الموضوع: تويوتا ام نيسان ام لانسر ؟

مقارنه مهمه جدا بالله عليكم لرجاله اليابانى

تويوتا كورولا ٢٠٠٠ العيون
والا
نيسان صنى ٢٠٠١
والا
لانسر مكواة ٢٠٠٢

من حيث ١- قوة التكييف ٢- توافر قطع الغيار ٣- الشكل

السلام عليكم ورحمة الله
بص يا سيدى

بالنسبة للكورولا

سحب رائع جدا
استهلاك بنزين مثالى
كابينة مريحة
ناعمة جدا على الطرق و المطبات

قطع غيار متوفره و رخيصة نسبيا بالمقارنة بغيرها

عيبها الوحيد اسطوانة الدبرياج كل فتره لازم تروح التوكيل

واللى قريتة عنها أنة الموديل دة أتظلم علشان لشكل
يمكن الشكل اللى قبلة ( الملكة ) حاز على أعجاب الكثير
------------------------------------------------------------------------------
بالنسبة للانسر

العربية كويسة ثابتة على الطرق والمنحنيات لكن العفشة ناشفة شوية
استهلاك البنزين معقول لكن لا يقارن بالكورولا
قطع الغيار متوفرة
وبالنسبة للشكل فهو أفضل طبعا من التويوتا
تكيف التويوتا أفضل ( أنا من ملاك البومة ولاكن حسب تجريبتى لكورولا فى نفس موديل سيارتى)
------------------------------------------------------------
وبالنسبة للنيسان

النسيان سيارة جميلة
النيسان فى هذا الموديل(2001-2005) يابانية الصنع تعد صفقة رابحة من حيث الأداء وتوفر قطع الغيار ومعقولية ثمنها مع ندرة الأعطال وسهولة الصيانة
--------------------------

نصيحة لوجة الله متركزش ع الشكل وتنسى الحالة

العربية لو شكلها كويس ولاكن حالتها سيئة هتوريك أيام م يعلم بيها الا ربنا وساعته هتكره شكلها
-----------------------

وأخيرا وليس أخير أتمنى ليك التوفيق واتمنى اكون فدتك ولو بجزء صغير
ولا تنسانى من دعوة