أنطباع أولى عن السيارة byd l3 2015 أوتوماتيك بعد الاستلام

**ahmed mrzo** · 28-05-2015 06:07 PM

أنطباع أولى عن السيارة BYD L3 2015 أوتوماتيك
استلمت السيارة من يوم 26 مايو 2015
السيارة من حيث التصميم جيدة جداً الكمليات جيدة جداً وحتى اللان جيد نأتى للأداء وهنا اطرح التالي:
برغم أنى لست خبيراً ميكانيكاً ألا أنه بخبرة السواقة لموديلات أخرى مانويل واتوماتيك مثل byd f3 أوتوماتيك موديل 2012
فأنى غير معجب بأداء السيارة وذلك للأسباب الآتية:
1- السيارة بطيئة فى تحميع الموتور - أى أنها لا تسعفك فى الإنطلاقة (هناك خنقه فى الموتور)- برغم أن هذا العيب غير موجود فى f3 أتوماتيك 2012
2- يوجد حدفه بالسيارة - ضبط زوايا
3- الوصول من 0 : 100 قاتل
4- عن الوصل إلى سرعة 100 هناك أهتزاز كبير في عجلت القيادة تخيف تجعلك تنزل بالسرعة
5- تصفير في الفرامل
وسؤالى هل هذه العيوب في سيارتى فقط أم أنها من عيوب ذلك الموديل؟
وهل على الانتظار حتى تتم معى 1000 كيلوا للكشف عن تلك العيوب؟
وهل تلك الملاحظات إن وجدت موجودة فى موديل السيارة BYD L3 مانيول؟
برجاء الرد من الاساتذة الأفاضل رواد المنتدى
ولكم منى جزيل الشكر والعرفان.

**ENG.MaRk** · 28-05-2015 07:38 PM

أولاً ألف مبروك و ربنا يبارك لحضرتك فيها ... ثانياً السحب هيتحسن بعد ال5000 كم و ظبط الزوايا أمره سهل أتمني الأعضاء يقدروا يفيدوا حضرتك في باقي النقاط لأن ده حد علمي بالعربية ديه

**hamo81** · 28-05-2015 09:21 PM

في صيانة ال 1000 هتتلاشي هذه العيوب وخاصة لما تغير زيت وتتظبط العفشة
في أول 1000 كم أعتبر أن السيارة في مرحلة الإختبارات النهائية للمنتج وياريت تسجل ملحوظاتك كلها علشان لما تروح التوكيل تبلغة بيها كلها

**ahmed mrzo** · 31-05-2015 07:05 PM

شاكر لسيادتكم الرد
وارجوا ذلك حيث أنى قمت بعمل بحث لمدة أكثر من سنة على تلك السيارة وأتخذت قرارى بشراها بعد إقتناعى بها
ولثانى مرة أشكرم على الرد - وذلك هو العهد بزوار ذلك المنتدى الرائع
وأن شاء الله سوف أوافى سيادتكم بتقرير بعد صيانة 1000 كم
شكراً جزيلا

**islamboshy** · 01-06-2015 09:59 AM

ممكن حضرتك تقولي جيبتها منين .....عشان انا بقالي اسبوعين حاجزها عند شركة الامل ومش لاقيها ؟؟؟؟؟؟؟؟؟؟؟؟؟؟

**draymanophth** · 01-06-2015 03:42 PM

انا دخلت على جروب byd والمعظم بيشتكى من التوكيل فى الصيانه ومن الفتيس

**ahmed mrzo** · 02-06-2015 07:43 PM

أستاذ أسلام
أنا كنت حاجز السيارة من معرض الأهرام فورميلا قبل شهرين لدى التوكيل بمصر الجديدة
عادة التوكيل يتأخر فى التسليم قرابة الشهرين
أما بالنسبة للفتيس فليس به حتى الآن عيب
ولكنى منتظر صيانة الـ 1000 حتى أقرر ما هو العيب لشكواى
ومن ثم سأقوم بعمل موضوع تقييم للسيارة نهائى ليستفيد منه جميع الاعضاء

**M_HANAFY** · 02-06-2015 10:14 PM

ألف مبروك و ربنا يبارك لحضرتك فيها

**islamboshy** · 03-06-2015 10:04 AM

شكرا ليك.....وربنا يباركلك فيها ......انا اتصلت بشركة الامل اللي في مصر الجديدة اللي انا حاجز معاها....قالولي علي 10/6 هتكون موجودة ....وعايزين نتابع مع بعض اذا قبلتك مشكله سواء في العربيه او التوكيل...وشكرا لاهتمامك في الرد