي غير كده

**hugan** · 27-05-2015 11:39 PM

المشاركة الأصلية كتبت بواسطة ابو هنا

غيرت رايك ليه . من سنه ونص قلتلي غير كده

والله ياباشا بعد اللي اتعرض عنها ومشاكلها المميته وانتشارها الضعيف
تخلي اي حد يغيررائيه فيها
اﻻنتشار الكاسح والرهيب للصني مع مشاكل بسيطه ترفع قيمتها بقوه
حتي الفيس ليفت للصني باع بكميه كبيرةفي فتره بسيطه
اثنين من اقاربي وصديق اشتروا صني 2015
بيشكرو فيها جدا وتقريبا مفيش منها اي شكوي الا الصاج الضعيف وانها خفيفه شويه

**hugan** · 28-05-2015 12:25 AM

المشاركة الأصلية كتبت بواسطة ابو هنا

حضرتك من الناس الي انا باعجب باراءهم . بسبب موضوعيتك
حتى في نقضدك جميل .

ربنا يكرمك اخي الكريم
كله من ذو قك

**Eng. Amer** · 28-05-2015 02:32 PM

انا اشريت الصنى 2015 للشركة لقيتها ضيقة وشكلها مش حلو خالص ومن جوا سيئة جداً وبعد مارخصتها بإسبوع قررت ابيعها وكانت عاملة 2500 كم. وخسرت فيها 8000 جنيه وقولت احسن ماتدبس فيها واخسر اكتر من كدة وجبت البيجو 301 بعدها بيومين وبصراحة فرق شاسع فى الشكل واتساع السيارة والتقفيل والخامات المستخدمة والشنطة واسعة جداً بشكل غريب فعلاً، السيارة كلها اسبانى وثابتة على الطريق، من الاخر البيجو افضل بمراحل وبالتوفيق.

**tasaka** · 28-05-2015 02:54 PM

وأعتقد إن السياز لازم تدخل في المقارنة وبقوه كمان

السياز هندى .. و موتور 1400 .. و ب 124 الف جنيه

موش عارف ايه سبب الاقبال عليها اصلا ؟؟

**pioneer** · 28-05-2015 03:14 PM

المشاركة الأصلية كتبت بواسطة tasaka

السياز هندى .. و موتور 1400 .. و ب 124 الف جنيه

موش عارف ايه سبب الاقبال عليها اصلا ؟؟

لانها عربية جميلة سحبها ممتاز ولو كنت راكب عربية 1600 قبلها مش هيتحس بفرق يذكر بين الأتنين
وموفرة جدا في البنزين
والتكيف بتعها ممتاز لا يؤثر على السحب
ثباتها رائع على السرعات لغاية 140 وفي الملفات وفي ناس قفلت عداد السرعة 200 وكانت ممتازة معاهم
ومسألة أنها صناعة هندي فهي مكوناتها ياباني وحتى لو كانت هندي طيب ما البروتون ماليزي وأثبتت وجودها
بس السياز أوسع من الجين 2 والبيرسونا وعفشتها أنعم ومريحة جدا دا غير الرفاهيات اللي فيها
أنصحك تركبها وتجربها علشان تحكم بنفسك

**Abo_Mazen** · 28-05-2015 03:33 PM

المشاركة الأصلية كتبت بواسطة pioneer

لانها عربية جميلة سحبها ممتاز ولو كنت راكب عربية 1600 قبلها مش هيتحس بفرق يذكر بين الأتنين
وموفرة جدا في البنزين
والتكيف بتعها ممتاز لا يؤثر على السحب
ثباتها رائع على السرعات لغاية 140 وفي الملفات وفي ناس قفلت عداد السرعة 200 وكانت ممتازة معاهم
ومسألة أنها صناعة هندي فهي مكوناتها ياباني وحتى لو كانت هندي طيب ما البروتون ماليزي وأثبتت وجودها
بس السياز أوسع من الجين 2 والبيرسونا وعفشتها أنعم ومريحة جدا دا غير الرفاهيات اللي فيها
أنصحك تركبها وتجربها علشان تحكم بنفسك

وهي العربيات الهندي ملهاش تاريخ سيئ عندنا في مصر عشان ناخد موقف منها ..وبعدين بقى بصراحه ..وبعد إرتفاع أسعار البنزين اللي حصلت واللي لسه هتحصل ..حكاية توفير الوقود دي بقت بند مهم جدا جدا جدا ..أنا شايف أصلا إن حكاية السعات اللترية العالية دي بقت موضه قديمة ومطلب لا يتناسب سواء مع ظروف البلد أو مع التقنيات الحديثه المستخدمه في صناعة السيارات ..وخصوصا بعد وجود نظام التربو تشارجر ..دي شركة سوزوكي منزلة عربية التو 600 سي سي ..بالتربو تشارجر بتاعها تديك عزم سيارة 1000 سي سي أو 1200 تقريبا .....مع إحترامي لأراء الآخرين ..حكاية إن العربية دي تلاتة سلندر إخييييه ..العربية دي 1200 سي سي ..إخيييه ..متشتريش عربيه تلاتة سلندر متشتريش عربية 1200 سي سي...المكنة بتاعة العربية المونيوم ..يبقى ضعيفة ..بلاش منها ..مش هتستحمل معاك ....متهيألي الكلام ده كلام مصري قديم ومبقاش ينفع دلوقتي

-

الموضوع: محتارة بين نيسان صنى وبيجو301 2015

LinkBack

أدوات الموضوع

عرض

-

-

-

-

المواضيع المتشابهه

سؤال كتاوت و سؤال gti لبولو 2001

سؤال بالنسبه للضمان بتاع البروتون وكمان سؤال فنى

سؤال الى المهندس طارق -مصراوى ::سؤال فنى فى المارش بتاع الشكل القديم 2006

سؤال لأهل الخبرة: سؤال لشراء نيسان صني

سؤال صعب -جاوب علية وضع سؤال اخر بدلا منة !!!!!!

الكلمات الدلالية لهذا الموضوع

المفضلات

المفضلات

ضوابط المشاركة