عربيه ب 175 الف

**scientist9508** · 27-05-2015 11:04 PM

بشكل شخصى . . . إن كان معى ثمن السوبارو إمبريزا لن أفكر فى غيرها

**dmmmm** · 28-05-2015 06:13 AM

طيب هي شكلها هتتغير قريب ؟

**meka1990** · 28-05-2015 06:30 PM

الميجان بلاي او السيات ليون او النيسان جوك اعتقد اقرب حاجه للي انت عايزوا بس خلي بالك كل واحده فيها مميزات و عيوب و الميجان افضلهم و ارخصهم السيات فيها كل حاجه بمعني الكلمه بس في مشكله في الفتيس ناس بتقول انها اتحلت ناس تقول متحلتش فا متدخلش نفسك في مغامرات و الجوك و الميجان عيبهم بس انهم عددهم قليل في السوق بس الميجان بتعوض ده في انها ميكانيكا و عفشه زي الفلوانس

**dmmmm** · 28-05-2015 06:57 PM

طيب بما أن حضرتك معاك الفلونس قولي مميزاتها و عيوبها

**tarek zedan** · 29-05-2015 06:14 AM

تويوتا كورولا تانى فءه ب ١٩٠ اقسملك هتدعيلى

**meka1990** · 29-05-2015 06:39 AM

مميزات الفلوانس و الميجان تبدا في السمارت كي ده لوحده موضو كبير اوي الناس مستقليه بيه ده غير العدادات الديجيتال و البلوتوث و التقفيل و الوسع من جوه و وحده الرفع لما تفضل دايس علي الزرار اللي في الباب من الاخر انت هتبقي كل يوم بتتفاجيء بتفاصيل جديده تحببك في العربيه و الليدات اللي قدام مشقلبه شكل العربيه و التكييف اللي ورا عامل شغل برضوا و المسند بتاع الابواب من جوه جلد و متبطن و الساوند سيستم خرافي و 8 سماعات تقريبا بيطلعوا اصوات مسمعتهاش قبل كده و بيبرزوا تفاصيل ممتازه ده غير الجنط ال17 في البلاي نيجي للميكانيكا العفشه مريحه بشكل ممتاز و العزل ممتاز بتعزلك عن كل اللي بيحصل بره اما بل نسبه للسحب انا شايفوا مناسب جدا العربيه بتجيب سرعات عاليه بس يمكن المشكله ان العربيه مش بتحسسك بده مش بتحس انها بتنط في الاول زي الكوري بس دي حاجه متقللش منها و الفرامل طبعا ممتازه و بتكلبش في الارض بشكل قوي جدا من الاخر عربيه ممتازه نيجي للعيوب انا مش شايفلها عيوب كتير بصراحه هي بتاكل بنزين و قطع الغيار موجوده بس يمكن اسعارها غاليه شويه و الفلوانس مش شبابي لكن البلاي حلت المشكله دي حاول تحجز تست درايف و تشوف موضوع السحب ده بنفسك عشان الموضوع في النهايه موضوع نسبي و خش شوف قسم رينو في المنتدي اكيد هتلاقي معلومات اكتر

**dmmmm** · 29-05-2015 09:17 AM

نقطة و من أول السطر
كورولا ولا ميجان ولا امبريزا =d

**memo823000** · 29-05-2015 10:11 AM

كورولا

**dmmmm** · 29-05-2015 10:21 AM

تمام
بارك الله فيكم يا شباب على مجهودك في مساعدتي

**MazenSamyZayed** · 31-05-2015 09:14 PM

المشاركة الأصلية كتبت بواسطة ENG.MaRk

مش عايز أزود حيرتك بس مادام انت عايزها شبابي يبقي ميجان بلاي أو سيتروين c4 ... الكورولا سحبها ممتاز و كثبات لا غبار عليها بس الفتيس بتاعها cvt و ده بالنسبالك كشاب هتلاقيه ممل شوية إنما هي اعتمادية و أحسن عربية في فئتها و الامبريزا عربية جميلة جداً و شبابي و أكثرهم ثباتاً و لكن معدومة الانتشار ف لو انت ماعندكش نية إنك تغير أو تبيع قريب يبقي امبريزا و بالنسبة للشارك فهي عربية أقل منهم كلهم في الكماليات و ماتنساش تبص بصة سريعة علي السيفيك و الله يكون في عونك لأن الموضوع محير جداً ... بالتوفيق إن شاء الله :)

هزود حاجه بس علي حضرتك ان الميجان بلاي فتيس cvt بردو و هو ممل في الأول بس بعد كده مريح اكتر من العادي بصراحه