أولاً انا بشكر كل الناس اللى تعبت وردت عليا الف شكر ليكم
اقتباس:
المشاركة الأصلية كتبت بواسطة hugan
الشقه افضل
العربيه سهل جدا تعويضها في اي وقت
هو طبعاً افضل يكون لك مكان تنزل فيه بيتك وراحتك ومهما اتأخرت مش هتحس انك تقيل على حد
اقتباس:
المشاركة الأصلية كتبت بواسطة ali ashraf
حضرتك ادرى بظروفك لو بتنزل القاهرة بضعة ايام قليلة ثم ترجع تانى يبقى العربية اهم .
بنزل بس بصفة دورية ممكن كل شهر اسبوع وبصراحة مش طايق اقعد عند حد
اقتباس:
المشاركة الأصلية كتبت بواسطة punisher
ع حسب كلامك يبقي العربيه اللي ب 28000 احسن
اولا : عربيه بالسعر ده يبقي متتقارنش بشقه
ثانيا : العربيه تعتبر ف حالتك من متطلبات الشغل وضروره مش جايبها رفاهيه
ثالثا : الاسعار ف القاهره اكيد شقه ب 100 الف هتكون ف حته بعيده
رابعا: بلاش تفكر ف القروض الربويه عشان ربنا يباركلك ف تجارتك
عربيتك تحت رجلك وباقي الفلوس استثمرها ف شغلك ومن استثمارك للفلوس دي هتقدر تطلع مصاريف عربيتك والفندق ف القاهره
اقتباس:
المشاركة الأصلية كتبت بواسطة punisher
بس مش معني اني قولتلك عربيه انك تجبها زيرو وقسط
انتا تجيب حاجه تستحمل البهدله والسفر ومصاريف صيانتها تكوون رخيصه
العربية اساساً من ضمن امنياتى مش بس علشان الشغل بس الحيرة يا صديقى
بعد مقارنات حسيت ان البيجو 405 افضلهم
اقتباس:
المشاركة الأصلية كتبت بواسطة mecha
العربيه ام 28 الف جم هتستحمل 700 كم رايح جي اسيوط مصر متكرر وهتحمل فيها كمان والحر جاي؟؟ , مظنيش, هتطب بسرعه .
القرص دا عاوز عربيه ماسكه نفسها وياريت فان .والبيات في لوكندات باب الحديد .
خلينا فى المبدأ وبعدها نوع العربية امرها سهل
اقتباس:
المشاركة الأصلية كتبت بواسطة باسم يوسف
مفيش شقق ب 100 الف جنيه
ممكن تدفع المبلغ ده مقدم في شقه في المدن الجديده
بس بعيده عن وسط القاهره
لو ناوي تشتري الشقه كأستثمار
يبقي توكل علي الله
لكن عشان البيات يبقي ملوش لزوم
بالنسبه لموضوع العربيه
البيجو القديم خلاص طلع عين اهله
ممكن تشوف لادا موديل حديث حاله نضيفه
اهه رخيصه و تستحمل مشواريك الطويله
الف شكر لحضرتك بس متهيألى البيجو ال 405 افضل من اللادا
اقتباس:
المشاركة الأصلية كتبت بواسطة a_h_m_a_d
العربية طبعا مهمه لشغلك ، والشقة ليه تمليك ، ممكن تاخد واحده ايجار جديد في منطقة مش غاليه ، فيه شقق بتتأجر ب ٦٠٠ جنيه في الشهر
لا ايجار مبحبوش يا تبقى بتاعتى يا بلاش