جين 2 لا ستيب واي 2015

**OsamaI** · 31-05-2015 04:13 AM

جين 2 لا ستيب واي 2015
عايز رايكم …..الاتنين 110 حصان
الاتبين اتوماتيك
الاتنين فيهم ABS و AirBags و EBD و إيموبليزر
الاتنين نفس السعر تقريبا 119 الف
مش شايف اي فرق بصراحة الرينو اعادة البيع افضل و كمان التوكيل ( علي حسب السمع… انا مجربتهوش)
الجين 2 الصاج احسن بس التوكيل سمعته مش كويسه

حد يقدر يسعدني اخد قرار في الموضوع ده …. شكرا يا رجاله

**Omar2017** · 31-05-2015 04:27 PM

بس يا معلم انا الاتنين شكلهم كوي وشبابي وانا بعشقهم بس الجين موتور Cam Pro 1.6 16V 110HP اما الستيب واي 1.6 8V 90HP (لسة الاوتوماتيك بتاع الستيب واي منزلش فهنتكلم على الموجود) طبعا دة غير ان عفشة الجين ناشفة شوية بس بتدي ثبات للعربية اما الستيب واي تقفيلها اعلى بكتير من تقفيل الجين2 و اعادة بيع افضل و اوسع بكتيييييييييييييييييييييي ييير من الجين 2
غير كدة هتلاقي الفروقات بسيطة فلو بدور على الادء اختار الجين 2 اما لو وسع و تقفيل و اعادة بيع يبقى الستيب واي

**OsamaI** · 01-06-2015 12:57 AM

شكراً عمر... بس الاتوماتيك خلاص نزله في 8. Hp 110

**Omar Mahmoud** · 01-06-2015 12:59 PM

الاوتو في السانديرو و اللوجان نزل
و ده نفس موتور الميجان 2 110 حصان 16v
الجين تو نفس الكلام
في الميجان تسارع الجين 2 و الطلعة احسن
انما في السانديرو اكيد الطلعة بتاعتها احسن علشان فرق الوزن
الاتنين تقفيلهم و خاماتهم وحشة(البيرسونا تقفيلها احسن من الجين 2)
اعادة البيع اتحسنت في الاتنين عن الاول
الاتنين تقفيلهم قريب من بعض
الستيب واي اوسع من جوة
الجين اثبت و فرامل اقوي طبعا

**carrier** · 01-06-2015 07:50 PM

عندى
احساس انك مش ميال للجين2

او

انت مش هتشترى الجين2

الجين2
للمغرمين بها فقط دون مقارنات

**OsamaI** · 02-06-2015 11:13 AM

المشاركة الأصلية كتبت بواسطة carrier

عندى
احساس انك مش ميال للجين2

او

انت مش هتشترى الجين2

الجين2
للمغرمين بها فقط دون مقارنات

والله ابدا بالعكس بقي انا اصلا كنت متخيل الناس حتقولي رينو مين يا عم خليك في الجين 2 طبعا

**carrier** · 02-06-2015 11:29 AM

المشاركة الأصلية كتبت بواسطة osamai

والله ابدا بالعكس بقي انا اصلا كنت متخيل الناس حتقولي رينو مين يا عم خليك في الجين 2 طبعا

الجين2
من العربيات اللى مبتستهلكش فطع غيار فى الاساسيات الا نادرا زى الهوندا كده

الرينو
من العربيات اللى بتستهلك قطع غيار فى الاساسيات وغبره وثباتها فى الباى باى

**hanyyacot** · 05-06-2015 12:37 PM

الفرق هنا يتلخص فى كلمة واحدة هى الثبات , الجين 2 فعلا ثبات ممتاز مش هتلاقيه فى عربيات اعلى منها بكتير وكمان سحب حلو اوى , الستيب واى ثبات وحش فعلا نظرا لتصميم العربية وعلوها وحاجات تاني , لو يفرق معاك موضوع الثبات يبقى جين 2 من غير سؤال , لو مش فارق و وعايز سواقة هادية وعربية فيها اوبشنز اكتر يبقى الستيب واى , الاتنين خاماتهم زى بعض تقريبا , الوسع لصالح الستيب واى بس مش بشكل كبير , يعنى الاتنين بيشيلوا 3 ورا عادى , صاج الجين 2 احسن , اعادة البيع الاتنين زى بعض ان لم يكن اعلى لصالح الجين 2 لان لسه فى قطاع كبير من الناس مش بيحبوا الفرنساوى ( وانا مش معاهم ) , لول على الاوبشنز , هات كاسيت دبل دين فيه بلوتوث وشاشة وهايظبطلك الجين 2

**scientist9508** · 06-06-2015 02:41 PM

بسم الله الرحمن الرحيم

أخى الفاضل

لكل منهما نقاط تفوق

البروتون تتفوق فى الآتى:

1 - الثبات

2- قطع غيار أرخص

3 - إمكانية إجراء الصيانه خارج مراكز صيانة الوكيل

تتفوق الرينو فى الآتى:

1 - توفير إستهلاك الوقود

2 - الجمال و الفخامه و الأناقه و الرفاهيهات (من وجهة نظرى)

3 - وكيل أفضل من عز العرب

هداك الله لأرشد أمرك و أقومه

السلام عليكم و رحمة الله و بركاته

**dvdboy** · 08-06-2015 04:52 PM

١- عفشه الجين ناشفه صحيح بس البروتون البرسونا انعم ولو ركبت فعلا السانديرو ستبواي فهي ناشفه بردو بس اقل من الجين ومساويه للبرسونا (ملحوظه العربيتين معايا)
٢- بلا اي وجه لمقارنه البروتون اقوي في المكنه وافضل في الثبات والمتانه في العفشه والصاج اقوي بمرااااااحل من الستيبواي والكلبه الصني
٣- اعاده البيع اتحسن جدااا في البروتون ولسه مش باين اوي في الرينو ولكن البروتون افضل في الرسل من الصني الشكل الجديد
لو حد عايز يعرف حاجه عن عربيه اسالو الي راكبها وبلاش فتي