الموضوع: بعد عام كامل و 10 الاف كم مع الجين 2 و تقييم كامل

المشاركة الأصلية كتبت بواسطة ASD peugeot

مبروك يا استاذ توت علي صيانه 10 الاف كم للجين 2 و اعبال صيانه ال 100 الف
وربنا يحفظهالك

شكر يا أسد البيجو ....... ربنا يباركلك في البيجو و يجعلك فيها الخير و البركة

المشاركة الأصلية كتبت بواسطة ouba2

الاستاز توت هنا من اكتر العضاء احتراما والكل يشهد بكدة وانا اولهم وبعدين بلاش مشاكل

ألف شكرا على شهادتك يا أخي يا أوبا و ربنا يباركلك يا شيخ

المشاركة الأصلية كتبت بواسطة khpopo

لية الاسلوب الهجومى دةة!! الموضوع المفتوح اصلا مش محتاج الحوار دة:k17:

و الله و مش عارف يا أخي الكريم .......مع اني معملتش حاجة لحد و مش بضايق حد و بحترم الكل .... بس ربنا يشفينا جميعا
و شكرا على المداخلة دي يا باشا

المشاركة الأصلية كتبت بواسطة ouba2

والله مش عارف لية السلوب دة مع الاستاز توت اللي يضرب بية المثل في الالتزام والاحترام و اخلاقة يشهد بيها المنتدي كلة

الله يكرمك مرة تانية يا أوبا يا عسل .... و ربنا يديم المحبة ما بينا يارب

المشاركة الأصلية كتبت بواسطة tweety26980

توت
الف مبروك
وعلى فكره انا عملت صيانة ال 10000 امبارح
وانا طبعا اشتريت العربيه 22 /8/2008
وعقبال صيانة 1000000 كلم
على خير

تويتي يا عسل ......... مبروك عليك صيانة 10 الاف و ربنا يباركلك في عربيتك يارب و يطرحلك فيها البركة

المشاركة الأصلية كتبت بواسطة waleedss

سبحان الله الراجل بيحب عربيته ومبسوط منها ومالو لو عمل 10000 في سنه يعني لو كتب تقييم السياره بعد 6 اشهر و 10000 كيلو كنت هديت؟
انت تحولت من السياره للانتقاد الشخصي لمجرد الاختلاف في الراي وشوف توقيعك ومش توقيعك على طريقة اهو انت

شكرا يا أستاذ وليد على شهادة الحق و الكلم المظبوط
و ربنا يهدينا يارب

المشاركة الأصلية كتبت بواسطة waleedseng

يا أخي Pinkone من قراءتي لتعليقاتك و ردودك الحادة على أخونا "توت" أستطيع أن أرى أن هذة الحدة في كلامك ليس سببها الجين2 ولا المبالغة في وصف السيارة ولن من الواضح أن الصورة في توقيع الأخ توت مدايئاك جامد.
كان من الأفضل لو تكون صريح و مباشر . يعني لو كنت بعت له رسالة من الأول توضح وجهت نظرك في الصورة و تطلب منه يشيلها كان أحسن.

أما لو كنت أنا غلطان و كان غضبك فعلا بسبب المبالغة في وصف العربية كنت ممكن تكتب وجهت نظرك دي من غير السخرية إللي بين السطور.

أنا مش مستنيك ترد عليا أنا بس عايزك تعرف إن باللين و الهدوء كان ممكن توصل لنتيجة أحسن.

وأسال الله أن يهدينا لأحسن الأخلاق لا يهدي لأحسنها إلا هو.

أستاذ وليد سنج ....... بجد ألف شكر للتوضيح الجميل ده و فعلا الدخول في مناقشة موضوع بطريقة مستقيمة بدون لف و لا دوران كان سيكون أفضل

مع أني مش بكدب و لا مفبرك الصور
الناس اللي عندها وطنية قوي
تنزل تقعد في الشارع ربع ساعة و تشوف الجنان على أصوله
و أول ما ييجي الظابط
الكل يتلم و يدارى و يحترم نفسه
يعني أنا مش بفتري على الناس و لا بتقول عليهم و لا بألف كلام و لا أنا بخترف و أحنا عايشين في باريس و أنا مشواخد بالي !!!!!!!!

شكرا يا أستاذ وليد مرة تانية و ربنا يباركلك يارب و يجعلك دايما في فعل الخير

المشاركة الأصلية كتبت بواسطة Ahmed Anwer

مبروووك أ / توت

عقبال 100 سنة

و مليون كيلو

مش عارف الجين 2 هيا اللي جميلة الجميلات

و لا حضرتك اللي نجم نجوم المنتدي

سبع صفحات للتهنئة بصيانة العشرتلاف

بسم الله ما شاء الله ،،

أحمد باشا أنور
و الله أنت منور بجد و ربنا يكرمك يا باشا على الكلام الجميل اللي مش بيطلع إلا من شخص جميل زيك
ربنا يباركلك في الفيرنا يارب و يهنيك بيها ....
و يحفظك من الطريق

المشاركة الأصلية كتبت بواسطة mayki4u

ايه دا ليه المشاكل دى كلها ؟
على ايه يا جماعه التعصب والنرفزه دى؟
يا استاذ Pinkone انا شايف انه الاستاذ تووت مغلطش معاك وانت اللى ابتديت بالهجوم والكلام اللى مداري ؟
لان الاستاذ تووت لو غلط كنا احنا أول ناس نعاتبه على غلطه
انت ابديت رأيك وهو وضحهولك بعد كده دخلت انه بيهول فى طريقة كلامه !! طيب هو حر ومبسوط بعربيته
بعد كده دخلت على موضوع التوقيع طيب ما فى ناس عندها توقيعات اكتر من كده ومحدش بيتكلمو معاهم ثم اى واحد ممكن يحط التوقيع اللى هو عايزه
وأنا معاه الصراحه فى توقيعه وانه الشعب مبيجيش غير كده فعلا للى مش محترم ومش ماشي بما يرضى الله ومراعى ضميره.
أنت داخل سخن وانا مش عارف ليه؟؟؟؟؟؟؟؟؟؟؟؟
على العموم احنا ناس كبار ومحترمه ومينفعش بيننا يكون اسلوب الحوار او المناقشه بالشكل دا .
أنا متهيألى موضوع الخلاف خلااااص كده ومنبتديش نكبره اكتر من اللازم يا جماعه .

مايكل باشا ..... شكرا يا عسل على المداخلة دي و بجد شكرا مرة تانية
و الناس كلها عرفت أني بتهاجم بدون داعي و بدون ما أضايق حد و من غير ما أغلط في حد
لن أقول غير حسبي الله و نعم الوكيل
و بجد أحب أشكرك مرة تانية على كلامك الموزون العاقل ده
روح يا شيخ .........ربنا يباركلك في جميلة الجميلات لما تستملها إن شاء الله تعالى ...... و يحفظك من شر الطريق و يحفظلك عربيتك

المشاركة الأصلية كتبت بواسطة Chicco

صديقي الحبيب الملك الذهبي ...كالعاده يا باشا كلامك كله موزون و عقلاني ....ألف مبروك عليك سنة و ١٠ الآف كيلو مع جميلة الجميلات .....كل سنة و هي طيبة ... ربنا يحفظهالك و يكفيك شر الطريق يا جميل

على فكرة حكاية أن المرء يتعلق بالعربية ديه مكتوبة فيها كتب :)

على فكرة أنا شغلي في تورنتو على بعد ١٠ دقائق مشي من البيت ....أول سنة مع كرملة (إسم عربيتي الكورولا ) عملت حوالي ٧ الآف كيلو بس ....أما تريو (إسم عربيتي الكليو) عملت حوالي ٦ الآف أول سنة ...استخدامي في الأجازات و ساعات أختي أو والدتي بيستخدموها .....العربية اللي قبليها الله يمسيها بالخير فيلي (إسم عربيتي الفيليشيا ) كانت برضه بتعمل متوسط ١٠ الاف كيلو في السنة .....بعتها بعد ١٠ سنين عملة تقريبا ١٠٠ ألف كيلو
و العربيتين اللي قبل كده ال-١٢٨ و ال-١٢٧ شرحه ;)

حبيب قلبي المختفي ...
سفيرنا العزيز في كندا .......
سفير نايل موتورز في تورونتو
فينك يا باشا ..... عايزينك دايما منور صفحات المنتدى

و شكرا يا عسل على المشاركة الجميلة دي و الكلام العسل ده
و ربنا يباركلك في عربياتك و يجعلك فيهم البركة و يحفظك من الجليد الكندي
شكرا يا جميل

المشاركة الأصلية كتبت بواسطة mooody2007

وعاملة كام فى السعودية اكيد فى رنجات قليلة ؟؟ فى ال 30 او 40 ؟؟؟ ارجو الافادة ؟

ده أكيد .............. معندهومش في السعودية لا ضرائب و لا جمارك

الاخ Pinkone

انا موش فاهم ايه سبب هجومك السخيف على الاخ توت
الراجل يعنى لا غلط فى حد و لا زعل حد و الناس كلها ماشاء الله بتحبه و حتى فى ردوده عليك راجل محترم لا يتجاوز اداب الحديث
الناس كلها بتهنيه و انت طالع من وسطهم بتعلق على كلام له مطلق الحرية فى انه يقوله و موش عاجبك و لا عاجبك تعليقه
للاسف المنتدى بدء يظهر فيه ناس سلبية زيى حضرتك تخش فى موضوع بناء ظريف و تروح مضايقة الناس بكلمتين مالهومش لزمة زيى سعادتك كده
ياريت تحتفظ بردوك لنفسك علشان ماتزعلش حد منك و تدخل كده تتناقش بموضوعية بلاش استفزاز

ألف مبروك يا أستاذ توت
وعقبال صيانة الـ 300 ألف :)