سحبت دولارات اليوم من البنك الاهلى , و بعد بعض النقاش الفاضى " خذوا منى امضاء البنك 6 مرات" و نقاش مع مدير الفرع اكثر من مرة و اخيرا استلمت الدولارات ( الحد الاقصى للسحب اليومى) ورق من فئة العشرين دولار.
عرض للطباعة
سحبت دولارات اليوم من البنك الاهلى , و بعد بعض النقاش الفاضى " خذوا منى امضاء البنك 6 مرات" و نقاش مع مدير الفرع اكثر من مرة و اخيرا استلمت الدولارات ( الحد الاقصى للسحب اليومى) ورق من فئة العشرين دولار.
عذرا على التطفل ....ليه النقاش مع مدير البنك ؟
انا نفسى معرفش بس حسيت بنوع من الغلاسة و الجو اتكهرب من البداية , لما طلبت اسحب 40 الف دولار ( علشان شراء عربية) الموظف قال لى الحد الاقصى 10 الف فقط و قلت له انا عارف هسحبهم على اربع ايام , ثم فوجئت بيقول لى و حضرتك عايزهم ليه, الحقيقة حاولت مغضبش و قلت له حضرتك ده مش شغلك , ثم قال مبلغ زى ده لازم المدير يعرف و دخل للمدير و رجع و دخل حوالى اربع مرات و طبعا كل ده استغراق للوقت , و بعد كده عرضوا على المبلغ بالجنية المصرى و طبعا رفضت, و بعدين الامضاء غير مطابق و كررته 6 مرات و كان وضع سخيف جدا و حسيت انهم عايزينى ازهق و فى الاخر قالوا لى مفيش دولارات الا فئة 20 دولار قلت لهم ماشى الحال و طبعا انا زهقت جدا من اللى حصل و قلت للمدير ياريت المسرحية السخيفة دى متتكررش بعد بكرة لما اجى اسحب الجزأ الثانى الحقيقة اسلوبه كان افضل و قال لى حضرتك تشرفنى فى المكتب و خلص لك كل حاجة فى عشر دقائق , و انا كنت مبسوط انى حافظت على اعصابى فلم تخرج منى كلمة غلط و لم ارفع الصوت رغم ان داخلى كان يغلى و الحمد لله على كل شئ.
كده كده كنت حتحولهم مصرى عشان تشترى عربيه وكمان ورق 20 دولار ارخص فى السوق بره من ال 100 دولار
كان ممكن تعمل حاجه اسمها تنازل للبنك وتاخد سعر 7.67
وعلى فكره انا ضد الفكره لانى حر اعمل اللى انا عايزه بفلوسى
لسه حاصل معى الموضوع ده وصمم يدينى 20$ فكه ابن التييييت والبقى ورق بعشرين وبتاع الصرافة زلنى لحد ما رضى يغير الـ 20$ الفكة وللاسف غيرتهم بـ 7.62 قرش بالعافية
للأسف .... دى احد الحاجات البسيطة جدا الى ممكن تعرف حالة البلد الاقتصادية
كلما زادت القوانين و الاحتياطات و الاجراءات ... دلت على عدم وجود مرونة فى النظام و دوران عجلة الاقتصاد و المال بشكل بطئ
الحد الاقصى للسحب اليومى هو 10 الاف دولار بالفعل ( و ده قرار البنك المركزى )
موضوع صرف النقود بفئات اقل من ال 100 دولار دى قرارات البنك المركزى ايضا ...
و كانوا بيتكلموا انهم عاوزين يعملوا ضرائب على التحويلات الخارجية و على العاملين فى الخارج ايضا ... و اعتقد ان دى مسألة وقت و حيطلعوا القانون ده
ثم فوجئت بيقول لى و حضرتك عايزهم ليه, الحقيقة حاولت مغضبش و قلت له حضرتك ده مش شغلك , ثم قال مبلغ زى ده لازم المدير يعرف و دخل للمدير و رجع و دخل حوالى اربع مرات و طبعا كل ده استغراق للوقت , و بعد كده عرضوا على المبلغ بالجنية المصرى و طبعا رفضت,
انا اقتطعت الفقرة دى من بداية كتابة الموضوع ...غالبا كان قصدهم موضوع التنازل اللى حضرتك بتقول عليه
متخلّفين حسبي الله ونعم الوكيل
حصل معايا نفس الموقف بس كنت بعمل ايداع 80 الف دولار في البنك الأهلي برضه.. الموظف رفض وقال لي مش هينفع وصعّد الموضوع لمدير الفرع وكتابة اقرارات وكانت حاجه آخر قذارة.. الواحد بيتعامل كأنه حرامي غسيل اموال