مشكلة قانونيه فى شركة الكهرباء
امتلكت شقة بموجب توكيل رسمي من صاحبها والتوكيل لا يلغي الا بحضور الطرفين
بعد سنتين من صدور التوكيل رحت اغير عداد الكهرباء باسمي لاقيت الرجل عامل وقف تعامل على العداد لانه باسمه ورافع دعوى قضائية لفسخ التعاقد
المفروض بقى اني معايا توكيل منه شخصيا وغير قابل للالغاء ز ازاي هو بمجرد انه يرفع دعوى يوقفلي الدنيا كده؟
لما رحت للشئون القانونيه قالولى مش هنعمل حاجه بخصوص العداد الا بعد صدور حكم الدرجه الاولى وبعدها الاستئناف
الكلام دا قانوني؟ يخش العقل؟ يبقي معايا توكيل منه شخصيا وهو معهوش حاجه تثبت عكس التوكيل والكهربا يقولولي منقدرش نعمل حاجه؟
حد يعرف اعمل ايه؟
ملحوظه : هو مش عايز يحل الموضوع ودي لان الشقة تمنها اتضاعف فى السنتين دول هو عايز بس ياخد الشقة تاني
الشقة فى التجمع الخامس