فتيس إيمجراند ٢٠١٣ مش لاقيه ارجو الافادة

**zastaffa** · 06-10-2015 04:59 AM

أنا أكاد أكون متأكد أن البلية عندي فرطت جوا الفتيس زي ماحصل معاك يا معلم لأن صوت الخروشة بأه جامد جدا ومش منتظم

**Loai22** · 07-10-2015 03:28 AM

الصوت ظهر بعد اسبوع عمتا انا جبته من الشيخ طه في الحرفيين وفي واحد كمان هما الانين دول متحكمين في قطع غيار الجيلي بس اسعارهم غاليه بس الصح انك تاخد العربيه معاك وتركبه عنده وتجربه عشان تضمن انه يكون كويس

**zastaffa** · 09-10-2015 02:51 AM

الحمد لله لقيته جديد ب6500ج في الحرفيين لسه جايبه النهاردة وهاركبه في اليومين الجايين

**Loai22** · 16-10-2015 03:35 AM

ها الفتيس الجديد عامل معاك ايه ؟

**zastaffa** · 16-10-2015 07:24 PM

الحمدلله تمام وزي الفل بأستثناء تقل بسيط في الغيارات أول ماركب ودلوقتي بعد ماعملت بيه حوالي 600 كم أبتدي يظبط معايا...وانشألله ناوي قريب لما ربنا يفرجها شوية هابقي أودي القديم لصليب اللي في الدوران يشوف فيه ايه....بصراحة أستحرمت أبيعه برخص التراب

**lada2010** · 24-10-2015 03:06 PM

نصيحة دى عربية تعبانة وكلها مشاكل بيعها وهات لانسر بومة بفلوسها

**zastaffa** · 24-10-2015 07:39 PM

من الأخر عشان نجيب الخلاصة......فتيس الأيمجراند مشكلته الوحيدة في ترس المارشيديه ورمان البللي بتاع شجرة المجموعة وتصليحة مابيتكلفش غير وجع قلب الفك والتركيب....ومكان البليتين اللي بيبوظوا مابيخليش اللي بيصلحه يمد أيده علي التروس أو الغوايش أو حتي اللافيهات لأن البليتين موجودين علي حرف عمود الدريك من أوله وأخره....كل الحكاية أنه بينطر البليتين البايظين ويركب الأتنين الجداد ويقفل الفتيس وشكرا

**amr_darwesh** · 31-10-2015 04:40 PM

المشاركة الأصلية كتبت بواسطة zastaffa

من الأخر عشان نجيب الخلاصة......فتيس الأيمجراند مشكلته الوحيدة في ترس المارشيديه ورمان البللي بتاع شجرة المجموعة وتصليحة مابيتكلفش غير وجع قلب الفك والتركيب....ومكان البليتين اللي بيبوظوا مابيخليش اللي بيصلحه يمد أيده علي التروس أو الغوايش أو حتي اللافيهات لأن البليتين موجودين علي حرف عمود الدريك من أوله وأخره....كل الحكاية أنه بينطر البليتين البايظين ويركب الأتنين الجداد ويقفل الفتيس وشكرا

حاجة غريبة مش تحس ان انت خبير فى الفتيس ...امال جبت جديد ليه ماكنت صلحت القديم من الاول!!!!!!!!

**zastaffa** · 31-10-2015 08:59 PM

المشاركة الأصلية كتبت بواسطة amr_darwesh

حاجة غريبة مش تحس ان انت خبير فى الفتيس ...امال جبت جديد ليه ماكنت صلحت القديم من الاول!!!!!!!!

بصراحة من كتر ما قريت حكايات علي المنتدي هنا عن مشاكل الفتيسات وندرة قطع غيارها وتعقيد تركيبها وصعوبة عملية أعادة تجميعها ناهينا طبعاً عن تكلفة تصليحها....نتيجة لكل البلاوي اللي فاتت ديه قررت من أول يوم عرفت فيه أن فتيسي باظ أني أجيب واحد جديد وأشتري دماغي