غالبا ان عندك تنفيس في دائرة التبريد و الفريون اتسرب لان ده حصل معايا قبل كده انت عاوز صنيعي شاطر يشوف التسريب منين و يعمله و بعدين يشحنلك فريون
رقم العضوية : 166214
تاريخ التسجيل : 04Oct2014
المشاركات : 73
النوع : ذكر
الاقامة : الأقصر
السيارة: مرسيدس بنز CLS 350
السيارة[2]: لانوس
دراجة بخارية: بكرهها، اعوذ بالله.
الحالة :
السلام عليكم ورحمة الله وبركاته
شباب من يومين لاحظت أني لما أجي اشغل التكييف اسمع صوت تنفيس زي صوت الكورة لما تيجي تفسي كدا وصوت مزعج وعالي نوعاً ما جاي من ورا الدرج اللي ف اليمين!
وكمان كفائة التبريد قلت جدا بشكل ملحوظ وكأني مشغل تكييف صحراوي مش فريون!
فياريت تفيدوني ياشباب قبل ما اروح للصنايعية ويفكفك ويركب ويشتغلني ف الاخر للأسف الثقة انعدمت.
وشكراً
رقم العضوية : 70985
تاريخ التسجيل : 19May2010
المشاركات : 31
النوع : ذكر
الاقامة : cairo
السيارة: lancer
السيارة[2]: lanos
الحالة :
غالبا ان عندك تنفيس في دائرة التبريد و الفريون اتسرب لان ده حصل معايا قبل كده انت عاوز صنيعي شاطر يشوف التسريب منين و يعمله و بعدين يشحنلك فريون
رقم العضوية : 91251
تاريخ التسجيل : 14Mar2011
المشاركات : 1,078
النوع : ذكر
الاقامة : port said
السيارة: كانت اوبل واتكلت
السيارة[2]: نوبيرا 2 99 بريميم
دراجة بخارية: الله يعافينا
الحالة :
عندك تسريب فى التلاجة جوة التابلوة
رقم العضوية : 166214
تاريخ التسجيل : 04Oct2014
المشاركات : 73
النوع : ذكر
الاقامة : الأقصر
السيارة: مرسيدس بنز CLS 350
السيارة[2]: لانوس
دراجة بخارية: بكرهها، اعوذ بالله.
الحالة :
شكراً ياغالي الله يباركلك طيب بما ان الموضوع حصل معاك قبل كدا هل هو حوار يعني ولا موضوع بسيط؟
وهل له علاقة بالكباس؟ يعني كدا ممكن يكون الكباس باظ؟
وإذا أمكن معلش ممكن اعرف اذا موضوعي نفس موضوعك ممكن يكلف في حدود كام وشحن الفريون بكام؟
عشان محدش يألف عليا بس :)
فعلا يابطل الصوت جاي من التابلوة وواضح لدرجة اي حد يركب معايا يلاحظه، وكمان دوشة من غير تبريد أصلا :( والتكييف بصراحه مهم جدا في النار اللي احنا فيها دي كمان انا ف الصعيد فنااااااار
ياريت بردوا لو عندك معلومه عن الأسئلة بتاعتي تتكرم عليا وتساعدني
جزاكم الله خيراً ياجماعة
رقم العضوية : 91251
تاريخ التسجيل : 14Mar2011
المشاركات : 1,078
النوع : ذكر
الاقامة : port said
السيارة: كانت اوبل واتكلت
السيارة[2]: نوبيرا 2 99 بريميم
دراجة بخارية: الله يعافينا
الحالة :
بص يا صديقى انا كان عندى نفس اللى عندك بالملى هتروح لواحد بتاع تكييف محترم يشيك على المواسير الاول والكمبروسر وحاجة اسمها الكويل فى صدر العربية ويضغطهم لو مفيش تسريب يبقى الموضوع هيتحول الى التلاجة ومواسيرها جوة التابلوة ودا غالبا وبنسبة 80 % اللى هتلاقية هيتحل التابلوة كامل وهيشوف التلاجة وهتتحل وهيركب مكانها ويشيك على مواسيرها ويضغط تانى علشات يتاكد ان مفيش تسريب ومبروك عليك التكييف وهتلاقى اداءة اتحسن هى مكلفة شوية بس بتريح دماغك انا غيرت تلاجة ومصنعية وشحن ب650 جند
رقم العضوية : 166214
تاريخ التسجيل : 04Oct2014
المشاركات : 73
النوع : ذكر
الاقامة : الأقصر
السيارة: مرسيدس بنز CLS 350
السيارة[2]: لانوس
دراجة بخارية: بكرهها، اعوذ بالله.
الحالة :
حبيبي الله يباركلك علي شرحك التفاصيل :) شكرًا بجد.
بس حواري كان مختلف شويا، بص ياسيدي :)
انا لسه راجع من الراجل بتاع التكيفات. عمل كالتالي:
١- دخل العربيه شغل التكيف وفتح الكبوت بص علي المواسير كان في رشح ف الحته اللي داخله ع التابلوه.
٢- قالي من قبل ما يكشف محتاج تغير "الاوسيلات" مش عارف كاتبها صح ولا لأ بس هي عبارة عن ٣ جلد كدا زي جلدة الأنبوبة بس صغيرين.
٣- فك المواسير بسهولة يعني مش زي منا كنت متخيل وطلع التلت جلد دول وقالي هات زيهم بس يكونوا تخان.
٤- روحت جبت ال٣ جلد، المفروض ب٣جنية بس الراجل بتاع المحل طلع عينة لغاية ما لقي شبه اللي عايزهم وتخان فدفعت ٥جنية.
٥- بتاع التكييف ركبهم وركب المواسير بعدين جاب حاجه زي الكباس ألهوا كدا ووصله بمؤشرات كدا شبه اللي بنقيس بيها ضغط العجل :).
٦- قعد يحط حاجه زي ميه بصابون علي حتت معينه عشان يشوف في تسريب او لا تقريباً بس الحمد لله مكنش في تسريبات.
٧- خلي تكيف العربيه يشفط زي شوية زيت كدا قليلين ( سألته ليه ورد عليا بس مسمعتوش فهزيت راسي وخلاص ).
٨- قالي هات نص كيلو فريون من المحل اللي جنبه. جبته كان ب٥٠جنية.
٩- حطه والعربيه شفطته وماشاء الله الله اكبر كان شغل التكيف رجع زي الاول بالضبط :).
١٠- توته توته خلصت الحدوته واخد ٨٠جنية مصنوعية.
كدا يبقي اجمالي التكلفة ١٨٥ جنية، هل اتنصب عليا :) ؟ ولا الدنيا تمام؟ بس بصراحة راجل زوق ومحترم وحسيت ان شغله نضيف.
شكراً ليكم ياجماعة انا قولت أقول اللي مريت بيه بردوا عشان اللي يبحث يشوف خبرة غيرة.
في آمان الله
رقم العضوية : 78794
تاريخ التسجيل : 28Aug2010
المشاركات : 145
النوع : ذكر
الاقامة : cairo
السيارة: Nubira 2007
السيارة[2]: aveo 2009
دراجة بخارية: لايوجد
الحالة :
لا يا باشا متنصبش عليك انا اللي اتنصب عليا لسه كان عندي نفس المشكلة بتاعتك بالظبط بس زود عليهم الاويلسيلات بتاعه حاجة اسمها البالتة و كبس و شحن خد مني 300 جنية قالي الشحن لوحدة 150 جنية و المفروض انه معرفة
رقم العضوية : 166214
تاريخ التسجيل : 04Oct2014
المشاركات : 73
النوع : ذكر
الاقامة : الأقصر
السيارة: مرسيدس بنز CLS 350
السيارة[2]: لانوس
دراجة بخارية: بكرهها، اعوذ بالله.
الحالة :
استغفر الله ربنا يبعدنا جميعاً ياخي من الناس اللي عندها جشع دي.
بس بردوا عشان مظلمش الراجل اللي انت عملت عنده، انا علبة الفريون اللي جبتها نص كيلو ونفس حجم علبة البايرسول دا بتاع النموس او علبة معطر الجو بس اقصر شويه ومكتوب عليها صنع في مصر.
قولتله انت واثق من العلبة اللي مكتوب عليها صنع في مصر دي؟ قالي طبعا ودي احسن من الصيني! انا صدقته عشان حسيته راجل خلوق وفاهم.
اما بخصوص الاوسلسيلات دي! انت جبت اويلسيلات تاني غير التلاته اللي انا جبتهم؟
وبخصوص الكبس ماهو كبس عندي عشان يعمل تيست بردوا عادي وطبعا شحن عادي.
هو كدا واخد حق الفريون ١٥٠ و١٥٠مصنوعية!
ربنا يعافينا جميعا من النصابين ياجدعان :(
معلش ياغالي انت ممكن ترجعله اذا العلبة بتاعتك نفس بتاعتي وتقوله فهمني ال٣٠٠بتاعة ايه لو سمحت من جديد.
او اسأل ع العلبة برا مثلا وشوف.
يا اما اذا مش فاضي احتسبها عند الله ومنه لربنا بقي.
رقم العضوية : 166214
تاريخ التسجيل : 04Oct2014
المشاركات : 73
النوع : ذكر
الاقامة : الأقصر
السيارة: مرسيدس بنز CLS 350
السيارة[2]: لانوس
دراجة بخارية: بكرهها، اعوذ بالله.
الحالة :
يا جماعة معلش امبارح كان عليا النوم وهبلت في حساب الحاجات... هي مش ١٨٥جنية
٥ج اويلسيلات + ٥٠ج فريون + ٨٠ج مصنوعية = ١٣٥جنية تكلفة الحوار كله.
يعني ياغالي حواري كله اقل من تمن الفريون بتاعك بس!!! كدا نصب اوفر يا اما نوع الفريون تختلف وكان في حاجه زيادة عندك!
المفضلات