الموضوع: بعد عام كامل و 10 الاف كم مع الجين 2 و تقييم كامل

ربنا يبارك لك فيها ويحميهالك ويحميهالنا جميعا جين2 الجميلة
ربنا يوفق

تماام يا توت باشا والله تقرير جامد و وفى و فى كل حاجه تطمن بجد و ربنا يباركلك فى العربيه و تعمل بيها ال100.000 إن شاء الله ... و شكرا على التقرير الجامد ده ..

أستاذ حمادة سيفو ......... شكرا على مرورك و كل كلمة جميلة قلتها

اظن ان دة قليل جدا و بالتالي لازم العربية تكون ماسكة نفسها معاك
انا هاعتبر ان ده تقرير ال 10000 ...مش تقرير سنة استخدام (بالنسبة لي طبعا)
واظن ان اي عربية زيرو هتبقي حالتها هتفضل كويسة بعد 10000
كمان بحس بشوية تهويل منك في تقييم العربية و في الدفاع عنها... يا سيدي كل اللي شاري عربية جديدة بيحبها ومبسووط منها وده في كل الاقسام التانية ...وبيكتبوا التقاريير بتاعتهم من غير تهوييل او استخدام مصطلحات كبيييرة ..زي الموتور فيه عفريت او الوحش الكاسر او (جميلة الجميلات )
ودة كان رايي
لاني فوجئت بال 10000 كم في سنة !!,,,,,يعني تقريبا 27 كم في اليوم يعني (تحسيييس عالعربية) يعني كل اللي اشتكي من العربية وانت دافعت عنها باستماته ...اكييد اكييد كان قارص عليها اكتر منك مرتيين او تلاته و ده المعدل الطبيعي بالمناسبة
علي العموم شكرا علي التقرير

أستاذ pinkone
أولا متشكر على مرورك على الموضوع و إبداء رأيك
بالنسبة للعربية
هو أنا لازم أطلع عين العربية علشان أثبت أنها حلوة !!!!!!!!!!!!
أنا عمري ما قلت أن انا قاسي على العربية و بدشدش فيها
بالعكس أنا في كل مشاركاتي بقول أن انا من النوع اللي بيحافظ على حاجته و يعاملها بحنية
و أعتقد ان انا كنت أمين في نقل كل معلومة عندي و عمي ما هولت حاجة
و إن كنت وصفت العربية بأوصاف أنت شايفها مبالغ فيها
فطبعا أنت حر في رأيك
و لكن الناس اللي هنا فاهمة أنا أقصد أيه
لا أنا قلت العربية أتحولت ل 200 حصان و لا غشيت حد
أنا بأوضح اعجابي بالعربية برأيي و بطريقتي الخاصة و عمري ما هولت على العربية و عملت منها اللي مش فيها
كل كلمة قلتها عليها ده احساسي بيها و معاها و أكيد الناس اللي راكبة الجين 2 عارفة أنا بتكلم على أيه بالظبط
أما من ناحية العشرة الاف كم اللي حضرتك مستقللهم
أغلب الناس ........ بتعمل في معدل 10 إلى 15 الف كم في السنة
يعني أنا مش شاذ عن القاعدة
و بالنسبة للوصف للسيارة
أنا دائما كنت أخذ بعض اصدقاء لي ممن يستعملون السيارة كثيرا كأمثلة و ليس أنا فقط و لا أنا من يقف يدافع عن الباطل و يضلل الناس

و مرة تانية شكرا لمرورك
و شكرا لقراءة التقريرو شكرا لوقتك

مبروك يا استاذ توت مرور ال10,000 كيلو الاولى " و عيد ميلاد جين 2 الاول " و عقبال المليون كيلو و جميله الجميلات بكامل رونقها و جمالها ان شاء الله .
ربنا يبارك فيك و فى عربيتك و يحفظهالك من كل شر .

أستاذ مهاب ...... منور يا جميل .......و شكرا على الكلام الجميل و التهنئة و عقبال المليون كم لعربيتك الواجا يا باشا

السلام عليكم ورحمة الله وبركاته

مبروك يا عم توت ال 10000 وعقبال المليون :)
بس انا عايز اوجهلك سؤال مهم...
انا كنت من اشد المعجبين بجين 2:wacko: لكن بعد المشاكل اللي قريت عنها هنا عن سؤ التقفيل ومشاكل الكهربا والميكانيكا وخلافه... ده غير ضعف التوكيل وسؤ الصيانة وعدم توافر قطع الغيار غيرت رايي تماما وقربت اشيلها من دماغي
لكن احب اسمع رايك بردوا وراي اي حد اتعامل مع توكيل بروتون اسكندرية

أنا عمري ما سمعت ان الجين 2 فيها مشاكل فيالكهرباء أو الميكانيكا !!!!
كل مشاكل الجين 2 بسيطة و خصوصا في الفترة الحالية زي نور معلق أو سلك فالت أو زرار معلق ليس أكثر من ذلك

و للآسف عمري ما أتعاملت مع فرع الأسكندرية

انا شايف ان معدل 10000 معدل طبيعى مش لازم اللى معاه عربيه يضغط عليها علشان يعرف ادائها .ده من وجهة نظرى . وربنا يحفظهالك .
ياريت اى حد عنده الواجا يقول لنا ايه اخبارها معاه. انا حاسس ان المنتدى كله معاه الجين 2 وشكرا على التقرير

فعلا يا باشا أنا شايف برضه أن أغلب الناس في مصر بتعمل ما بين 10 و 15 ألف كم
و شكرا على الدعاء الجميل و ربنا يحفظك و ينولك العربية اللي نفسك فيها

توت باشا

ربنا يبارك لك فى العربية و يحفظها لك من كل سوء

المشاركة الأصلية كتبت بواسطة douha_wise

و انا كمان و انا كمان يا عمو اعتبر كملت سنة هو يعنى فاضل 5 ايام و اكملهم ان شاء الله طبعا لكن انا عملت اكتر من اخويا البخيل فى الكيلوات توت عشان انا عامل حوالى 13 الف كيلو :k49:
بارك الله لك فيها يا توت يا اخويا و يا عم عايزين نشوفك فى اكتوبر و اخليك تاخد لفة بعربيتى و انا كمان الف شوية بعربيتك :k4: ما تيجى يا عم يوم اجازة شوية نتعارف و نجرب عربيات بعض و هية تعدية المحور و تكون عندى ان شاء الله

ممدوح باشا ...... أنت منور و انا لي الشرف لمقابلتك
و ربنا يسهل يا باشا و يقدم اللي فيه الخير ....
بس أنا غلبان و على ادي يا عم ...... 10 الاف كم حلوين قوي

المشاركة الأصلية كتبت بواسطة Ayman_52

استــــــــاذ/ تـــــوت

كــــل سنــه والجيــــن2 مع حضـــــــــرتك تمام التمام وزى الفــــــــــــل

وربنا يباركلك فيها يارب ويحفظهالك من كل شر.

أيه النجوم الجميلة دي يا أيمن باشا
ربنا يخليك يا عسل و تستلم جميلة الجميلات على خير و ربنا يباركلك فيها ان شاء الله يا عسل

المشاركة الأصلية كتبت بواسطة douha_wise

و انا كمان و انا كمان يا عمو اعتبر كملت سنة هو يعنى فاضل 5 ايام و اكملهم ان شاء الله طبعا لكن انا عملت اكتر من اخويا البخيل فى الكيلوات توت عشان انا عامل حوالى 13 الف كيلو :k49:
بارك الله لك فيها يا توت يا اخويا و يا عم عايزين نشوفك فى اكتوبر و اخليك تاخد لفة بعربيتى و انا كمان الف شوية بعربيتك :k4: ما تيجى يا عم يوم اجازة شوية نتعارف و نجرب عربيات بعض و هية تعدية المحور و تكون عندى ان شاء الله

المشاركة الأصلية كتبت بواسطة Hassan Khalil

:) :)
الف مبروووك يابو مهاب و بيسان
ربنا يبارك لك في عربيتك .. و يديم عليك فرحتك بيها ..
----
أما عن البخل ..
فحدث و لا حرج ..
اينعم ..انا بحبك انت و توت ..بس الصراحة ..انتوا الاتنين ابخل من بعض .. واحد عشر تلاف .. و التاني تلاتاشر الف ...:k20:
يا حضرات .. دا انا عملت الف التليين في 72 سااااااااااعة
و العشر تلاف دول كنت حاعملهم ( مع الرفق و التأني ) في 6 شهورفقط ..او اقل ..:k4:
طبعا عايز اضم ليكم في القائمة ..علا باشا عثمان .. اللي لسه معملتش صيانة الالف لحد دلوقتي ..ربنا يباركلها في سمسمتها ..
( طبعا هي لو قرات الكلام ده دلوقتي حتقول و حسن ده طلعلنا منين .. ما احنا قاعدين ساكتين و كافيين خيرنا شرنا :) ):k29:
**********
احبابي ..
ربنا يكرمكم جميعا .. و يباركلكم في عربياتكم .. و يعينكم علي استعمالهافي الخير دائما .. و يديم عليكم و علينا الفرحة بهذه النعمة .
تحياتي

أيه يا باشا ..... ربنا يباركلك و تعمل صياناتك كلها على خير
و باين عليك بتسافر كتير ........ أو شغلك بعيد عن سكنك ...... صح ؟؟
ربنا يباركلك فيالعربيةان شاء الله تعالى

ربنا يبارك لك فيها ويحميهالك ويحميهالنا جميعا جين2 الجميلة
ربنا يوفق

الـأستاذ khpopo
ألف شكر على مرورك و تهنئتك ........ و ربنا يباركلك في عربيتك أنت كمان يارب

المشاركة الأصلية كتبت بواسطة معاذ الشرباصى

توت باشا

ربنا يبارك لك فى العربية و يحفظها لك من كل سوء

شكرا يا دكتور معاذ .......ز و نورت قسم البروتون و ربنا يباركلك في سريونتك يارب

توووووووووووووووت حبيب قلبى
مشكور على التقييم و فكك من كلام الحاسدين و الحاقدين اللى نفسهم يشتروا العربية و خايفين
عاش يا نجم على التقرير الجميل و ربنا يوفقك ان شاء الله و يحفظك