استفسار للاستاذ اسلام جلال

معلش انا متاسف انى حتعب حضرتك
بس كان ليا استفسار
حضرتك كنت ذكرت ان درجه حراره عربيتك بتقل لما تمشى بيها على سرعات عاليه او
مع المشاوير الطوالى يا ترى حضرتك لقيت حل للموضوع ده؟؟؟؟؟؟؟؟؟
و لو لقيت حل يا ريت تقولى عشان اعرف اعمل ايه لانى عندى نفس الموضوع
و ارجو من اى حد واجهته المشكله دى يقولى
و شكرا

الموضوع دة بيحصل معايا فى الكورولا نتيجة لأن ضغط الهواء بيساعد على تبريد المحرك

يعنى عادى و لا ده ممكن يبوظ الماتور
اصل مثلا باجرى الحراره تقل اقف فى اشاره الحراره ترجع تانى
مش زياده و نقص الحراره دى اكيد تقلل عمر الماتور و لا ايه

طالما سينسور الحرارة عندك سليم يبقا هى دى طبيعة العربية, عربيتى قعدت 3 سنين تعمل كدة ومحصلش فيها اى حاجة نهائى.

فيه عربيات بيكون مدى السماح لتغيير الحرارة فيها قليل جدا،(مثل معظم اليابانى )يعنى تلاقى العربية سخنت لحد معين وبتثبت عليه مهما كانت حرارة او برودة الجو او ظروف الطريق، وده بيكون تصميم مبنى على ردياتير oversize يعنى اكبر من احيتياجات تبريد المحرك ،مع منظم دورة مياه (ثرموستات )سريع الإستجابة

وفيه عربيات تانية بيكون مدى السماح لتغير درجة الحرارة فيها واسع، زى الشاهين مثلا ودى بتكون عن طريق ردياتير مناسب لاحتياجات المحرك فقط مع ثرموستات محرك لا يقوم بغلق دورة التبريد سوى فى حالة البرودة الشديدة اثناء التسخين صباحا، وعلى ذلك نجد حرارة مياه المحرك ترتفع وتنخفض وفقا لظروف السرعة والطريق والجو

وعلى ذلك فإن معرفة إذا كان التغير فى درجه حرارة سيارتك طبيعى او لا يتم بمقارنتها بسيارات جديدة من نفس النوع، لو كانت السيارة الجيدة من نفس الطراز تتصرف بنفس الطريقة فهذا معناه ان هو ده الأداء الطبيعى لسيارتك

الف شكر يا جماعه على الردود المفيده دى