يا جماعة انا ان شاء الله ناوي اشتري واحدة منهم ممكن رأيكو في الاتنين عشان محتار جداااااااااااااا
عرض للطباعة
يا جماعة انا ان شاء الله ناوي اشتري واحدة منهم ممكن رأيكو في الاتنين عشان محتار جداااااااااااااا
يا قوم حد يقول اي حاجة :d
السياز محدش يقدر يفيدك فيها لانها لسة تحت التجربة لاكن هي كمواصفات وشكل وتقفيل وفخامة واوبشن رائعة ، اما الاداء لسة شويه عقبال ما حد يحدد ده
طيب ليه طبعا
هي جميلة جدا بس عشان لسه جديدة فقلقان شوية
فكل الاحوال مش هتبقي اسوء من الجين 2 الصراحة يعني
جين قديمة…
سياز موديل جديد و كماليات اكتر و مصنع الهند مفيش مشاكل منه خالص لان عربيات سوزوكي الهندي موجودة من زمان في مصر و زي الفل ..
لا انت فهمتني غلط ، انا اقصد انها فكل الاحوال هتبقي احسن من الجين 2 ، اولا التصنيع هندي واندونيسي . فالهندي يكسب بالذات فالتقفيل والجودة ، فالاوبشن السياز تكسب ، استارت انجين وفوانيس امامية ليد وعدسة ومرايات ضم وطارة مالتي . فالخامات السياز تكسب طبعا وده واضح لان الجين 2 كلها بلاستيك من جوا وخامة رديئة ، فالوسع السياز تكسب ، فالفخامة طبعا السياز ، فمساحة الشنطة طبعا السياز تكسب بجدارة ، النقطة الوحيدة اللي تتفوق فيها البروتون هي قوة الموتور وتجميعه البروتون محرك كامبرو 4 سيلندر 1600 cc , قوى الحصان هي 110 حصان عند 6000 لفة في الدقيقة. اما السياز محرك جديد VVT سعة 1400 لتر وقوة 95 حصان عند 6000 دورة فى الدقيقة وعزم دوران يبلغ 130 نيوتن / متر عند 4000 لفة . هو موفر جدا فالبنزين كمان والعزم مش بطال .
تصحيح بسيط ، اسف اقصد تصنيع ماليزي مش اندونيسي
المقارنة دي لسه قاريها ممكن تفيدك
http://www.nilemotors.net/Nile/468662-a.html
حضرتك بتتكلم و بتحكم على عربية من خلال سبيكس شييت و رؤية ليها من المعرض ! اهم عامل مش موحود اصلا ! فاكر ال 301 اول مانزلت ؟ نصبر بس لغاية مانشوف ايه الى هيبان :) جايز فعلا تطلع افضل من البيرسونا و جايز لا ! ساعتها وسعها و لا تقفيلها مش هينفعوا يا عزيزى
ده بغض النظر اصلا انى مش متفق معاك فى كلامك :) بس انا مش هخش فى جدال مسبق لحاجة اصلا ماحدش جربها .
جرب اركب الاثتنين في المعرض .
وممكن تحط مقارنة بين الاثنين من حيث نقاط القوة والضعف .
انا شايف ان السياز تتفوق علي البروتن في كل شئ , من حيث الحداثة والتكنولوجيا , خامات تقفيل , يمكن مش هقدر احدد فرق التصنيع بين هندي او ماليزي يمكن يكونوا متقاربين بشكل كبير , بس السياز عربية ممتازة من حيث الاوبشن بالمقارنة بالسعر.
التوكيل مش عارف بروتن نظامه ايه , بس مودرن موتورز معقول او يجي منه شوية , مش هقول سئ بس هديلوا جيد.
من حيث ان السياز جديدة في السوق , انا شايف برده ان البروتون جديدة في السوق وديه شئ مش في صالحها , العربية بقالها كذا سنة معروضة وبرده مش منتشرة ...
شوف ممكن تلاقي عربيات سعرها اعلي سنة بس ولا اي حاجة من الاوبشنز الي في السياز هتلاقيها فيها .
مش عارف الناس ليه قافشة فى كوضوع الاوبشن ده :) .... ثم اصلا السياز مافبهاش حاجة واو عن البروتون ! ديه فيها ستارت ستوب مريات ضم و مفيهاش كروز كونترول ولا باركنج سنسورز و العكس صحيح فى البروتون ! فين الاوبشن الزياده ده ؟
بالنسبة للمقارنه بين العربيتين دول بالذات
لو شاب وعايز شد وجري وثبات يبقى الجين 2
لو سواقتك هاديه او معاك اسرة وعايز عربيه واسعه وناعمة واعتمادية وموفره في البنزين يبقى سياز.. وده مش معناه ان موتورها او ثباتها وحشين ولكن اقل من الجين 2
قصة ان السياز مش متجربه لسه .. اعتقد ان سوزوكي عموما معروفه باعتماديتها واعتقد لو ظهر فيها حاجه هتبقى حاجات بسيطه
1-ايه علاقة كلامك بالى انا كاتبه ؟ حضرتك عامل اقتباس و بترد عليا فى ايه مش فاهم ؟
2-شنطة ايه الى ضيقة ؟ هو طابلوه السياز او الشارك سوفت تاتش ماتيريال ولا هارد تاتش ؟
3-لمعلومات سيانك ...ديزاين البروتون(الجين 2) من 2004 مش 2008 .....
4-ايه التطور الطبيعى ده ؟ :)
مظبوط كدة ...... يمكن عشان انا جربت الماركتين .. عرفت الفرق بدرى شوية ( بس ده مش معناه ان بروتون سيئة .. لكن انا بتكلم على الفرق بينهم )
وبالرغم من انى جربت تقريبا اقل حاجة فى السوزوكى وكمان التقفيل الهندى ... لكن بصراحة هى ماركة تستحق الاحترام ياريت تحافظ على مستواها وماتنزلش عنه .. ومن الناحية الاخرى نتمنى مزيد من التطوير والتعديلات الجيدة لماركة بروتون .....
بص انت متحيز للبروتون وده رايك يحترم ، انا شايف ان البروتون مطورتش من نفسها من 2008 لحد ناو ، يعني اكنك بتشتري موبايل 6600 كان ف 2008 احسن موبايل دلوقتي معدش له لزمة . نفس الكلام فالجين تو هي كعربية كانت مناسبة للفترة اللي فاتت دي لاكن دلوقتي في صايحة جديدة للعربيات والجين تو مطورتش نفسها .
لو هتقارن بقي الخامات بتاعة الطابلوه الجين تو تاخد 2من 10 والسياز تاخد 8/10
هتقارن التسارع ، تسارع جين تو اتوماتيك من صفر ل 100 ف 13.5 ثانية ، اما السياز ف 11.7 ثانية يعني السياز تكسب . استهلاك البنزين اقل فالسياز
هتقارن مساحة الشنطة البروتون 370 ، السياز 510 . السياز تكسب
هتقارن الابعاد السياز تكسب واوسع من جوا طبعا .
الاوبشن . السياز فيها اوبشن زيادة عن الجين تو ، استارت انجين ، مرايات ضم ، اشارات فالمريات ، تطعيمات كروم ، الفوانيس لينسات وفيها تحكم فمستوي الاضاءة، اعلي عالارض ، الطارة والفتييس جلد وبقية العربية قماش فجلد وخامات نضيفة جدا ، غير البروتون اللي خامتها فقيرة جدا وكلها بلاستيك ردئ ، السياز فيها ستارة خلفية ، فتحات تكييف خلفية ،
مساند امامية وخلفية ، الاوبشن الوحيد اللي مش موجود فيها وموجود فالبروتون هو حساسات الركن فقط .
حاول تقارن بين العربيتين جنب بعض كدا فاي معرض وشوف فرق التقفيل والخامات والجودة
اخيرا ، كل واحد ليه رأي ومقتنع بيه والاختلاف فالراي لايفسد للود قضية
كلامك صح في حاجات كتير بس هيفيدني بأيه الستارت انجن ولا المرايات الضم لما احتاج ثبات عربية؟؟ ولا هتفيدني بأيه الخامات الحلوة بس الصاج الخارجي ورق
هيا نسبة وتناسب .. هتلاقي ناس تفضل حاجات علي حساب حاجات يعني مثلاً واحد زيي ميعرفش يركب عربية ناعمة وعفشتها طرية لاني مبحسش معاها بأي كونترول .. كل واحد ليه اولوياته ومش هيلاقي كل حاجة في عربية واحدة
نيجي للتسارع الموضوع ده مغلوط شوية يعني التسارع اللي علي الورق ده غير واقعي تماماً .. مثلاً يعني عربيتي اللي فاتت كانت بروتون واجا وزنها تقيل علي موتورها عشان كدة كنت دايماً مسميها البطة ومع ذلك تسارعها من 0-100 كان في حوالي 11 ثانية بس مابالك بالجين2 اللي هيا اخف وزن وموتور احسن .. نفس الكلام هتلاقيه بالنسبة للسياز هتلاقيها اقل من الرقم المكتوب بس عايزين حد يجرب ويصور ويحسبها عشان تبقي التجربة صحيحة
مش هنختلف :) سيب بس فتررة زمنية قليلة و نرجع نتكلم فى قصة السياز ديه تانى :)
سريعا
-شنطة البيرسونا 430 ليتر ....
-تسارع الماتور من 0 ل 100 كيلو متر مش هو عامل القوة الوحيد خصوصا انها 1400 بامش هتلاقيها اصلا بعد ال 100 ....هتنام :) ده غير انى شاكك فى رقم ال 13.5 بس ما علينا
-مش مختلف ان السياز تقفيلها افضل ....و الكلام ده انا قلته قبل كده من افضل العربيات فى الفئة السعرية ديه من ناحية مستوى التقفيل الداخلى
-السياز مافيهاش حساسات فعلا و برده مافبهاش كروز كونترول :)
-ققارنت والله قبل كده بس مش فى عربيتى ...صديق كان عامل حادثة توتال لوس بيرسونا 2013 و جاب 2014 تانى بيرسونا نفس الون :)
-افكرك انت بتتكلم كلام من ورقة او سبيكس شييت ....افكرك برده بالعزيزة ال 301 ....علشان كده بقولك سيب وقت و نتكلم فى القصة ديه تانى
- اسف انى وصلتلك فكرة التحييز ديه ....مش مقصوده صدقنى
شكرا :)