اتبرع لبناء متحف!

**Hossam_Hassan** · 28-07-2007 10:35 AM

خبر نشرته جريدة الأخبار الصادرة يوم الأربعاء 18 يوليو 2007، ويتضمن الخبر: "دعا فاروق حسني وزير الثقافة المصريين إلى المبادرة بالتبرع لبناء المتحف المصري الكبير الذي سيكون مفخرة القرن الثقافية.. وفتح الوزير باب التبرع لكل مصري بجنيه كحد أدني وهو يعادل مصروف طفل في اليوم.. "

**محمد المشد** · 28-07-2007 10:57 AM

والله يا اخى العزيز حاجة فعلاً تنقط وتنرفز ! ما هذا التهريج اين رجال الاعمال الذين اختلطت السلطة بهم واصبحنا لا نعرف رجل الاعمال من المسئول ومن يصدر القرا ر ولصالح من ؟ اليس هؤلاء هم المسئولين ؟ ام الغلابة الذين لايجدون لقمة العيش من اطعام اطفالهم !
وياريتكم جميعا تتصفحوا جريدة الاهرام بالامس وتتمعنوا بمقال استاذنا فاروق جويدة لكى نعلم كيف نعيش الان ؟
فعلا اللى استحوا ماتوا والله

**ahmed1981** · 28-07-2007 11:09 AM

الحكومة تجمع الضرائب ثم الجمارك ثم الرسوم ثم تجمع حصيلة البترول ثم قناة السويس ثم بيع المصانع ثم بيع الأرض ثم .................... إلخ

وفي الآخر يشحتوا من الناس !!!!!!!!!!!!!!!!!!!!!!!!!؟؟؟؟؟؟؟؟؟؟؟؟� �؟؟؟؟؟؟؟؟؟؟؟؟؟؟؟؟؟

**aymanemo** · 28-07-2007 12:48 PM

which thing is better build a mousqe or a musume
besra7a haga zadet 3an 7akaa awiiiiii
weleky el 3on ya Masr

**hazem_khidr** · 28-07-2007 04:02 PM

ولا ادفع حتي ربع جنيه .
اتبرع ليه هيا البلد فقيره مثلا ولا حاجه.!!!كفايه اوي اللي بياخدوه مني كضرايب و رسوم نضافه و تراخيص و عوايد و ارف استغفر الله العظيم .

**Abdallah** · 28-07-2007 06:37 PM

الطفل دة بياخد الجنيه يجيب بيه حاجة تسعده يعنى شيبسى مصاصة وممكن عصير قصب , تفتكروا انا لو جيت اخدت الجنيه من ايد الطفل واديته تذكرة للمتحف دة هيبقا فرحان ولا هيرميه فى وشى ويقولى انا عايز القصب بتاعى ؟؟؟؟

قبل ما نفكر نبنى متحف ونبنى سينما نفكر ازاى نساعد الاف الشباب فى انهم يتجوزوا والاف الاطفال فى انهم ما يتشردوش والاف الموظفين فى انهم ميرتشوش و الخ ...الخ

**vooooo** · 28-07-2007 07:30 PM

طبعآ لأ
و مش موضوع ان الحكومه فقيره ولا لأ
بس المفروض دى حكومه واعيه و قبل مايبنوا المتحف الجديد لازم يبقى فيه دراسه جدوى و يعرفوا اتلمشروع هيتكلف كام و هيتعمل على كام سنه
ولا هم فوجؤابأن أسعار الحديد و الأسمنت بقت الضعف فقالوا يكموا من المواطنين الغلابه

طيب هاتوا آثارنا المسروقه فى دول اوروبا و امريكا و بعدين نتكلم فى موضوع المتحف ده
حاجه تكسف

**M_Abdallah** · 28-07-2007 07:43 PM

بدل الواحد ما يتبرع ليهم يطلع الفلوس لله احسن.

_____________________-
محمد عبدالله

**Hossam_Hassan** · 28-07-2007 07:51 PM

فاكرين أغنية حماده هلال فى فيلم العيال هربت؟

بتقول: أه ياما و أه يابا دى (........)

وفى الأخر بيقول : هاتوا الفلوس اللى عليكم.

يا ترى هو بيقصد مين و لا المعنى فى بطن الشاعر، يمكن أكله لما ملقاش حاجة يكلها

**sab3aawy** · 29-07-2007 09:56 AM

سؤأل يطرح نفسه: هل كل متبرع فى المتحف هياخد إيصال بمبلغ تبرعه يحصل بيه نصيبه فى الأرباح الخرافية لما المتحف يكمل؟

طب ما بدل التبرع والكلام اللى مش جايب همه دة وطالما احنا فى عصر السوق والإقتصاد الحر والكلام الفخم ده، يتعمل اكتتاب بأسهم فى المتحف، ويتعمل المتحف ده مؤسسة مساهمة تهدف للربح زى اى متحف فى العالم الحر اللى احنا بنحاول نتلزق فيه حاليا، وكل صاحب اسهم ياخد نصيبه من ارباح المتحف، وفى هذة الحالة المتحف ده هيلم الفلوس اللازمة لبنائه وهيتبنى فى اقل من سنتين وعلى اعلى مستوى

لكن اللى بيحصل قدامنا ده بيفكرنى بابراهيم نصر لما كان عامل نفسه شحات فى الكاميرا الخفية وكان بيشحت علشان يدفع فاتورة الموبايل ومصاريف المدارس الأجنبيه لاولاده

مشاهدة نتائج الإستطلاع: هتتبرع لبناء متحف؟

الموضوع: اتبرع لبناء متحف!

LinkBack

أدوات الموضوع

عرض

اتبرع لبناء متحف! - انشر الموضوع فى :

-

-

-

-

المواضيع المتشابهه

تعبت من السمنة ومحتاج إرشاد لبناء جسم صحي

متحف سولابه للمراحيض....!!!

حد هنا راح متحف bmw في ميونخ ؟

تبرع لبناء مسجد

بيت فلاحي بشبرا بلوله المنوفيه يصلح لبناء عماره سكنيه

الكلمات الدلالية لهذا الموضوع

المفضلات

المفضلات

ضوابط المشاركة