الموضوع: سحبت دولارات من البنك الاهلى اليوم

عذرا على التطفل ....ليه النقاش مع مدير البنك ؟

المشاركة الأصلية كتبت بواسطة ahmed_eng2001

عذرا على التطفل ....ليه النقاش مع مدير البنك ؟

انا نفسى معرفش بس حسيت بنوع من الغلاسة و الجو اتكهرب من البداية , لما طلبت اسحب 40 الف دولار ( علشان شراء عربية) الموظف قال لى الحد الاقصى 10 الف فقط و قلت له انا عارف هسحبهم على اربع ايام , ثم فوجئت بيقول لى و حضرتك عايزهم ليه, الحقيقة حاولت مغضبش و قلت له حضرتك ده مش شغلك , ثم قال مبلغ زى ده لازم المدير يعرف و دخل للمدير و رجع و دخل حوالى اربع مرات و طبعا كل ده استغراق للوقت , و بعد كده عرضوا على المبلغ بالجنية المصرى و طبعا رفضت, و بعدين الامضاء غير مطابق و كررته 6 مرات و كان وضع سخيف جدا و حسيت انهم عايزينى ازهق و فى الاخر قالوا لى مفيش دولارات الا فئة 20 دولار قلت لهم ماشى الحال و طبعا انا زهقت جدا من اللى حصل و قلت للمدير ياريت المسرحية السخيفة دى متتكررش بعد بكرة لما اجى اسحب الجزأ الثانى الحقيقة اسلوبه كان افضل و قال لى حضرتك تشرفنى فى المكتب و خلص لك كل حاجة فى عشر دقائق , و انا كنت مبسوط انى حافظت على اعصابى فلم تخرج منى كلمة غلط و لم ارفع الصوت رغم ان داخلى كان يغلى و الحمد لله على كل شئ.

للأسف .... دى احد الحاجات البسيطة جدا الى ممكن تعرف حالة البلد الاقتصادية

كلما زادت القوانين و الاحتياطات و الاجراءات ... دلت على عدم وجود مرونة فى النظام و دوران عجلة الاقتصاد و المال بشكل بطئ

الحد الاقصى للسحب اليومى هو 10 الاف دولار بالفعل ( و ده قرار البنك المركزى )
موضوع صرف النقود بفئات اقل من ال 100 دولار دى قرارات البنك المركزى ايضا ...
و كانوا بيتكلموا انهم عاوزين يعملوا ضرائب على التحويلات الخارجية و على العاملين فى الخارج ايضا ... و اعتقد ان دى مسألة وقت و حيطلعوا القانون ده

المشاركة الأصلية كتبت بواسطة mk3

كده كده كنت حتحولهم مصرى عشان تشترى عربيه وكمان ورق 20 دولار ارخص فى السوق بره من ال 100 دولار
كان ممكن تعمل حاجه اسمها تنازل للبنك وتاخد سعر 7.67
وعلى فكره انا ضد الفكره لانى حر اعمل اللى انا عايزه بفلوسى

ايوة حضرتك ده حصل الموظف الكاشير بعد مارجع من عند المدير فى احدى المرات قال لى ممكن نديلك الفلوس بالجنية المصرى و انا رفضت من باب المبدأ , بس مقليش موضوع التنازل ده

ثم فوجئت بيقول لى و حضرتك عايزهم ليه, الحقيقة حاولت مغضبش و قلت له حضرتك ده مش شغلك , ثم قال مبلغ زى ده لازم المدير يعرف و دخل للمدير و رجع و دخل حوالى اربع مرات و طبعا كل ده استغراق للوقت , و بعد كده عرضوا على المبلغ بالجنية المصرى و طبعا رفضت,
انا اقتطعت الفقرة دى من بداية كتابة الموضوع ...غالبا كان قصدهم موضوع التنازل اللى حضرتك بتقول عليه