جنط 17 و الطرق المصرية

**fox_ah1** · 28-05-2015 03:34 PM

السلام عليكم
أرجو الافادة ان أمكن ، أنا هستلم سيات توليدو ان شاءالله و كل خوفي منها هو مقاس الكاوتش 215/40/17
و بسمع كتيييير ان جنط 17 ليه مشاكله مع الطرق المصرية
هل تغيير المقاس ده ممكن ؟ و أنهي مقاسات مناسبة مع عدم التأثير علي العربية أو علي العفشة ؟
وحدود التكلفة كام ؟

**Samir_Adel** · 29-05-2015 12:28 AM

مشكلة المقاس دة ان الكاوتش بيكون "لوو بروفايل" فا مش بياخد و يدي في النقر او المطبات.. و بالتالي بيكون بلالين و مشاكل و لو فكرت تخلية علي 45 بدل 40، العربية شبة هتعوم.. انا من رايي تكون حذر جدا و تسيبها علي ربنا و يستحسن متلعبش في مقاس الفابريكة لراحة العفشة.

**a7med ezz 20** · 29-05-2015 03:06 AM

الموضوع كله ان العفشة هتبقي ناشفة شويه

**svneleven** · 29-05-2015 06:08 AM

حضرتك أهم حاجة نحافظ علي ضغط الكاوتش مظبوط زي ما مكتوب علي قايم العربية و بلاش تسمع للناس اللي بتقول 30 في الشتا و 28 في الصيف و لازم تكون حذر حبتين في المطبات و النقر الغبية. العربية هتكون ناشفة للاسف لكن هتحس بثبات خرافي. لو بردو عملت بلالين بشكل كتير يبقي لازم تغير المقاس بتاع الكاوتش. و مش قدامك غير 215/45 عشان تحس بفرق و طبعا هيأثر علي ثبات العربية لأنه هيعليها ييجي 10 مم ب حالهم يعني انت هتحس بفرق لكن مش كبير يعني اللي هتكسبه اكتر من اللي هتخسره.