الموضوع: تعليم القياده

السلام عليكم
انا كنت بدور على النت على موضوع لتعليم قياده السيارات ووصلت للمنتدى ولقيت نصائح كثيره جدا كان عامل الموضوع ا حسين غزاله ربنا يجازي كل خير واستفدت كتير جدا منه بس فى صور كتير اتحذفت والصور ديه كانت توضيحيه ياريت لو حد عنده امكانيه ان يساعد الناس بنصائح للسائق الجديد بخصوص اكتر المشاكل التى يتعرض لها المبتدا مثل الدخول فى الشوارع الضيقه والركنات يعنى ايه اهم شى الواحد يركز غليه مثلا وانا داخله شارع ضبق اتجاهين بدون رصيف مثلا واشياء كثيره انتم اعلم بها مثلا عن طريق صور او فيديوهات وجزاكم الله كل خير

و انت داخله الشارع على يمينك متاخديش ملف واسع لان ممكن واحد قادم من داخل الشارع فى وشك
العكس لو الشارع على شمالك خدى ملف واسع لنفس السبب
طبعا و انت داخله الشارع لازم تكونى مهديه و رجليكى على الدبرياش و على الفرامل عشان عند اى مفاجئة تدوسي فرامل مش تتسرعى و تدوسي بنزين
لما تدخلى شارع ضيق و تلاقى عربيات واقفه ورا بعضها اقفى و راهم مش تحاولى تتخطيهم لانك ستفاجئى بعربية داخلة فى وشك و بالتالى انت و هو هتقفوا و الشارع هيتقفل
لو حسيتى ان عربية فى الشارع الجانبي قافله الشارع و هتزنق عربيتك مفيش مشاكل تقفى على اول الشارع لغاية ما تعدى
اى واحد مش عاجبه اسلوبك و عمال يكلكس وراكى طنشيه و يشرب من البحر
لو اهتميتي برغبات السيارات وراكى ممكن تعملي حادث عشانهم
الى مش عاجبه يعدى و يسلك نفسه